شينجياڭدا 125 مىڭ مۇگەدەككە كاسىپتىك ونەر جاعىنان تەگىن كۋرس اشىلادى

    «13 - بەسجىلدىق» مەزگىلىندە شينجياڭ ۇيعۇر اۆتونوميالى رايونى 125 مىڭ مۇگەدەككە كاسىپتىك ونەرىن جەتىلدىرگە تەگىن كۋرس اشىپ، ءتىپتى دە كوپتەگەن مۇگەدەكتەردىڭ كاسىپتەنىپ، كىرىسىن ارتتىرۋ ارمانىن ىسكە اسىرۋىنا مۇمكىندىك جاراتادى.

    جۋىردا شينجياڭ ۇيعۇر اۆتونوميالى رايوندىق مۇگەدەكتەر بىرلەستىگى، دامىتۋ جانە رەفورمالاۋ كوميتەتى، حالىق ىستەر مەڭگەرمەسى قاتارلى 8 ورىن بىرلىكتە «شينجياڭ ۇيعۇر اۆتونوميالى رايونىنىڭ <13 - بەسجىلدىق> مەزگىلىندە مۇگەدەكتەردىڭ كاسىپتەنۋىن جەدەلدەتۋ تۋرالى جوباسىن» باسىپ تاراتتى. شينجياڭ ۇيعۇر اۆتونوميالى رايونى ٵر دارەجەلى حالىق ۇكىمەتىنىڭ ءتۇرلى كاسىپتىك كۋرستەردى اشۋى ارقىلى كاسىپتەنگىسى كەلەتىن ٵرى كاسىپتەنۋ قابىلەتى بار مۇگەدەكتەرگە كاسىپتىك تەحنيكالىق ونەرىن جەتىلدىرۋ كۋرستەرىن، كاسىپتىك قابىلەتىن جوعارىلاتۋ كۋرستەرىن، كاسىپپەن شۇعىلدانۋ جونىندەگى كۋرستەردى اشۋ جانە كاسىپتەنۋ، كاسىپ كوزىن اشۋ جاعىندا قىزمەت ىستەيدى.

    شينجياڭ ۇيعۇر اۆتونوميالى رايونى كاسىپتىك ينستيتۋتتار، مەكتەپتەر، ەرەكشە تاربيەلەۋ ينستيتۋتتارى، كاسىپتىك جاقتان جەتىلدىرۋ بازاسى قاتارلى ءتۇرلى كاسىپتىك تاربيەلەۋ قاينارلارىن ءبىرتۇتاس پايدالانا وتىرىپ، كاسىپتەنىپ، كاسىپ كوزىن اشۋعا ۇمتىلاتىن، كاسىپتەنىپ، كاسىپ كوزىن اشۋعا شارت – جاعدايى كەلەتىن مۇگەدەكتەردى مۇگەدەكتىك تيپتەرىنە، مۇگەدەكتىك دارەجەسىنە، جىنىسىنا، جاسىنا، وقۋ تاريحىنا قاراي تۇرگە ءبولىپ، ٵر ادامنىڭ كۋرسقا قاتىناسۋ تالابىن تولىق يگەرگەن سوڭ، سوعان ساي تاربيەلۋ مازمۇنى مەن تاربيەلۋ باعىتىن بەلگىلەپ، كاسىپتەنۋ، كاسىپ جاراتۋ جونىندەگى كۋرستەر اشۋ قىزمەتىن ويداعىداي ىستەيدى.

جاۋاپتى رەداكتور:سايراش تۇرارجان قىزى