حالىق تۇرمىسى جونىندە جازىلعان ايشىقتى «جاۋاپ»

    − باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ، تياناقتاندىرۋ تۋرالى (3)

    لي ليڭ

    3 جىلدان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ جانە ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، حالىق تۇرمىسىن ماڭداي الدى ورىنعا قويۋدان، حالىق تۇرمىسىنا قاتىستى ىستەردى الدىمەن تىندىرۋدان جازباي، ءار ۇلت بۇقاراسى جاپپاي كوڭىل ءبولىپ وتىرعان حالىق تۇرمىسىنا قاتىستى ماڭىزدى ماسەلەلەردى شىعار ءتۇيىن جانە ىسكە كىرىسۋ تياناعى ەتىپ، حالىق تۇرمىسىن جاقسارتۋ تەبىنىن ارتتىرىپ، شنجياڭداعى ءار ۇلت بۇقاراسىنىڭ تۇرمىس ورەسىن ۇزدىكسىز جوعارىلاتىپ، ءىس جۇزىندىك قيمىل ارقىلى حالىق تۇرمىسى جونىندە ايشىقتى «جاۋاپ» جازدى.

    ۇستانىمدى جەتەكشى ەتىپ، ۇلاعاتتى جوبا ارقىلى جۇرت جۇرەگىنە جىلۋلىق سيلادى

    شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە باستان - اياق باسا ءمان بەرىپ، شينجياڭنىڭ ەكونوميكالىق، قوعامدىق دامۋىنا نازار سالىپ، شينجياڭداعى ءار ۇلت بۇقاراسىنىڭ تۇرمىسىنا كوڭىل ءبولدى. 2014 - جىلى 27 - ساۋىردەن 30 - ساۋىرگە دەيىن باس شۋجي شي جينپيڭ شينجياڭدا قىزمەت تەكسەرگەندە، حالىق تۇرمىسىن جاقسارتۋدى، ءسوز جوق، مىقتاپ ارقاۋ ەتىپ، حالىقتىڭ قولداۋىنا يە بولۋ ارقىلى ەكونوميكانىڭ دامۋىنا قول جەتكىزۋ كەرەك، - دەپ اتاپ كورسەتكەن ەدى. ىلە - شالا ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلدى، باس شۋجي شي جينپيڭ ماجىلىستە: شينجياڭنىڭ ءتىپتى دە جاقسى، ءتىپتى دە تەز دامۋىن تاباندىلىقپەن ىلگەرىلەتۋ، سونىمەن قاتار، دامۋدى حالىق تۇرمىسىن جاقسارتۋ، جەرگىلىكتى ورىندارعا تيىمدىلىك جاساۋ، ىنتىماقتىلىقتى نىعايتۋ بارىسىندا تياناقتاندىرىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرۋ كەرەك، - دەپ اتاپ كورسەتتى.

    حالىق تۇرمىسى حالىق تىلەگىمەن بايلانىستى، حالىق تىلەگى جالپى جاعدايعا سايادى. 3 جىلدان بەرى، اۆتونوميالى رايوندىق پارتكوم پارتيا ورتالىق كوميتەتىنىڭ ستراتەگيالىق ورنالاستىرۋلارىن جاپپاي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، عىلمي شەشىم جاساپ، بيىك دەڭگەيدە ىلگەرىلەتىپ، ءار جولعى ماڭىزدى ماجىلىستەردە حالىق تۇرمىسىن جاقسارتۋ قىزمەتى جونىندە ورنالاستىرۋ جاساپ، دامۋ جەتىستىكتەرىنەن ورتاق يگىلىكتەنۋ ۇستانىمىن جۇرت كوڭىلىنە تەرەڭ ۇيالاتتى.

    2016 - جىلى قىركۇيەكتە اۆتونوميالى رايوننىڭ باس شۋجي شي جينپيڭنىڭ شينجياڭ قىزمەتىنىڭ باس نىساناسى تۋرالى بايىمداۋلارىن ىشكەرىلەي دايەكتىلەندىرۋ، تياناقتاندىرۋ جونىندەگى قايتالاي اتتانىسقا كەلتىرۋ ماجىلىسىندە بىلاي دەپ اتاپ كورسەتىلدى: ءار ۇلت بۇقاراسىنىڭ الاڭسىز تىرشىلىك ەتۋىن ارقاۋ ەتىپ، حالىق تۇرمىسىن شىن مانىندە قامتاماسىزداندىرۋ جانە جاقسارتۋ كەرەك. حالىق تۇرمىسىن ماڭداي الدى ورىنعا قويۋدان، حالىق تۇرمىسىنا قاتىستى ىستەردى الدىمەن تىندىرۋدان جازباي، ءار ۇلت بۇقاراسىنىڭ مۇڭ - مۇقتاجىنا كوڭىل تورىنەن ورىن بەرىپ، ءوز دارەجەسىندەگى قازىنالىق شىعىس پەن شينجياڭعا باعىتتامالى كومەكتەسۋ قارجىسىنىڭ %70تەن استامىن حالىق تۇرمىسىن قامتاماسىزداندىرۋعا جانە جاقسارتۋعا جۇمساپ، حالىق تۇرمىسىنا تيىمدىلىك جاساۋ بويىنشا ءار جىلى 9 ءتۇرلى ينجەنەريا اتقاردى.

    ج ك پ اۆتونوميالى رايوندىق 9 - قۇرىلتايىندا باس نىسانانى مىقتاپ ارقاۋ ەتىپ، حالىق تۇرمىسىن بارىنشا قامتاماسىزداندىرۋ جانە جاقسارۋعا كۇش سالۋدىڭ العا قويىلۋى شينجياڭنىڭ حالىق تۇرمىسى قۇرىلىسى ءورىسىن ونان ارى كەڭەيتىپ، ورەسىن ءتىپتى دە جوعارى دەڭگەيگە كوتەردى.

    3 جىلدان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، شينجياڭنىڭ وڭتۇستىگىنەن سولتۇستىگىنە دەيىن، قالالاردان اۋىل - قىستاقتارعا دەيىن حالىق تۇرمىسى قۇرىلىسى جاپپاي ەتەك الدى. حالىق تۇرمىسىنا نازار اۋدارۋ، حالىق تۇرمىسىنا ءمان بەرۋ، حالىق تۇرمىسىن قامتاماسىزداندىرۋ، حالىق تۇرمىسىن جاقسارتۋ اۆتونوميالى رايونىمىزدا جوعارىدان تومەنگە دەيىن ورتاق تانىم جانە سانالى قيمىل بولىپ قالىپتاستى.

جاۋاپتى رەداكتور:سايراش تۇرارجان قىزى