اۆتونوميالى رايوندىق پارتكومنىڭ تۇراقتى كوميتەت ءماجىلىسى باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ 41 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى

    جاسىل دامۋ ۇلگىسى مەن جاسىل تۇرمىس سالتىنىڭ تۇبەگەيلى تياناقتانۋىن العا ىلگەرىلەتىپ، كورىكتى شينجياڭ قۇرىپ، ءار ۇلت جۇرتشىلىعىنا تاماشا ورتا ازىرلەپ بەرەيىك

    ءماجىلىستى چىن چۋانگو باسقاردى

    اۆتونوميالى رايوندىق پارتكوم 1 - ماۋسىم تۇستەن بۇرىن تۇراقتى كوميتەت ءماجىلىسىن اشىپ، باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ 41 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، اۆتونوميالى رايونىمىزدىڭ دايەكتىلەندىرۋ، تياناقتاندىرۋ پىكىرىنە زەرتتەۋ جۇرگىزدى. ءماجىلىستى اۆتونوميالى رايوندىق پارتكومنىڭ شۋجيى چىن چۋانگو باسقاردى.

    ءماجىلىس بىلاي دەپ اتاپ كورسەتتى: باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ 41 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحى «بەستى ءبىر تۇلعالاندىرۋ» تۇلعالىق ورنالاستىرۋىن ءبىر تۇتاس جوسپارلاي وتىرىپ العا ىلگەرىلەتۋ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى العا ىلگەرىلەتۋ سىندى وسكەلەڭ تۇرعىدا، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدە ۇستاپ، جاسىل دامۋ ۇلگىسى مەن جاسىل تۇرمىس سالتىنىڭ قالىپتاسۋىن جەدەلدەتۋدىڭ ماڭىزدىلىعى، كوكەي تەستىلىگى جونىندە تەرەڭ بايىمداۋ جاساپ، جاسىل دامۋ ۇلگىسى مەن جاسىل تۇرمىس سالتىن قالىپتاستىرۋدى جەبەۋدىڭ نەگىزدىك پرينسيپتەرى مەن ءتۇيىندى مىندەتتەرىن ايقىن تۇردە العا قويىپ، ەكولوگيالىق وركەنيەت قۇرىلىسىن ونان سايىن كۇشەيتۋدىڭ العا ۇمتىلۋ باعىتىن ايقىن كورسەتىپ، ءتۇبىرلى ولشەممەن قامدادى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، ەكونوميكالىق، قوعامدىق دامۋ مەن ەكولوگيالىق ورتانى قورعاۋدى سايكەستى، بىرگە ىلگەرىلەتۋدى قۇلشىنا جۇزەگە اسىرىپ، ءار ۇلت جۇرتشىلىعىنا تاماشا ءوندىرىس، تۇرمىس ورتاسىن ازىرلەپ بەرۋىمىز كەرەك.

    ءبىرىنشى، ەكولوگيا تانىمىن كۇشەيتۋ كەرەك. جاسىل دامۋ ۇلگىسى مەن جاسىل تۇرمىس سالتىن قالىپتاستىرۋدى العا ىلگەرىلەتۋ ەكونوميكالىق دامۋ فورماسىندا جەدەل بۇرىلىس جاساۋدىڭ، دامۋ ساپاسى مەن ونىمدىلىگىن جوعارىلاتۋدىڭ ىشكى تالابى، ادامدى ارقاۋ ەتۋگە تاباندى بولۋداعى، ءار ۇلت حالقىنىڭ باق - ىرىسىن تاسىتۋداعى تابيعي تالعام، جاپپاي دوڭگەلەك داۋلەتتى قوعام قۇرۋداعى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى داۋىرلىك بەكىم، كليمات وزگەرىسىنە بەلسەندى تۇردە توتەپ بەرۋدەگى، باياندىلىقتى جۇزەگە اسىرۋداعى كەلەلى شارا.

    جاسىل دامۋ ۇلگىسى مەن جاسىل تۇرمىس سالتىن قالىپتاستىرۋدى العا ىلگەرىلەتۋدىڭ كەلەلى ءمانىن جىعا تانىپ، ەكولوگيالىق وركەنيەت قۇرىلىسىن جالپىلىق قىزمەتتىڭ كورنەكتى ورنىنا قويىپ، بايلىقتى ۇنەمدەۋ جانە ورتانى قورعاۋ سىندى نەگىزدىك مەملەكەت ساياساتىنا تاباندى بولىپ، ەكولوگيالىق ورتانى كوز قاراشىعىمىزدى قورعاعانداي قورعاۋىمىز، ەكولوگيالىق ورتانى ءوز ءومىرىمىزدى قاستەرلەگەندەي قاستەرلەۋىمىز كەرەك.

    ەكىنشى، جاڭا دامۋ ۇستانىمىن ورناتۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ ۇستانىمىنا تاباندى بولىپ جانە ونى دايەكتىلەندىرىپ، جاڭالىق اشىپ، ەكولوگيالىق ورتانى قورعاۋ وندىرگىش كۇشتى قورعاعاندىق، تۇنىق سۋ، جاسىل تاۋ ەڭ ۇلكەن بايلىق دەگەنگە تاباندى بولۋ، ەكونوميكالىق دامۋ مەن ەكولوگيالىق ورتانى قورعاۋدىڭ قارىم - قاتىناسىن دۇرىس ءبىر جايلى ەتۋ، ەكونوميكالىق دامۋ فورماسىندا جەدەل بۇرىلىس جاساۋ، بايلىقتان ۇنەمشىلدىكپەن، شوعىرلى تۇردە پايدالانۋدى العا ىلگەرىلەتۋ، جاڭالىق اشۋ ارقىلى دەم بەرۋدى قامداۋ جاعىنداعى قۇرىلىمدىق رەفورمانىڭ ماڭىزدى مىندەتىنە بالاپ، بايلىقتى بارىنشا از سارىپ ەتۋ ارقىلى ەكونوميكانىڭ، قوعامنىڭ باياندى دامۋىنا تىرەك سيپاتتى قولداۋ كورسەتۋگە قۇلشىنىپ، دامۋدىڭ بايلىق، ورتا بوداۋىن ءونىمدى تۇردە تومەندەتۋ كەرەك.

    ءۇشىنشى، ەكولوگيالىق ەڭ تومەنگى شەكتى قاتاڭ ساقتاۋ كەرەك. ەكولوگيالىق يقۋاتتىڭ قامتاماسىزدىق نەگىزگى شەگى، ورتا ساپاسىنىڭ حاۋىپسىزدىك ەڭ تومەنگى شەگى، جاراتىلىستىق بايلىقتان پايدالانۋدىڭ جوعارى شەگى سىندى ءۇش ءىرى شەكتى قاتاڭ ساقتاپ، ورتانى زور دارەجەدە لاستايتىن، ەنەرگيانى زور دارەجەدە سارىپ ەتەتىن، لاس زاتتاردى زور دارەجەدە ىعىستىرىپ شىعاراتىن نىسانداردىڭ شينجياڭعا كىرۋىنە قاتاڭ تيىم سالىپ، ەنەرگيانى، كەن بايلىعىن اشۋدا اۆتونوميالى رايوندىق حالىق ۇكىمەتى ءبىر تۇتاس تەكسەرىپ بەكىتۋ ءتۇزىمىن اتقارۋ، ورتانى قورعاۋدا ءبىر داۋىسپەن تەرىسكە شىعارۋ ءتۇزىمىن اتقارۋ، ەكولوگيانى قورعاۋ مەن كەڭىستىكتىڭ پايدالانىلۋىن باسقارۋدىڭ ەڭ قاتاڭ ءتۇزىمىن اتقارۋ كەرەك.

    ءتورتىنشى، ەكولوگيالىق قۇرىلىستى كۇشەيتۋ كەرەك. ءتۇيىندى ەكولوگيالىق ينجەنەريالاردى بەلسەندى تۇردە العا ىلگەرىلەتۋ، ەكولوگيالىق حاۋىپسىزدىك قالتقىسىن كۇش سالا قۇرۋ، كەلەلى ەكولوگيالىق جونگە سالۋ جانە قورعاۋ، قالپىنا كەلتىرۋ جونىندەگى ينجەنەريالاردى اتقارۋ، تاۋ، سۋ، ورمان، اتىز، كول ءبىر تۇلعالانعان ەكولوگيالىق قورعاۋ جانە قالپىنا كەلتىرۋ ءىسىن ىشكەرىلەي اتقارۋ، ءتۇيىندى وڭىرلەردەگى سۋ مەن توپىراقتىڭ زايا بولۋىن، توپىراقتىڭ قۇمايتتانۋىن جونگە سالۋ سەرپىنىن ارتتىرۋ، ەكولوگياعا تولەم بەرۋ مەحانيزمىن ورناتۋ، شينجياڭنىڭ اسپانىنىڭ اناعۇرلىم كوك، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق، ورتاسىنىڭ اناعۇرلىم كوركەم بولۋىنا مۇمكىندىك جاساۋ، ادام مەن تابيعاتتىڭ جاراسىمدى دامۋىن، ۇزدىكسىز دامۋىن جۇزەگە اسىرۋ كەرەك.

    بەسىنشى، ساقتانۋ، جونگە سالۋ سەرپىنىن ارتتىرۋ كەرەك. ءتۇيىندى سالالارداعى ەنەرگيا ۇنەمدەۋ، لاس زاتتاردى ىعىستىرىپ شىعارۋدى ازايتۋ ءىسىن زاڭ بويىنشا العا ىلگەرىلەتۋ، جابىلعان، توقتاتىلعان، مەشەۋ ءوندىرىس قۋاتىن جەدەل قاتاردان شىعارۋ، لاس زاتتاردى ىعىستىرىپ شىعارۋعا رۇقسات ەتۋ ءتۇزىمىن جاپپاي اتقارۋ، اتموسفەرانىڭ لاستانۋىنان، سۋدىڭ لاستانۋىنان، توپىراقتىڭ لاستانۋىنان ساقتانۋدى جانە ونى جونگە سالۋدى كۇشەيتۋ، لاستاۋ قاينارلارىنىڭ لاس زاتتاردى جاپپاي ولشەم نەگىزىندە ىعىستىرىپ شىعارۋىنا شىنايى كەپىلدىك ەتۋ، بۇكىل اۆتونوميالى رايونداعى قالا - قالاشىقتاردىڭ اۋا ساپاسىنىڭ تاماشا كۇيىن ساقتاۋ، نەگىزگى وزەن، كول سۋلارى ساپاسىنىڭ تاماشا كۇيىن ساقتاۋ، توپىراق ورتاسى ساپاسىنىڭ تۇلعالىق جاقتاعى ورنىقتىلىعىن ساقتاۋ، اۋىل شارۋاشىلىعى وندىرىسىنە پايدالانىلاتىن جەر مەن قۇرىلىسقا پايدالانىلاتىن جەردىڭ توپىراق ورتاسى حاۋىپسىزدىگىنىڭ نەگىزىنەن قامتاماسىزداندىرىلۋىنا مۇمكىندىك جاساۋ، اسپانى كوك، جەرى جاسىل، سۋى تۇنىق كورىكتى شينجياڭدى قۇلشىنا قۇرۋ كەرەك.

    التىنشى، جاسىل ۇستانىمدى جەتىلدىرۋ كەرەك. ەكولوگيالىق وركەنيەتتى سوتسياليستىك وزەكتى قۇن كوزقاراسىن ساۋلەلەندىرۋدىڭ جانە ونى امالياتتا ايگىلەۋدىڭ ماڭىزدى مازمۇنىنا بالاپ، ۇگىت سەرپىنىن ارتتىرىپ، نەگىزدىك بىلىمدەردى جالپىلاستىرىپ، جالپى حالىقتىڭ ۇنەمشىلدىك تانىمىن، ورتانى قورعاۋ تانىمىن، ەكولوگيا تانىمىن جوعارىلاتۋ كەرەك. حالىق جۇرتشىلىعىنىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرىپ، جۇرت تىلەگىن ۇيىستىرىپ، حالىقتىڭ اقىل - پاراساتىن شوعىرلاندىرىپ، كوپتىڭ كۇشىن توعىستىرۋ، جاسىل تۇرمىس سالتىن جەدەل العا ىلگەرىلەتىپ، ءار ادامدى جاسىل دامۋ ۇستانىمىن ىرىقتى تۇردە امالياتتا ايگىلەۋشىگە، جاسىل دامۋ ۇستانىمىن ىرىقتى تۇردە العا ىلگەرىلەتۋشىگە اينالۋعا جەتەلەۋ كەرەك.

    جەتىنشى، ءتۇزىلىس مەحانيزمىن كەمەلدەندىرۋ كەرەك. تەجەۋ جانە ىنتالاندىرۋ بىردەي يگەرىلگەن ەكولوگيالىق وركەنيەت ءتۇزىمى جۇيەسىن جەدەل ورناتۋ، زاڭداردى، زاڭ - ەرەجەلەردى اقاۋسىزداندىرۋ، كەمەلدەندىرۋ، ەكولوگيالىق ورتانى باقىلاۋ - باسقارۋ ءتۇزىمى مەن قىزمەت ناتيجەسىن تەكسەرۋ ءتۇزىمىن تياناقتاندىرۋ، ەكولوگيالىق ورتانى قورعاۋدى تەكسەرۋ ءادىسى مەن جاۋاپكەرشىلىكتى قۋزاستىرۋ ءتۇزىمىن اقاۋسىزداندىرۋ، ەكولوگيالىق ورتاعا زيان جەتكىزۋ جاۋاپكەرشىلىگىن ءومىر بويى قۋزاستىرۋ ءتۇزىمىن اتقارۋ، ەڭ قاتاڭ ءتۇزىم، ەڭ بەرىك زاڭمەن جونگە سالۋ ارقىلى ەكولوگيالىق ورتانى قورعاۋ، شينجياڭنىڭ اسپانىنىڭ كوك، جەرىنىڭ جاسىل، سۋىنىڭ تۇنىق بولۋىنا شىنايى كەپىلدىك ەتۋ كەرەك.

    سەگىزىنشى، قورعاۋ جاۋاپكەرشىلىگىن تياناقتاندىرۋ كەرەك. ەكولوگيالىق ورتانى قورعاۋدى العا ىلگەرىلەتۋدە باسشىلار يگەرۋگە، باسشىلاردى يگەرۋگە تاباندى بولۋ، ءار دارەجەلى پارتكوم مەن حالىق ۇكىمەتى ءوز ءوڭىرىنىڭ ەكولوگيالىق وركەنيەت قۇرىلىسىنداعى باس جاۋاپكەرشىلىكتى ارقالاۋ، باسشى كادرلاردىڭ مىندەت وتەۋ مەرزىمىندەگى ەكولوگيالىق وركەنيەت قۇرىلىسى جاۋاپكەرشىلىك ءتۇزىمىن قاتاڭ تياناقتاندىرۋ، ءتۇرلى ساياسات - شارالاردىڭ دايەكتى تياناقتانۋىنا شىنايى كەپىلدىك ەتۋ كەرەك. ءارقايسى قاتىستى تاراۋلار مىندەت بولىسىنە ساي، تىعىز سايكەسىپ، سەلبەسىپ، ەكولوگيالىق وركەنيەت قۇرىلىسىنىڭ قۇدىرەتتى بىرىككەن كۇشىن قالىپتاستىرۋ كەرەك.

    شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، لي پىڭشين، شاۋكەت يمىن، لي شۋەجۇن، ەركىن تۇنياز، ما شۋەجۇن، لو دۇڭچۋان ماجىلىسكە قاتىناستى.

جاۋاپتى رەداكتور:سايراش تۇرارجان قىزى