رايونىمىزدىڭ تۇراقتى مۇلىككە قارجى قوسۋ نىسانى شينجياڭنىڭ ءوز جەرىنەن 200 مىڭنان استام ەڭبەككۇشتى جۇمىسپەن قامتىدى

    اۆتونوميالى رايوننىڭ جۇمىسقا ورنالاستىرۋ جونىندە ءبىلىم بەرۋ، تاربيەلەۋ قىزمەتىنە باسشىلىق ەتۋ گرۋپپاسى كەڭسەسىنىڭ ساناعىنا نەگىزدەلگەندە، مامىردىڭ سوڭىنا دەيىن، رايونىمىزدا تۇراقتى مۇلىككە قارجى قوسۋ بويىنشا 6000نان استام نىسان جۇمىس باستاپ، شينجياڭنىڭ ءوز جەرىنەن 200 مىڭنان استام ادامدى جۇمىسپەن قامتىدى، ولاردىڭ جان باسىندىق ورتاشا كىرىسى 5510 يۋانعا جەتتى. اۋىل - قىستاقتارداعى ارتىق ەڭبەككۇشتەردى تۇراقتى مۇلىككە قارجى قوسۋ نىسانى بويىنشا باسقا كاسىپكە ويىستىرىپ كاسىپتەندىرۋ قازىر رايونىمىزدىڭ اۋىل - قىستاقتارداعى ارتىق ەڭبەككۇشتەردىڭ كىرىسىن ارتتىرىپ، ولاردى كەدەيلىكتەن قۇتىلدىرىپ، اۋقاتتانۋ جولىنا باستاۋداعى ماڭىزدى شاراسىنا اينالدى.

    رايونىمىز اۋىل - قىستاقتارداعى ەڭبەككۇشتەردى كاسىپتىك ونەرگە باۋلۋدى تۇراقتى مۇلىككە قارجى قوسۋ نىساندارىن جۇرگىزۋ ارقىلى جەبەۋ قىزمەتىن بيىل اقپاننان باستاپ جۇرگىزگەن بولاتىن، قاتىستى تالاپتارعا ساي، تۇراقتى مۇلىككە قارجى قوساتىن نىسانداردى جۇرگىزۋشى ورىنداردان مۇمكىندىكتىڭ بارىنشا جەرگىلىكتى ورىنداعى ەڭبەككۇشتەردى، وتە - موتە، اۋىل - قىستاقتارداعى ارتىق ەڭبەككۇشتەردى جۇمىسقا قابىلداۋ، جالپى جۇمىسشى - قىزمەتكەرلەردىڭ %70ىن، ادەتتەگى جۇمىسكەردىڭ %90ىن شينجياڭنىڭ ءوز جەرىنەن قابىلداۋ، بەيقۇت ءۇي سالۋ جۇمىسىمەن شۇعىلداناتىن جۇمىسكەردىڭ %90تەن استامى شينجياڭدىق بولۋى تالاپ ەتىلدى. اۋىل - قىستاقتارداعى ەڭبەككۇشتەردى نەگىز ەتە وتىرىپ، نەگىزدىك تەحنيكالىق تاربيەلەۋ جانە تەحنيكالىق قابىلەتىن جوعارىلاتۋ جونىندەگى تاربيەلەۋ كۋرستارىن اشۋ ارقىلى، اۆتونوميالى رايونىمىزدىڭ تۇراقتى مۇلىككە قارجى قوسۋ نىساندارىنىڭ جۇمىسكەر ىستەتۋ قاجەتىن قاناعاتتاندىرىپ، اۋىل - قىستاقتارداعى ەڭبەككۇشتەردىڭ كەدەيلىكتەن قۇتىلىپ، كىرىسىن ارتتىرىپ، اۋقاتتانۋ جولىنا ءتۇسۋىن جەبەدى.

    تانىستىرۋعا نەگىزدەلگەندە، رايونىمىز تاربيەلەۋ قىزمەتىنىڭ ساپاسى مەن جۇمىسكەرلەردىڭ تەحنيكالىق دەڭگەيىن جۇمىسكەرلەردىڭ ريزا بولۋ دارەجەسىن ولشەم ەتە وتىرىپ شىنايى جوعارىلاتقان.

    وسى قىزمەتتىڭ ناقتى ونىمدىلىككە قول جەتكىزۋىنە كەپىلدىك ەتۋ ءۇشىن اۆتونوميالى رايون اۋىل - قىستاقتارداعى ەڭبەككۇشتەردى كاسىپتىك ونەرگە باۋلۋدى تۇراقتى مۇلىككە قارجى قوسۋ نىساندارىن جۇرگىزۋ ارقىلى جەبەۋ قىزمەتىنە باقىلاۋ - تەكسەرۋ جۇرگىزۋدى كۇشەيتىپ، ءارقايسى ايماق، وبلىستارداعى نىسانداردىڭ قاتىستى ينفورماتسياسى، جۇمىسكەر ىستەتۋ جاعدايى، تاربيەلەۋ ساپاسى، جۇمىسكەرلەردىڭ جالاقىسى سياقتىلاردى ۋاق - ۋاق تەكسەرىپ، مالىمدەپ، قىزمەتتى پارمەندى ىلگەرىلەتپەگەن، مىندەتتى ورىنداۋ جاعدايى كوڭىلگە تولماعان ورىندار مەن تاراۋلاردىڭ جاۋاپكەرشىلىگىن قاتاڭ قۋزاستىردى.

جاۋاپتى رەداكتور:سايراش تۇرارجان قىزى