نەگىزگى ساتىعا تۇسكەن كادرلاردىڭ بورىشى مەن مىندەتى جونىندە تۇيگەندەرىم

    ءجانابىل باعداۋلەت ۇلى

    اۆتونوميالى رايوندىق پارتكوم 2014-جىلدان باستاپ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ىشكەرىلەي ورىستەتۋدەي كەلەلى شەشىمدى ورتاعا قويدى. الدىڭعى 3 جىلدا رايونىمىزدان 200 مىڭ كادر تومەنگە ءتۇسىپ، نەگىزگى ساتىدا تاريحي سيپاتتى بۇرىلىس جارىققا شىقتى. ج ك پ شينجياڭ ۇيعۇر اۆتونوميالى رايوندىق 9- قۇرىلتايىندا جالعاستى 5 جىل ورستەتۋ تۋرالى كەلەلى شەشىم جاسالدى. نەگىزگى ساتىعا تۇسكەن قىزمەت اترەتى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن پارتيالى كادرلار تاربيە الاتىن، ءار ۇلت بۇقاراسى ناقتى تيىمدىلىككە كەنەلەتىن تاماشا ورايعا اينالدىردى. وسىلايشا نەگىزگى ساتى پارتيا ۇيىمىنىڭ جاسامپازدىق قۋاتى، ۇيىسۋ قۋاتى، جاۋىنگەرلىك قۋاتى ونان ارى جوعارىلادى. قوعام ورنىقتىلىعى جاقسارىپ، ۇلتتاردىڭ بەرەكەسى ونان ارى بەكەمدەلگەن تاماشا جاعداي قالىپتاستى.

    ءبىرىنشى، نەگىزگى ساتىعا تۇسكەن كادرلار نەگىزگى ساتىنىڭ قوعام ورنىقتىلىعىن قورعاۋ ءۇشىن بەلسەندى جۇمىس ىستەۋى كەرەك.

    باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىندە: «شينجياڭ قىزمەتىنىڭ باس نىساناسى − قوعام ورنىقتىلىعى مەن باياندى تىنىشتىق» دەپ ايقىن اتاپ كورسەتتى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستراتەگيالىق تۇجىرىمى. جاڭا جاعدايداعى شينجياڭ قىزمەتىن تىڭعىلىقتى جاقسى ىستەۋ جونىنەن اسا ماڭىزدى، تەرەڭ تاريحي مانگە جانە رەال جەتەكشى مانگە يە. سوندىقتان نەگىزگى ساتىعا تۇسكەن كادرلار: ەڭ اۋەلى، باس نىسانانى ارقاۋ ەتە وتىرىپ، باس شۋجي شي جيىنپيڭنىڭ ماڭىزدى سوزدەرىنىڭ رۋحىن، ورتالىقتىڭ شينجياڭ قىزمەتى جونىندەگى 2-كەزەكتى اڭگىمە ءماجىلىسىنىڭ رۋحىن، ج پ ك شينجياڭ ۇيعۇر اۆتونوميالى رايوندىق 9- قۇرىلتايى رۋحىن، اۆتونوميالى رايوندىق پارتكومنىڭ باعىت ساياساتتارىن، تالاپتارىن بەرىلە ۇيرەنىپ، ناقتى يگەرۋ كەرەك. ۇيرەنۋ ارقىلى ءوزىنىڭ وي-ساناسىن قارۋلاندىرىپ، قارىم-قابىلەتىن جوعارلاتۋى، نازاريالىق جاقتان ءوزىن قارۋلاندىرى كەرەك.

    ونان قالسا، يدەيالىق جاقتاعى تانىمدى ايقىنداپ، نەگىزگى ساتىعا بارۋدىڭ ماڭىزدىلىعىن ايقىن ءتۇسىنۋ كەرەك. نەگىزگى ساتىدا تۇراتىن قىزمەت اترەتىنىڭ بورىشىن، مىندەتىن تولىق ءبىلۋ، قىستاقتا تۇرىپ قىزمەت ىستەۋدىڭ جاي-جاپسارىن وي ەلەكتەن وتكىزۋ كەرەك. نەگىزگى ساتىدا قىزمەت ەتۋ ءارى جاپالى، ءارى داڭقتى مىندەت. ۇيىمنىڭ ۇمىتىن اقتاپ، حالىق ءۇشىن قىزمەت ەتۋ، قىستاق تۇرعىندارىمەن وندىرىستە، ەڭبەكتە، تۇرمىستا، ۇيرەنۋدە بىرگە بولىپ، بۇكىل ىنتا-پەيىلىمەن حالىق ءۇشىن قىزمەت ىستەۋ پارتيالى كادرلاردىڭ بۇلتارماس بورىشى. حالىق ءۇشىن قىزمەت ىستەۋ قۇر ايعاي ەمەس قايتا ناقتى قيمىل، الىمدى ءىس ارەكەت ارقىلى بەينەلەنەدى. سوندىقتان، نەگىزگى ساتىعا تۇسكەن ءار ءبىر كادر بۇقارانىڭ مۇڭ-مۇقتاجىن باستى ورىنعا قويىپ، ءوزىنىڭ بۇلتارماس بورىشى الدىندا ادال ەڭبەك ەتۋى كەرەك.

    ۇشىنىشىدەن، قىزمەت اترەتى نەگىزگى ساتىعا بارعاننان كەيىن قىستاق جاعدايىن، سونداي-اق قىستاق تۇرعىندارىنىڭ ناقتى جاعدايىن، ياعني، كىمنىڭ نە ىستەيتىنىن، قايدا تۇراتىنىن، نە شارۋامەن شۇعىلداناتىنىن تولىق ۇعىسۋ كەرەك. وتباسى سايىن قىزمەت كارتچكاسىن تاراتىپ بايلانىس ورناتۋ، ساقتالىپ وتىرعان ماسەلەلەردى جونىندە پىكىر-ۇسىنىس الۋ كەرەك. قىستاق ەكى كوميتەت كادرلارىمەن، پارتيا مۇشەلەرىمەن، قىستاق تۇرعىندارىمەن، قىستاق تۇرعىندار ۋاكىلدەرىمەن، قىستاقتاعى «4 قارتتارمەن»، ايەلدەر ۋاكىلدەرىمەن، جاستار ۇيىمى ۋاكىلدەرىمەن اڭگىمە جيىنىن اشىپ، ولارمەن وي ورتاقتاستىرىپ، سول قىستاقتىڭ ءىس جۇزىندىگىن نەگىز ەتكەن قىستاق قىزمەتىنىڭ نىساناسىن، جوبا-جوسپارىن ايقىنداپ، قىزمەت جوسپارىن جاساۋ كەرەك.

    تورتىنشىدەن، قىستاقتىڭ پارتيا ۇيىمى، قىستاق تۇرعىندار كوميتەتى قىزمەتىنە بولعان جەتەكشىلىكتى كۇشەيتىپ، قىستاق كادرلارى قوسىن قۇرىلسىن بەكەمدەپ، قىستاق كادرلارىن دا ۇيرەنۋگە جەتەلەۋ، قىستاقتىڭ ءتۇرلى ەرەجە-تۇزىمدەرىن كەمەلدەندىرۋ، پارتيا ۇيىمنىڭ، قىستاق تۇرعىندار كوميتەتىنىڭ رولىن ساۋلەلەندىرۋگە كۇش سالۋ كەرەك. سونداي-اق، پارتيا مۇشەلەرىن باسقارۋدى، تاربيەلەۋدى كۇشەيتىپ، پارتيا مۇشەلەرىنىڭ باستاماشىلدىق، اۆانگارتتىق رولىن تولىق ساۋلەلەندىرۋىنە مۇمكىندىك جاراتۋعا باستاۋ كەرەك.

    بەسىنشىدەن، قىزمەت اترەتىنىڭ كادرلارى ۇگىت-يدەيا قىزمەتىن مىقتى يگەرۋ كەرەك. قىستاق قىزمەتىن تىڭعىلىقتى ەتەك الدىرۋدا ۇگىت-يدەيا قىزمەتى باستى ورىندا تۇرادى. قىزمەتتە جاڭالىق اشۋ، يدەيانى ازات ەتۋ، كوزقاراستا بۇرىلىس جاساۋ ۇگىت-يدەيا قىزمەتىنىڭ ىشكەرلەي ەتەك الدىرىلۋىنا بايلانىستى. قىستاق قىزمەتىن ورىستەتۋدە قىستاق تۇرعىندارىنىڭ يدەياسىن ءبىر ارناعا شوعىرلاندىرۋ وڭاي-وسپاق ءىس ەمەس. سوندىقتان بۇقارامەن ىشكەرلەي ارالاسىپ، جاقىن تارتىپ، بۇقارانىڭ ۇنىنە قۇلاق اسىپ، ولارعا ءتۇرلى ساياساتتاردى، تيىمدىلىكتەردى ويداعىداي ۇگىتتەي ءبىلۋ كەرەك. قىستاق تۇرعىندارىن ۇيرەنۋگە ۇيىمداستىرۋ، ولارعا ورتالىقتىڭ، اۆتونوميالى رايوننىڭ ورتاعا قويىلعان نىسانا، مىندەت، كورسەتكىشتەردى مۇقيات جەتكىزۋ قىستاق تۇرعىندارىنىڭ يدەياسىن بىرلىككە كەلتىرۋدىڭ، ولاردىڭ قولداۋىنا يە بولۋدىڭ ماڭىزدى جولى. وسى شارالار ارقىلى قىستاقتاعى قىزمەت اترەتى قىستاقتىڭ قوعام ورنىقتىلىعىن بەكەمدەۋدىڭ نەگىزى دەپ بىلەمىز.

جاۋاپتى رەداكتور:سايراش تۇرارجان قىزى