جۇپ قۇراپ، تۋىس بولىپ، كەدەيلىكتەن قول ۇستاسا قۇتىلدى

ياۋ گاڭ

 تاياۋدا بيڭتۋان 7 - ديۆيزياسى 126 - پولكتىڭ اۋىل شارۋاشىلىق تەحنيگى دۋان رۇڭگو (سولدان 1 - ) جۇپ قۇراعان تۋىسى شيحۋ قالاسى گانحىزى قالاشىعى جاڭزا قىستاعىنىڭ تۇرعىنى تۇرسىنبەكتىڭ وتباسىندا حالىققا ءتيىمدى ساياساتتاردى ۇگىتتەۋدە. 126 - پولكتىڭ گانحىزى قالاشىعىندا تۇراتىن اۋىل شارۋاشىلىق تەحنيكتەرى جەرگىلىكتى تۇرعىندارمەن تۋىس بولىپ، ولارعا تەحنيكا ۇيرەتىپ، شىنايى سىرلاسىپ، بيڭتۋان مەن جەرگىلىكتى ورىننىڭ سۇيىسپەنشىلىگىن تەرەڭدەتتى

    «بۇگىن ءبىز تاڭەرتەڭ ەرتە جۇپ قۇراعان تۋىسىمىزدىڭ باستاۋىندا قيمىل الاڭىنا كەلدىك، وسىنشاما كوپ قىزمەت ورايىن كورىپ قاتتى قۋاندىق، قاتتى اسەرلەندىك!» 8 - مامىردا قىزىلسۋ قىرعىز اۆتونوميالى وبلىستىق دەنە تاربيە سارايىندا وتكىزىلگەن «ۇلتتار ىنتىماعىنىڭ بەرەكەلى شاڭىراعى − تۋىسىمىزدى كاسىپورىندارعا كىرگىزىپ، كىرىسىن ارتتىرىپ اۋقاتتانۋعا باستاپ، ىنتىماقتى جەبەيىك» اتىنداعى قيمىل الاڭىنداعى كەلىسىمگە قول قويۋ سالتىندا، اتۇش قالاسى جوعارعى اتۇش قالاشىعى جولشى قىستاعىنىڭ تۇرعىنى دىلارا شۇكىر تۋىسىنىڭ كومەگىندە ءبىر زاۆودپەن كەلىسىمگە قول قويىستى.

    بىلتىر قازان ايىنان بەرى اۆتونوميالى رايونىمىز ورىستەتكەن «ۇلتتار ىنتىماعىنىڭ بەرەكەلى شاڭىراعى» قيمىلى ۇلتتار ىنتىماعىن ىشكەرىلەي بەكەمدەۋ، دامىتۋ، كەدەيلىكتەن قۇتىلدىرۋدان قامال الۋ جاعىندا ءونىمدى جول تاۋىپ شىقتى. قيمىلدا رايونىمىزداعى ءار دارەجەلى اكىمشىلىك، ءىسورىندارىنىڭ پارتيا مۇشەلەرى، كادرلارى بۇقارامەن جۇپ قۇراپ، تۋىس بولدى، حالىق مەنشىگىندەگى كاسىپورىندار سياقتى قوعامدىق كۇشتەردە بەلسەنە ات سالىسىپ، ۇنەمى بارىس - كەلىس جاسايتىن، ءوزارا ۇيرەنەتىن، شىن پەيىلىمەن كومەكتەسەتىن كۇشتى اعىندى بىرتىندەپ قالىپتاستىردى. كوپشىلىك ءوز باسىمدىقتارىن تولىق ساۋلەلەندىرىپ، جۇپ قۇراعان تۋىستارىنىڭ كەدەيلىكتەن قۇتىلۋىنا كومەكتەسىپ، ولاردىڭ ءوندىرىس، تۇرمىس، ۇيرەنۋ سياقتى جاقتاردا ساقتالعان ماسەلەلەرىن شەشىپ، كەدەيلەردىڭ كوزدەگەن مەزگىلىندە كەدەيلىكتەن قۇتىلۋىنا كۇش قوسىپ، 2020 - جىلعا بارعاندا شينجياڭنىڭ جاپپاي دوڭگەلەك داۋلەتتى قوعامعا بۇكىل ەلمەن بىرگە اياق باسۋىنا كەپىلدىك ەتتى.

    جۇپ قۇراپ، تۋىس بولۋ ارقىلى كوكەي تەستى قيىنشىلىقتارىمىزدى شەشتىك

    قىزىلسۋ وبلىسىندا دىلارا شۇكىر سياقتى «ۇلتتار ىنتىماعىنىڭ بەرەكەلى شاڭىراعى − تۋىسىمىزدى كاسىپورىندارعا كىرگىزىپ، كىرىسىن ارتتىرىپ، اۋقاتتانۋعا باستاپ، ىنتىماقتى جەبەيىك» اتىنداعى قيمىلعا اتۇش قالاسىنان، ۇلىقشات اۋدانىنان، اقشي اۋدانىنان كەلگەن كوپتەگەن كەدەي شارۋالار تۋىستارىنىڭ باستاۋىندا كەلىسىمگە تۇگەلدەي ءساتتى قول قويىستى. ولار جايشىلىقتا ەگىنشىلىكتەن سىرت، باستىسى، سىرتقا شىعىپ جۇمىس ىستەيتىن، ءبىراق ونان تاپقان ماردىمسىز كىرىستەرى وتباسىنىڭ كۇندەلىكتى شىعىمىنان اسا بەرمەيتىن. وسى رەت كەلىسىمگە قول قويۋ ارقىلى، ولار بۇرىنعى قىسقا مەرزىمدىك، بىتىراندى جۇمىس ىستەيتىن كۇيگە قوش ايتىپ، كاسىپورىنداردىڭ ءوندىرىس جۇمىسشىلارىنا اينالادى. ۇعىسۋعا قاراعاندا، سول كۇنگى قيمىلدا جيىنى 6800 جۇمىس ورنى ازىرلەنىپتى.

    حوتاندا، جۇپ قۇراپ، تۋىس بولعان وتباسىلارىنىڭ كەدەيلىكتەن دالمە - ءدال قۇتىلۋىن جۇزەگە اسىرۋىنا شىن نيەتىمەن كومەكتەسۋ پارتيا مۇشەلەرىنىڭ، كادرلاردىڭ سانالى ارەكەتىنە اينالدى. كوپشىلىك تۋىستارىنا كومەكتەسىپ، دامۋ وي جەلىسىن ايقىنداپ، دامۋ جوسپارىن جاساپ، نىسان قاراجاتى مەن تومەن سومالى سەنىمدى نەسيە الۋىنا بەلسەندىلىكپەن سايكەسىپ، ولاردىڭ جۇمىسقا ورنالاسۋ ادىستەرىن يگەرۋگە شابىتتاندىرىپ، جەتەكتەپ، ولاردىڭ اۋلا شارۋاشىلىعىن، مال باعىمشىلىعىن دامىتۋىنا جانە جاڭعاق، شىلان سياقتى ەرەكشە ورماندىق جەمىستەر وسىرۋىنە قولداۋ كورسەتىپ، كەدەي وتباسىلارىنىڭ كەدەيلىكتەن مەزگىلىمەن قۇتىلۋىنا جاردەمدەستى.

    «ۇلتتار ىنتىماعىنىڭ بەرەكەلى شاڭىراعى» قيمىلىندا، پارتيا مۇشەلەرى، كادرلار جۇپ قۇراعان تۋىستارىنىڭ ءىس جۇزىندىك قيىنشىلىقتارىن شەشۋىنە كومەكتەسىپ، كەدەي وتباسىلارىنىڭ بالالارىن وقۋعا ءتۇسىرۋ، ەمدەلۋ، جۇمىسقا ورنالاسۋ، دامۋ سياقتى جاقتارداعى ماسەلەلەرىن شەشۋىنە كومەكتەستى.

    مىسالى، بىرەۋلەر تۋىستارىنىڭ اۋىل شارۋاشىلىق ونىمدەرىن ساتۋىنا كومەكتەسسە، بىرەۋلەر جۇمىسقا ورنالاسۋ ىستەرىنە بايلانىس جاسادى، ال بىرەۋلەر ناۋقاس تۋىستارىنىڭ ەمدەلۋىنە قاجەتتى قاراجاتتى جينادى... كىشكەنە بولسا دا وسىنداي ناقتى ىستەر قاراماققا جاي عانا ءىس بولعانىمەن، ولاردىڭ شەشەتىنى جۇپ قۇراعان تۋىستارىنىڭ شەشۋدى بارىنشا كوكسەپ وتىرعان، ەڭ كوكەي تەستى، ونىڭ ۇستىنە كەزەكتە ەڭ تىڭعىلىقتى بىتىرۋگە بولاتىن ناقتى ماسەلەلەر ەدى.

جاۋاپتى رەداكتور:سايراش تۇرارجان قىزى