چىن چۋانگو ءۇرىمجى قالاسىندا ساقا پارتيا مۇشەلەرىنەن حال سۇرادى

    بۇكىل رايونىمىزداعى قالىڭ كومپارتيا مۇشەلەرىنە جانە پارتيا ءىسى قىزمەتكەرلەرىنە مەرەكەلىك سالەم جولدادى

    جۇڭگو كوممۋنيستىك پارتياسى قۇرىلعاندىعىنىڭ 96 جىلدىعى قارساڭىندا، اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا ساقا پارتيا مۇشەلەرىنەن حال سۇراپ، ولارعا پارتيا ۇيىمىنىڭ قامقورلىعىن جەتكىزدى، بۇكىل رايونىمىزداعى قالىڭ كومپارتيا مۇشەلەرىنە جانە پارتيا ءىسى قىزمەتكەرلەرىنە اۆتونوميالى رايوندىق پارتكوم اتىنان مەرەكەلىك سالەم جولدادى.

    96 جاستاعى دۋان بەيحاي قاريا − 80 جىلدىق پارتيالىق ستاجى بار ساقا قىزىل ارميا جاۋىنگەرى، تالاي رەت ەڭبەك سىڭىرگەن، 2015 - جىلى «جاپون شاپقىنشىلارىنا قارسى سوعىس جەڭىسىنىڭ 70 جىلدىعىنىڭ زناگىن»، 2016 - جىلى «ۇزاق جورىق جەڭىسىنىڭ 80 جىلدىعىنىڭ زناگىن» العان. چىن چۋانگو قاريانىڭ قولىن الىپ تۇرىپ، ودان دەنساۋلىق جاعدايىن، تۇرمىس قيىنشىلىعىنىڭ بار - جوقتىعىن دەن قويا سۇرادى. قاريانىڭ ويىنىڭ سەرگەك، دەنىنىڭ ساۋلىعىن كورىپ، چىن چۋانگو ەرەكشە ءسۇيىندى. ول: ءسىز پارتياعا مۇشە بولىپ قابىلدانعان 80 جىلدان بەرى پارتيا مەن مەملەكەتكە اسا زور ۇلەس قوستىڭىز، پارتيا مەن حالىقتىڭ ارداگەرىسىز، ءبىزدىڭ باعا جەتپەس بايلىعىمىزسىز، پارتيا مەن حالىق ءسىزدى ماڭگى ۇمىتپايدى، سىزگە جانە جۇبايىڭىزعا زور دەنساۋلىق، ۇزاق عۇمىر تىلەيمىن، − دەدى.

    ۇيعۇر ساقا پارتيا مۇشەسى نۇر احىمەتتىڭ ۇيىندە چىن چۋانگو قاريا مەن وتباسىنىڭ تۇرمىس احۋالىن ەگجەي - تەگجەيلى ۇعىستى. چىن چۋانگو بىلاي دەدى: پارتيانىڭ تۋعان كۇنى كەلىپ جەتتى، پارتيا ورتالىق كوميتەتى، باس شۋجي شي جينپيڭ ساقا پارتيا مۇشەلەرىنە جانە تۇرمىسىندا قيىنشىلىعى بار پارتيا مۇشەلەرىنە ەرەكشە كوڭىل ءبولىپ وتىر، پارتيانىڭ تۋعان كۇنىن تويلاپ وتىرعان ساتتە پارتيانىڭ قامقورلىعىن جانە مەرەكەلىك تىلەكتى سىزدەرگە جەتكىزىپ قويۋدى تالاپ ەتتى. مەن اۆتونوميالى رايوندىق پارتكوم اتىنان مەرەكەلەرىڭىزدى قۇتتىقتايمىن. چىن چۋانگو جەرگىلىكتى ورىننىڭ جاۋاپتىسىنا جانە نۇر احىمەتتىڭ وتباسىنداعىلارعا قاريانىڭ تۇرمىسىنا، ءسوز جوق، جاقسى قارايلاسىپ، قاريانىڭ ءومىرىن الاڭسىز وتكىزۋىنە مۇمكىندىك جاساۋدى تاپسىردى.

    چىن چۋانگو بىلاي دەدى: كومپارتيا قۇرىلعاندىعىنىڭ 96 جىلدىعى قارساڭىندا، بۇكىل رايونىمىزداعى ءار دارەجەلى پارتيا ۇيىمدارى ساقا پارتيا مۇشەلەرىنەن حال سۇراۋ مەن تۇرمىسىندا قيىنشىلىعى بار ساقا پارتيا مۇشەلەرىنە كومەكتەسۋ قيمىلىن «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىنىڭ ۇدايىلانۋىن، تۇزىمدەنۋىن ىلگەرىلەتۋدىڭ ماڭىزدى مازمۇنى ەتىپ، حال سۇراۋ، مەيىر - شاپاعات جەتكىزۋ قيمىلدارىن دەن قويا ۇيىمداستىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىر - شاپاعاتىن قالىڭ پارتيا مۇشەلەرى مەن ءار ۇلت بۇقاراسىنىڭ جۇرەگىنە جەتكىزۋى كەرەك.

    چىن چۋانگو مىنالاردى باسا دارىپتەدى: ساقا پارتيا مۇشەلەرىنىڭ بويىندا پارتيانىڭ تاڭداۋلى ستيلى مەن داڭقتى ءداستۇرى بار. بۇكىل رايونىمىزداعى قالىڭ پارتيالى كادرلار ساقا پارتيا مۇشەلەرىنەن ۇيرەنىپ، پارتيانىڭ تاڭداۋلى داستۇرىنە مۇراگەرلىك ەتىپ جانە ونى اسقاقتاتىپ، توڭكەرىس گەنىن قان تامىرىنا ءسىڭىرىپ، ۇرپاقتان - ۇرپاققا جالعاپ، مۇرات - سەنىمدى بەكەمدەپ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن ۇزدىكسىز كۇشەيتىپ، «4 تانىمدى» نىعايتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، العاباسار، ۇلگىلىك رولدى تولىق ساۋلەلەندىرىپ، جاۋاپكەرشىلىكتى باتىل ارقالاپ، قالتقىسىز ۇلەس قوسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا تالماي كۇرەس جۇرگىزىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋى كەرەك.

    اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن حال سۇراۋدا بىرگە بولدى.

جاۋاپتى رەداكتور:سايراش تۇرارجان قىزى