ورتالىق پەن مەملەكەت ورگاندارىنان، ورتالىق كاسىپورىنداردان 9 - توپتا شينجياڭعا باعىتتامالى كومەككە كەلگەن كادر - دارىندىلاردى تاربيەلەۋ كۋرسىنىڭ ساباق باستاۋ سالتى جانە قارسى الۋ ءماجىلىسى ۇرىمجىدە وتكىزىلدى

    چىن چۋانگو، جاڭ جيانچۇن ءسوز سويلەدى، شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين قاتىناستى، ءماجىلىستى جاڭ يجىن باسقاردى

    31 - شىلدەدە ورتالىق پەن مەملەكەت ورگاندارىنان، ورتالىق كاسىپورىنداردان 9 - توپتا شينجياڭعا كومەككە كەلگەن كادر - دارىندىلاردى تاربيەلەۋ كۋرسىنىڭ ساباق باستاۋ سالتى جانە قارسى الۋ ءماجىلىسى ۇرىمجىدە وتكىزىلدى.

    اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، ورتالىق كوميتەت ۇيىمداستىرۋ ءبولىمى ءبولىم ىستەرى مۇشەسى، قوسىمشا كادرلار 1 - مەكەمەسىنىڭ باستىعى جاڭ جيانچۇن ماجىلىسكە قاتىناستى ءارى ءسوز سويلەدى. اۆتونوميالى رايوننىڭ جانە بيڭتۋاننىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين، لي شۋەجۇن، ما شۋەجۇن، جاڭ چۇنلين، ليۋ جيانميڭ ماجىلىسكە قاتىناستى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى جاڭ يجىن ءماجىلىستى باسقاردى.

    چىن چۋانگو اۆتونوميالى رايوندىق پارتكوم، ۇكىمەت جانە بۇكىل اۆتونوميالى رايونداعى ءار ۇلت كادر - جۇرتشىلىعى مەن بيڭتۋانداعى كادر - قىزمەتشىلەر اتىنان ورتالىق پەن مەملەكەت ورگاندارىنان، ورتالىق كاسىپورىنداردان 9 - توپتا شينجياڭعا كومەككە كەلگەن كادر - دارىندىلاردى قىزۋ قارسى الدى، ورتالىق پەن مەملەكەت ورگاندارىنىڭ، ورتالىق كاسىپورىنداردىڭ ۇزاقتان بەرى شينجياڭعا كوڭىل ءبولىپ، قولداۋ كورسەتىپ، كومەك بەرىپ كەلگەنىنە شىن جۇرەكتەن العىس ايتىپ، وسكەلەڭ قۇرمەت ءبىلدىردى.

    چىن چۋانگو مىنالاردى اتاپ كورسەتتى: شينجياڭعا باعىتتامالى كومەكتەسۋ قىزمەتىن ورىستەتۋ − پارتيا ورتالىق كوميتەتىنىڭ پارتيا مەن مەملەكەت ستراتەگياسىنىڭ جالپى جاعدايى تۇرعىسىنان شىعارعان كەلەلى شەشىمى. شينجياڭعا باعىتتامالى كومەكتەسۋ قىزمەتىن ىشكەرىلەي ورىستەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ شىنايى كورىنىسى، شينجياڭعا باعىتتامالى كومەكتەسۋ قىزمەتى جونىندەگى 6 - رەتكى مەملەكەتتىك ءماجىلىستىڭ رۋحىن تياناقتاندىرۋداعى ناقتى ارەكەت، كورىكتى شينجياڭ قۇرىپ، وتان ارمانىن قاتار ىسكە اسىرۋدىڭ وزەكتى قاجەتى. شينجياڭعا باعىتتامالى كومەكتەسۋ قىزمەتىن ورىستەتۋدىڭ ماڭىزدى ءمانىن جىعا تانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى مەن جاڭا داۋىردەگى شينجياڭعا باعىتتامالى كومەكتەسۋ قىزمەتى جونىندەگى شەشىم - ورنالاستىرۋىن جاپپاي دايەكتىلەندىرىپ، شينجياڭعا باعىتتامالى كومەكتەسۋ قىزمەتى جونىندەگى 6 - رەتكى مەملەكەتتىك ءماجىلىستىڭ رۋحىن دايەكتىلەندىرىپ جانە تياناقتاندىرىپ، جاڭا جاعدايداعى شينجياڭعا باعىتتامالى كومەكتەسۋ قىزمەتىن شىنايى جاقسى ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن بىرگە جازۋ كەرەك.

    چىن چۋانگو مىنالاردى ءۇمىت ەتتى: شينجياڭعا كومەككە كەلگەن كادر - دارىندىلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى تاپسىرماسىن ەستە ساقتاپ، جىبەرگەن ورىندار جۇكتەگەن جاۋاپكەرشىلىك پەن بورىشتى ەستە ساقتاپ، شينجياڭعا باعىتتامالى كومەكتەسۋدىڭ جاڭا جۇمىس ورنىندا تاۋداي تابىستارعا جەتىپ، ءورىستى ءومىر جولىن ورنەكتەۋى كەرەك. وزەكپەن جاناسىپ، شينجياڭعا باعىتتامالى كومەكتەسۋ قىزمەتىن باس نىسانانى تىعىز ارقاۋ ەتە ورىستەتۋى كەرەك. شينجياڭعا باعىتتامالى كومەكتەسۋ قىزمەتىندە ءارقاشان قوعام ورنىقتىلىعى مەن باياندى تىنىشتىق باس نىساناسىن باسشىلىققا الۋعا تاباندى بولىپ، سانالى تۇردە شينجياڭداعى ءار ۇلت كادر - جۇرتشىلىعىمەن بىرگە باس نىسانانى نازارعا الىپ، كەشەندى شارانى ويداعىداي اتقارىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىنا كەپىلدىك ەتىپ، پارتيا 19 - قۇرىلتايىنىڭ جەڭىسپەن اشىلۋىنا تاماشا قوعامدىق ورتا ازىرلەۋى كەرەك. بۇلجىماستان تاباندى بولىپ، شينجياڭعا باعىتتامالى كومەكتەسۋ قىزمەتىندەگى ءتۇيىندى مىندەتتەردى كورنەكتىلەندىرە وتىرىپ ىلگەرىلەتۋى كەرەك. «التىعا بۇلجىماستان تاباندى بولۋ» ءتۇيىندى مىندەتتەرىنە تىعىز ۇشتاستىرىپ،كەدەيلىكتەن قۇتىلدىرۋدان قامال الۋدى، شارۋاشىلىقتى دامىتۋ ارقىلى جۇمىسقا ورنالاستىرۋدى، وقۋ - اعارتۋ، دەنساۋلىق ساقتاۋ ىستەرىن دامىتۋدى، كادر - دارىندىلار قوسىنى قۇرىلىسىن، ارالاسۋ، ىشتەسۋ، توعىسۋدى، نەگىزگى ساتى قۇرىلىسىن ىلگەرىلەتۋگە نازار اۋدارىپ جانە كۇش سالىپ، شينجياڭنىڭ قوعام ورنىقتىلىعى مەن باياندى تىنىشتىعىنا، شينجياڭنىڭ جاپپاي دوڭگەلەك داۋلەتتى قوعام قۇرۋىنا دەم بەرۋى كەرەك. مىندەتكە الىپ جانە ۇلەس قوسىپ، شينجياڭعا باعىتتامالى كومەكتەسۋ قىزمەتىنە بار كۇشپەن ات سالىسۋى كەرەك. تۋى ايقىن تۇردە ساياسيدى دارىپتەپ، «4 تانىمدى» بەرىك ورناتىپ، باس شۋجي شي جينپيڭنىڭ ۇيتقىلىق ورنىن اۋىتقىماستان باتىل قورعاۋدى ەڭ ۇلكەن ساياسي، ەڭ ماڭىزدى ساياسي ءتارتىپ جانە ساياسي قاعيدا دەپ ءبىلىپ، يدەيا، ساياسي، ارەكەت جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بولشەكتەۋشىلىككە قارسى كۇرەستىڭ تارتىبىنە قاتاڭ بويسۇنىپ، وتاننىڭ بىرلىگىن، مەملەكەتتىڭ حاۋىپسىزدىگىن، ۇلتتاردىڭ ىنتىماعىن، قوعامنىڭ ورنىقتىلىعىن بۇلجىتپاي قورعاۋى؛ جاۋاپكەرشىلىكتى باتىل ارقالاپ، مىندەتكەرلىكتى دارىپتەپ، شينجياڭداعى ءار ۇلت كادر - جۇرتشىلىعىمەن بىرگە جاپالى ەڭبەك ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ناقتى ارەكەتپەن ىلگەرىلەتۋى؛ شىندىققا جۇگىنىپ، ناقتى ىستەر ىستەپ، ۇلەسكەرلىكتى دارىپتەپ، «وتباسىن قيىپ، وتان ءۇمىتىن اقتاۋ، ادال نيەتپەن ارقاعا كوتەرۋ، ىنتىماقتاسا ۇلەس قوسۋ، جاڭالىق اشا العا باسۋ» دەيتىن شينجياڭعا باعىتتامالى كومەكتەسۋ رۋحىن بار كۇشپەن ساۋلەلەندىرىپ، ءوزدى - ءوزىنىڭ جۇمىس ورنىندا سۇبەلى ناتيجەلەر شىعارۋعا قۇلشىنۋى؛ كىرشىكسىز، پاك بولىپ، ءوزىن تازا ۇستاپ، تاماشا وبرازبەن شينجياڭداعى ءار ۇلت كادر - جۇرتشىلىعىنىڭ قۇرمەتى مەن سەنىمىنە يە بولۋى كەرەك. چىن چۋانگو مىنالاردى باسا دارىپتەدى: اۆتونوميالى رايوندىق پارتكوم، ۇكىمەت، بيڭتۋان جانە ءار دارەجەلى ورىندار مەن تاراۋلار شينجياڭعا باعىتتامالى كومەكتەسۋ قىزمەتىن كورنەكتى ورىنعا قويۋدان جازباي، شينجياڭعا باعىتتامالى كومەكتەسۋگە كەلگەن كادر - دارىندىلارعا ىلتيپاتپەن قاراپ، ايرىقشا قامقورلىق جاساپ، سۇيىسپەنشىلىكپەن، جاۋاپكەرشىلىكپەن جۇمىس جاساپ، ولاردىڭ قىزمەتى مەن تۇرمىسىنا بار ىنتا - ىقىلاسپەن، مۇمكىندىكتىڭ بارىنشا وڭتايلى شارت - جاعدايلار ازىرلەۋ كەرەك. ساياسيدا تولىق سەنىم ارتىپ، شينجياڭعا باعىتتامالى كومەكتەسۋگە كەلگەن كادر - دارىندىلاردىڭ جەتىلۋى مەن العا باسۋىنا شىنايى كوڭىل ءبولۋى؛ قىزمەتتە بار كۇشپەن قولداۋ كورسەتىپ، قىزمەت پەن قىزمەتكەردىڭ ۇيلەسۋىنە، ادام قابىلەتىن تولىق اشۋعا تاباندى بولىپ، شينجياڭعا باعىتتامالى كومەكتەسۋگە كەلگەن كادر - دارىندىلاردىڭ وتاننىڭ شەكارالىق وڭىرىندە بار ونەرىن ورتاعا سالىپ، ءوز رولىن تولىق ايگىلەۋىنە مۇمكىندىك تۋدىرۋى؛ تۇرمىستا ىقىلاستى قامقورلىق جاساپ، قاتىستى يگىلىك ساياساتتارىن تياناقتاندىرىپ، شينجياڭعا باعىتتامالى كومەكتەسۋگە كەلگەن كادر - دارىندىلاردىڭ ناقتى قيىنشىلىقتارىنىڭ شەشىلۋىنە دەر كەزىندە قولعابىس ەتۋى؛ باسقارۋ جاعىندا قاتاڭ تالاپ قويىپ، ولاردى ءتارتىپ پەن قاعيدانىڭ الا سىزىعىنان، تومەنگى شەگىنەن اتتاماي، ادال، كىرشىكسىز، مىندەتكەر بولۋعا ۇيرەتىپ، ولاردىڭ شينجياڭنىڭ ورنىقتىلىق، دامۋ ىستەرىنە بۇكىل ىنتا - پەيىلمەن ات سالىسۋىنا مۇمكىندىك تۋدىرۋ كەرەك.

    جاڭ جيانچۇن ورتالىق كوميتەت ۇيىمداستىرۋ ءبولىمىنىڭ ءبولىم ىستەرى كەڭەسى اتىنان شينجياڭعا كادر - دارىندى ارقىلى كومەكتەسۋ قىزمەتىنە كوڭىل ءبولىپ، قولداۋ كورسەتكەن اۆتونوميالى رايون مەن بيڭتۋانعا جانە اۆتونوميالى رايونداعى ءار ۇلت كادر - جۇرتشىلىعىنا شىن جۇرەكتەن العىس ايتىپ، شينجياڭعا باعىتتامالى كومەكتەسۋ قىزمەتىنە بەلسەندى تۇردە ات سالىسقان جولداستارعا وسكەلەڭ قۇرمەت ءبىلدىرىپ، ولاردان شىنايى حال سۇرادى. جاڭ جيانچۇن مىنالاردى اتاپ كورسەتتى: جاڭا تاريحي باستامادا، شينجياڭ قىزمەتىنىڭ جاڭا جاعدايى مەن ءار ۇلت بۇقاراسىنىڭ تىڭ تىلەكتەرىنە سايكەس، ورتالىق ورىنداردان شينجياڭعا باعىتتامالى كومەكتەسۋگە كەلگەن كادر - دارىندىلاردىڭ موينىنداعى جاۋاپكەرشىلىك ونان سايىن اۋىرلاپ، ارقالاعان مىندەتتەرى ءزىل − باتپان بولا ءتۇستى. يدەيالىق تانىمدى تەرەڭدەتىپ، شينجياڭ قىزمەتىن جاقسى ىستەۋدىڭ ماڭىزدى ستراتەگيالىق ءمانىن جان - جاقتى ءتۇسىنىپ، شينجياڭعا باعىتتامالى كومەكتەسۋ قىزمەتىنىڭ جاڭا رۋح، تىڭ تالاپتارىن بەرىك يگەرىپ، شينجياڭعا باعىتتامالى كومەكتەسۋدىڭ كادر - دارىندىلاردىڭ اقاۋسىز جەتىلۋىن جەبەۋدەگى ماڭىزدى رولىن جىعا تانىپ، شينجياڭعا باعىتتامالى كومەكتەسۋ قىزمەتىنىڭ تاريحي بورىشىن سانالى تۇردە ارقالاۋى كەرەك. جۇمىس ورنىن تياناق ەتىپ، ماڭىزدى جاۋاپكەرشىلىكتى شىنايى اتقارىپ، شينجياڭدى زاڭ بويىنشا جونگە سالۋعا تاباندى بولىپ، ورنىقتىلىقتى قورعاۋدا باتىلدىقپەن جاۋاپكەرشىلىك ارقالاۋ، بولشەكتەۋشى كۇشتەرمەن بەتپە - بەت، ايقىن تۋ ۇستاي وتىرىپ كۇرەس جۇرگىزۋى؛ شينجياڭدى دامىتۋعا، گۇلدەندىرۋگە تاباندى بولىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ جولىندا بەلسەندى جۇمىستار جۇرگىزىپ، كەدەيلىكتەن قۇتىلدىرۋدان قامال الۋدىڭ جاۋاپكەرشىلىگى مەن اۋىر مىندەتتەرىن سانالى تۇردە ارقالاي ءبىلۋى؛ شينجياڭدى ىنتىماقتاستىرۋ مەن ورنىقتىرۋعا تاباندى بولىپ، ۇلتتاردىڭ توعىسۋىن ىلگەرىلەتۋگە بار كۇشىن سالىپ، جان - جاقتى ارالاسۋ، شىنايى ىشتەسۋ، تەرەڭ توعىسۋ، ءبىر ءۇيلى جانداي جاقىن ءوتۋدى ىسكە اسىرۋى؛ شينجياڭدى ۇزاق ۋاقىت گۇلدەندىرۋگە تاباندى بولىپ، نەگىزگى ساتىنىڭ نەگىزىن بەكەمدەۋدى ۇزدىكسىز تۇردە ىلگەرىلەتىپ، ۇيىم جانە بيلىك قۇرىلىسىنا ءتىپتى باسا نازار اۋدارىپ، شينجياڭداعى دارىندى تاپشى بولۋ ماسەلەسىن ويداعىداي شەشىپ، پارتيانىڭ شينجياڭداعى بيلىك تۇعىرىن بەكەمدەي ءتۇسۋى كەرەك. ساياسي قاسيەتتى نىعايتىپ، وتاننىڭ بىرلىگى مەن ۇلتتاردىڭ ىنتىماعىن قورعاۋ سياقتى ۇلكەن دۇرىس، ۇلكەن بۇرىس ماسەلەسىندە ساناسى توتەنشە سەرگەك، كوزقاراسى توتەنشە ءجىتى، ارەكەتى توتەنشە باتىل بولۋى؛ قابىلەت - قارىمدى جوعارىلاتىپ، شينجياڭنىڭ رايون جاعدايى مەن جەرگىلىكتى تاريحىن جانە ۇلت - ءدىن بىلىمدەرىن، ت.ب يگەرۋگە ءمان بەرىپ، كۇردەلى جاعدايدى يگەرۋ جانە قايشىلىقتار مەن ماسەلەلەردى شەشۋ قابىلەتىن ۇزدىكسىز جوعارىلاتۋى؛ ستيل نەگىزىن بەكەمدەپ، شينجياڭعا باعىتتامالى كومەكتەسۋدى پارتيالىق تاربيەلىلىكتى نىعايتىپ، يدەيالىق دەڭگەيدى كوتەرىپ، دۇنيەگە، ومىرگە، قۇنعا كوزقاراستى كىرشىكسىزدەندىرۋدىڭ شىنىعۋ بارىسىنا اينالدىرىپ، شينجياڭعا باعىتتامالى كومەكتەسۋگە كەلگەن كادر - دارىندىلاردىڭ وبرازى مەن ات - اتاعىن ويداعىداي كوركەيتۋ، قورعاۋ كەرەك.

    جاڭ جيانچۇن مىنالاردى اتاپ كورسەتتى: قاتاڭ باسقارۋ، رولدى ساۋلەلەندىرۋ، شىنايى قامقورلىق جاساۋ سياقتى جاقتاردى ارقاۋ ەتىپ، شينجياڭعا باعىتتامالى كومەكتەسۋگە كەلگەن كادر - دارىندىلاردى باۋلۋ، باسقارۋدى كۇشەيتۋ كەرەك. اۆتونوميالى رايون مەن بيڭتۋانداعى ءار دارەجەلى پارتيا ۇيىمدارى شينجياڭعا باعىتتامالى كومەكتەسۋگە كەلگەن كادرلاردى جەرگىلىكتى كادرلاردى باسقارۋ جۇيەسىنە ەنگىزىپ، قىزمەت ەتۋ، قامتاماسىز ەتۋ، ءتۇرلى يگىلىكتەردى تياناقتاندىرۋ، تيپتەردى بايقاۋ مەن ۇگىتتەۋ جۇمىستارىن جاقسى ىستەپ، شينجياڭعا باعىتتامالى كومەكتەسۋگە كەلگەن كادر - دارىندىلاردىڭ رولىن ساۋلەلەندىرۋگە، شىنىعۋى مەن جەتىلۋىنە پايدالى بولۋدى تياناق ەتىپ، ولاردىڭ ەكونوميكالىق، قوعامدىق دامۋدىڭ ماڭىزدى ورىندارىندا ءوز رولىن ساۋلەلەندىرۋىنە مۇمكىندىك تۋدىرىپ، ولاردى شۇعىل، قيىن، قاتەرلى، اۋىر مىندەتتەرگە تولى ءبىرىنشى شەپتەگى قىزمەت ورىندارىنا جوسپارلى تۇردە ورنالاستىرىپ، جاپالى، كۇردەلى ورتادا شىنىقتىرۋ كەرەك. شينجياڭعا باعىتتامالى كومەكتەسۋگە كەلگەن كادر - دارىندىلار ءوزىن - ءوزى باسقارۋدى كۇشەيتىپ، ءوزارا باقىلاپ، قاتار ىلگەرىلەپ، بىرگە كوتەرىلۋى كەرەك.

    قازىنا مينيسترلىگى قوعامدىق قامتاماسىزداندىرۋ مەكەمەسىنىڭ ورىنباسار باستىعى چين بين، ساۋدا مينيسترلىگى اينالىم كاسىبىن ىلگەرىلەتۋ ورتالىعىنىڭ ورىنباسار مەڭگەرۋشىسى جوۋ چياڭ، بەيجيڭ شيەحى شيپاحاناسى نەفرولوگيا ءبولىمىنىڭ ورىنباسار مەڭگەرۋشى دارىگەرى يە ۋىنليڭ شينجياڭعا باعىتتامالى كومەكتەسۋگە كەلگەن كادر - دارىندىلار اتىنان سوزگە شىقتى.

    ورتالىق كوميتەت ۇيىمداستىرۋ ءبولىمى جەتكىزىپ قويۋ ۇيىرمەسىنىڭ مۇشەلەرى؛ اۆتونوميالى رايوندىق شينجياڭعا باعىتتامالى كومەكتەسۋ قىزمەتىن ۇيلەستىرۋ، باسشىلىق ەتۋ گرۋپپاسىنا مۇشە ورىندار مەن ءار دارەجەلى كومەك قابىلداۋشى ورىندارداعى جاۋاپتى جولداستار، ايماقتىق، وبلىستىق، قالالىق پارتكومداردىڭ ۇيىمداستىرۋ بولىمدەرىنىڭ باستىقتارى قارسى الۋ ماجىلىسىنە قاتىناستى.

جاۋاپتى رەداكتور:سايراش تۇرارجان قىزى