«كولكىتىپ سۋارۋدان» «دالمە - ءدال تامشىلاتىپ سۋارۋعا» دەيىن

    − اۆتونوميالى رايونىمىزدىڭ كەدەيلەردى فينانس ارقىلى سۇيەمەلدەۋ قىزمەتىنە شولۋ

    24 - مامىردا شينجياڭ قاشقار اۋىل - قىستاق ساۋدا بانكەسى جارنا شەكتەۋلى سەرىكتەستىگىنىڭ جارناسى «جاڭا 3 تاقتادا» ۆيۋەسكا اسىپ، ساۋداعا ءتۇستى، سونىمەن اتالعان بانكە ەلىمىزدىڭ «جاڭا 3 تاقتاسىندا» تۇڭعىش رەت ۆيۋەسكا اسقان اۋىل - قىستاق ساۋدا بانكەسىنە اينالىپ، شينجياڭنىڭ اۋىل - قىستاق ورتا، شاعىن فينانس قۇرىلىمدارىنىڭ كاپيتال بازارىنا ەنۋىنە جول اشتى.

    وڭتۇستىك شينجياڭ اۆتونوميالى رايونىمىزداعى شوعىرلى، اۋماقتى كەدەي ءوڭىر ەسەپتەلەدى، وڭتۇستىك شينجياڭنىڭ فينانس قۇرىلىمدارىنىڭ كاپيتال بازارىنا ەنىپ دامۋىن، الۋەتتەنۋىن العا ىلگەرىلەتۋ وڭتۇستىك شينجياڭنىڭ فينانس قۇرىلىمىنىڭ كەدەيلەردى سۇيەمەلدەۋ، وركەندەتۋ قابىلەتىن جوعارىلاتۋداعى شارالاردىڭ ءبىرى بولاتىنى داۋسىز.

    جۋىق جىلداردان بەرى اۆتونوميالى رايونىمىزدىڭ بانكە كاسىبى فينانس قۇرىلىمدارى كەدەيلەردى سۇيەمەلدەۋدى، وركەندەتۋدى العا ىلگەرىلەتۋدى ساياسي مىندەت رەتىندە مىقتى يگەرىپ، كەدەيلەردى سۇيەمەلدەۋدىڭ، وركەندەتۋدىڭ ءبىر قىدىرۋ فورمالارىن قالىپتاستىردى. قارىز اقشا بەينە پارمەندى سۇيمەن ىسپەتتى شينجياڭنىڭ كەدەيلىكتەن قۇتىلدىرۋدان قامال الۋىنىڭ ۇلى بارىسىن تىنباي جەبەۋدە.

    قۇرىلىمدى قۇرۋ: وڭتۇستىك پەن سولتۇستىكتى بايلانىستىرىپ، فينانستىق قىزمەت كورسەتۋدىڭ قامتۋ اياسىن كەڭەيتتى

    قارىز اقشا ارقىلى وڭتۇستىك شينجياڭ ءوڭىرىنىڭ دامۋىن قولداپ، دەم بەرىپ، كەدەي وتباسىلاردىڭ كەدەيلىكتەن قۇتىلۋىن جەبەۋدە نەگىزگى ساتىداعى بانكە تورىنىڭ ورنالاسۋىن كۇشەيتۋ − العى شارت.

    ءۇرىمجى بانكەسى 2016 - جىلدىڭ العاشقى جارىمىندا «قول تەلەفون بانكەسىنىڭ ۇيعۇر تىلىندەگى نۇسقاسىن» بۇكىل ەل بويىنشا تۇڭعىش رەت جولعا قويىپ، از ۇلت تىلدەرىندەگى فينانستىق ونىمدەردىڭ بوستىعىن تولتىردى.

    قاشقار ايماعىنان كەلگەن نۇرگۇل عوجاحىمەت 2015 - جىلدان بەرى ۇرىمجىدە اس - سۋ قىزمەت كورسەتۋ كاسىبىمەن شۇعىلدانىپ كەلە جاتقان - تۇعىن، ءۇرىمجى بانكەسىنىڭ «قول تەلەفون بانكەسىنىڭ ۇيعۇر تىلىندەگى نۇسقاسى» جولعا قويىلۋدان بۇرىن، ءار جولى ۇيىنە اقشا سالاردا حانزۋ ءتىلىن بىلەتىن اۋىلداستارىنىڭ كومەگىنە سۇيەنۋشى ەدى.

    ءۇرىمجى بانكەسىنىڭ «قول تەلەفون بانكەسىنىڭ ۇيعۇر تىلىندەگى نۇسقاسى» جولعا قويىلعانىن ەستىگەن نۇرگۇل عوجاحىمەت دەرەۋ «وسى بانكەنىڭ» سايكەستى APPىن قول تەلەفونىنا ءتۇسىرىپ، اۋىلىنا اقشا سالۋ جۇمىسىن ءوزى ءبىتىردى.

    بانكە كاسىبىنىڭ قۇرىلىمىن قۇرۋ جاعىندا شينجياڭ بانكە كاسىبىن باقىلاۋ - باسقارۋ مەكەمەسى «وڭتۇستىك شينجياڭ مەن سولتۇستىك شينجياڭدى بايلانىستىرۋ» ساياساتىن اتقارىپ، قاراستى اۋماقتاعى بانكە كاسىبى قۇرىلىمى وڭتۇستىك شينجياڭداعى 3 ايماق، ءبىر وبلىستان وزگە جەرلەردە جاڭا تارماق قۇرىلىمىن قۇرسا، پرينسيپتىك جاقتان وڭتۇستىك شينجياڭداعى 3 ايماق، ءبىر وبلىستا ءبىر تارماق قۇرىلىم قۇرۋعا جەتەلەپ، وسى ارقىلى بانكە كاسىبى قۇرىلىمىن وڭتۇستىك شينجياڭدا قۇرىلىم قۇرۋعا ىنتالاندىرىپ، وڭتۇستىك شينجياڭنىڭ بانكە كاسىبى تور تۇيىندەرىنىڭ سانىن ارتتىردى.

    سونىمەن بىرگە شينجياڭ بانكە كاسىبىن باقىلاۋ - باسقارۋ مەكەمەسى ساياسات سيپاتتى بانكەلەردىڭ وڭتۇستىك شينجياڭداعى ورنالاسۋىن بەلسەنە العا ىلگەرىلەتتى، مەملەكەتتىك وركەندەتۋ بانكەسى جانە يمپورت - ەكسپورت بانكەسى تۇگەلدەي قاشقاردا تارماق قۇرىلىمىن قۇرىپ، وڭتۇستىك شينجياڭنىڭ كەدەيلىكتەن قۇتىلدىرۋدان قامال الۋ، وتە - موتە، كەدەيلەردى سۇيەمەلدەۋ، وركەندەتۋ نىساندارىنىڭ فينانستىق قىزمەت كورسەتۋ قابىلەتىن جوعارىلاتتى.

    نەگىزگى ساتى اۋىل - قىستاق فينانستىق قىزمەت كورسەتۋدەگى ءالسىز بۋىن بولعاندىقتان، شينجياڭ بانكە كاسىبىن باقىلاۋ - باسقارۋ مەكەمەسى اۋىل - قىستاقتى فينانستىق قىزمەت كورسەتۋدىڭ قامتۋ اياسىنا ەنگىزۋ مۇمكىندىگىن تىنباي كەڭەيتتى. بيىلعى 1 - توقساننىڭ سوڭىنا دەيىن بۇكىل شينجياڭداعى 8867 اكىمشىلىك قىستاقتىڭ 6386سى نەگىزدىك فينانستىق كولەمگە ەندى، قامتۋ كولەمى %71.98كە جەتتى. از ۇلتتاردىڭ ءتىل جاعىنداعى قيىنشىلىعىنا مەڭزەس، شينجياڭ اۋىل - قىستاق نەسيە كووپەراتيۆى بۇكىل شينجياڭدا شارۋالارعا كومەك كورسەتەتىن قوس ءتىلدى اقشا شىعارىپ الۋ ماشيناسىنان 2000نان استامىن ورنالاستىردى.

جاۋاپتى رەداكتور:سايراش تۇرارجان قىزى