ءجۇز جىلدىق وتكەل — دامۋدىڭ جاڭا ورايىن كۇتىپ الدى

    بايىرعى جىبەك جولىنىڭ جاڭا تەرىستىك داڭعىلىندا ماڭىزدى ايالداما جانە جۇڭگونىڭ ەڭ ەرتەدەگى باتىسقا اشىق ۇستالعان وتكەل — قورعاستىڭ 130 جىلدان استام كەدەننەن ءوتۋ تاريحى بار. بۇگىندە «ءبىر بەلدەۋ، ءبىر جول» دارىپتەمەسىنە ساي امالياتقا بەت العان قورعاس وتكەلى دامۋدىڭ جاڭا ورايىن قارسى الدى.

    10-شىلدە كۇنى، 2017 – جىلعى «شينجياڭ قارقىنى ــ بۇكىل ەلىمىز بويىنشا عالامتور اقپارات قۇرالدارىنىڭ شينجياڭعا ساپارى» تىلشىلەر ۇيىرمەسى قورعاس وتكەلىنە كەلىپ، وسىناۋ ءجۇز جىل اشىق ۇستالعان تاريحى بار وتكەلدەن «ءبىر بەلدەۋ، ءبىر جول» دارىپتەمەسىنىڭ جان تامىرىن سەزىندى.

    قۇلجا-قورعاس تەمىر جولىنىڭ جوندەلۋىنە ىلەسىپ، 2010-جىلى قازان ايىندا، قورعاس وتكەلى رەسمي قۇرىلىسىن باستاپ، 2016-جىلى 7-ماۋسىمدا اتالعان وتكەل سىرتقا اشىق ۇستالدى. وسىدان باستاپ، قورعاس وتكەلى جالاڭ تاس جول قاتىناسى ارقىلى اشىق ۇستالعان تاريحتى ارتقا تاستاپ، الاتاۋ وتكەلىنەن كەيىنگى ەكىنشى تەمىر جول وتكەلىنە اينالدى.

جاۋاپتى رەداكتور:سايراش تۇرارجان قىزى