چىن چۋانگو، شوكىرات زاكىر اۋعانستاننىڭ 2 - ورىنباسار زۇڭتۇڭى دانيشپەن كەزدەستى

چىن چۋانگو، شوكىرات زاكىر اۋعانستاننىڭ 2 - ورىنباسار زۇڭتۇڭى دانيشپەن كەزدەستى

    اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 30 - شىلدە تۇستەن كەيىن ۇرىمجىدە اۋعانستاننىڭ 2 - ورىنباسار زۇڭتۇڭى سارۋار دانيشپەن جانە ونىڭ ساپارلاستارىمەن كەزدەستى.

    چىن چۋانگو اۆتونوميالى رايوندىق پارتكوم، ۇكىمەت اتىنان دانيشتى قارسى الاتىندىعىن ءبىلدىردى. چىن چۋانگو بىلاي دەدى: جۇڭگو مەن اۋعانستان ءداستۇرلى دوس كورشى ەلدەر، سەنىمدى ابزال كورشى، جاقسى دوس. جۇڭگو مەن اۋعانستان ەلدەرى ديپلوماتيالىق قاتىناس ورناتقان 60 نەشە جىلدان بەرى، باستان - اياق ءبىر - بىرىنە قۇرمەت ەتىپ، ءوزارا ءتۇسىنىسىپ، ءبىر - بىرىنە سەنىم ارتىپ، ءبىرىن - ءبىرى قولداپ كەلدى، تاتۋ كورشى، دوستىق قاتىناسى ۇزدىكسىز نىعايدى. شينجياڭ جۇڭگونىڭ اۋعانستانمەن شەكارالاسقان بىردەن - ءبىر ولكە - رايونى، اۆتونوميالى رايون جانە جىبەك جولى ەكونوميكالىق بەلدەۋىنىڭ وزەكتى رايونى رەتىندە، ءتوراعا شي جينپيڭ مەن گاني زۇڭتۇڭ كەلىسكەن ورتاق تانىمداردى مۇقيات دايەكتىلەندىرىپ، تياناقتاندىرىپ، «جۇڭگو مەن اۋعانستاننىڭ <ءبىر بەلدەۋ، ءبىر جول> قۇرىلىسىن بىرگە ىلگەرىلەتۋ جونىندەگى تۇسىنىستىك ەسكەرتپە حاتى» سياقتى ناقتى ىستەر كەلىسىمىن بەلسەنە تياناقتاندىرىپ، جۇڭگو شينجياڭىنىڭ اۋعانستانمەن نەگىزدىك قۇرىلعى، ەكونوميكا - ساۋدا، گۋمانيتارلىق، وقۋ - اعارتۋ سياقتى سالالارداعى جان - جاقتى سەلبەستىگىن بەلسەنە ىلگەرىلەتىپ، حالىقارالىق لاڭكەستىككە قارسى تۇرۋ سەلبەستىگىن اناعۇرلىم كۇشەيتىپ، «ءۇش ءتۇرلى كۇشكە» بىرگە سوققى بەرىپ، وڭىرلىك حاۋىپسىزدىكتى تىزە قوسا قورعاپ، جۇڭگو مەن اۋعانستاننىڭ ستراتەگيالىق سەلبەستىك سەرىكتەستىك قاتىناسىن ۇزدىكسىز تەرەڭدەتۋ، «ءبىر بەلدەۋ، ءبىر جول» قۇرىلىسىن ىلگەرىلەتۋ، ەكى ەل حالقىن باقىتقا كەنەلتۋ ءۇشىن تاماشا ورتا جاراتادى، تىڭ كۇش قوسادى.

    سارۋار دانيش بىلاي دەدى: جۇڭگو اۋعانستاننىڭ سەنىمدى ابزال دوسى، جۇڭگونىڭ ۇزاق ۋاقىتتان بەرى كورسەتكەن كومەگىنە العىس ايتامىز، اۋعانستان جۇڭگومەن بولعان دوستىق قاتىناسىن قادىرلەيدى، جۇڭگونىڭ حالىقارالىق جانە وڭىرلىك ىستەردەگى ماڭىزدى رولىنا ءمان بەرەدى. ءتوراعا شي جينپيڭنىڭ ورتاعا قويعان «ءبىر بەلدەۋ، ءبىر جول» دارىپتەمەسى ۇلى باستاما، اۋعانستاننىڭ ەكونوميكالىق، قوعامدىق دامۋىندا كەلەلى ءمان الادى، اۋعانستان الداعى جەردە بار كۇشىمەن قولداپ، «ءبىر بەلدەۋ، ءبىر جول» قۇرىلىسىنا بەلسەنە ات سالىسادى. اۋعانستان مەن جۇڭگو ەلدەرىنىڭ ساياسي، حاۋىپسىزدىك، ەكونوميكا، گۋمانيتارلىق، وقۋ - اعارتۋ سياقتى سالالارداعى سەلبەستىكتى اناعۇرلىم كۇشەيتۋىن ءۇمىت ەتەمىن.

    اۆتونوميالى رايوننىڭ باسشىلارىنان لي شۋەجۇن، جاۋ چيڭ، اۋعانستاننىڭ جۇڭگوداعى باس ەلشىسى جانان مۇساجاي كەزدەسۋدە بىرگە بولدى.

جاۋاپتى رەداكتور:سايراش تۇرارجان قىزى