شينجياڭدا اۋىل-قالاشىقتاعى ەلەكتردىڭ باعاسى جاپپاي تەڭەستىرىلدى

    شينجياڭداعى اۋىل- قالاشىقتاعى تۇرعىنداردىڭ تۇرمىستا ىستەتەتىن ەلەكتر باعاسى جالپى بەتتىك تەڭەستىرىلدى، ءار وتباسىنا  0.39 يۋان كيلوۆات ساعات توك جەتكىزگەندە، مەجەمەن ءار وتباسىندا ءار جىلى ورتا ەسەپپەن 190 يۋان توك قاراجاتى ازايادى. بۇل 13-شىلدەدە، ءتىلشىنىڭ اۆتونوميالى رايوندىق شينجياڭدى ەلەكترلەندىرۋ سايكەستىرۋ كەڭسەسىنەن ۇعىسقان حابارى.  

    2017-جىلى 1-شىلدەدەن باستاپ، اۆتونوميالى رايون (وبلىس، قالا) اۋىل -قالاشىق تۇرعىندارىنىڭ تۇرمىستا ىستەتەتىن توك باعاسىن بىرلىككە كەلتىردى. ياعني ءار وتباسىنا 0.39 يۋان كيلوۆات ساعات توك جەتكىزگەندە ورتا ەسەپپەن ءار كيلوۆات ساعاتىنا 0.1643 يۋان تومەندەيدى، مەجە ەسەپتە بۇكىل شينجياڭداعى اۋىل-قالاشىق تۇرعىندارىنىڭ توك شىعىنى جىلىنا ءبىر ميلليارد 300ميلليون يۋان ازايادى، ورتا ەسەپپەن ءار وتباسىنان شىعاتىن شىعىن جىلىنا 190يۋان ازايادى.

    ۇعىسۋعا قاراعاندا، بۇكىل شينجياڭداعى اۋىل-قالاشىق تۇرعىندارىنىڭ ەلەكتر باعاسىن تەڭەستىرۋ جالعاستى شينجياڭداعى ادەتتەگى ونەركاسىپ ەلەكتر باعاسىن تەڭەستىرۋدى اتقارعاننان كەيىن، اۆتونوميالى رايوندىق ەلەكترلەندىرۋ شينجياڭ قىزمەتىن ىلگەرلەتۋدىڭ حالىققا تيىمدىلىك جاساۋدىك تاعى ءبىر كەلەلى شاراسى. كەلەسى قادامدا، اۆتونوميالى رايوندىق شينجياڭدى ەلەكترلەندىرۋ سايكەستىرۋ كەڭسەسى، اۆتونوميالى رايوندىق دامۋ رەفورما كوميتەتى قاتارلى قاتىستى ورىندار اۆتونوميالى رايوندىق پارتكوم، اۆتونوميالىق رايوندىق حالىق ۇكىمەتىنىڭ دۇرىس باسشىلىعىندا، كۇشتى شوعىرلاندىرىپ، جاڭالىق اشا دامىپ، جالعاستى بىرتىندەپ ىلگەرلەپ بۇكىل شينجياڭداعى پايدالاناتىن ەلەكتر باعاسىن تەڭەستىرۋ، رايونىمىزدىڭ ەكونوميكاسىن، قوعامنىڭ دامۋىن جەدەلدەتىپ، حالىقتىڭ تۇرمىس ورەسىن ونان ارى جوعارىلاتادى ەكەن.

بۇكىل شينجياڭداعى اۋىل-قالاشىق تۇرعىندارىنىڭ تۇرمىستا ىستەتەتىن ەلەكتر باعاسىن تەڭەستىرۋ ۇقساماعان وڭىرلەردىڭ توك ىستەتۋدەگى قايشىلىعىن جەڭىلدەتۋگە، بايلىق قاينارىن اشىپ پايدالانۋ مەن رەفورما جەمىسىنىڭ بۇكىل شينجياڭداعى ءار ۇلت حالقىنا جالپىلاسۋىنا، جۇرتشىلىقتىڭ ەلەكتر باعاسى رەفورماسىن قابىلداپ جانە رەفورما جەمىسىنە يە بولۋ سەزىمىن ارتتىرۋعا ءتيىمدى ءارى شينجياڭدا جاپپاي دوڭگەلەك داۋلەتتى قوعام قۇرۋدى ءساتتى جۇزەگە اسىرۋدا ماڭىزدى مانگە يە.

 

جاۋاپتى رەداكتور:نۇرجان مينۋار قىزى