ايقاسىپ بىلەك، توعىسىپ جۇرەك

    − اۆتونوميالى رايوندىق باس جۇمىسشى ۇيىمىنىڭ «ۇلتتار ىنتىماعىنىڭ بەرەكەلى شاڭىراعى» بىرلەسكەن دوستىق قيمىلىنان ەستەلىك

    «بيىلعى قياق كۇرىش مەرەكەسى مەن بالالار مەرەكەسىن بىرگە وتكىزەيىك»، - دەدى اۆتونوميالى رايوندىق باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، ۇيىمنىڭ ورىنباسار ءتوراعاسى ۋاڭ جۇن 23 - مامىردا اتۇش قالاسى اعۋ اۋىلى توعراق قىستاعىنداعى «قوس ءتىل» بالا باقشاسىنىڭ ءتىلاشار كلاسىنداعى اراپات تۇرداحۇننىڭ كىشكەنتاي قولىن ۇستاپ تۇرىپ.

    سول كۇن تۇستەن بۇرىن اۆتونوميالى رايوندىق باس جۇمىسشى ۇيىمى 4 - رەتكى «ۇلتتار ىنتىماعىنىڭ بەرەكەلى شاڭىراعى» قيمىلىنىڭ «قياق كۇرىش مەرەكەسىندە قول ۇستاسىپ، اعۋ اۋىلىندا جۇرەك توعىستىرايىق» اتىنداعى «ۇلتتار ىنتىماعىنىڭ بەرەكەلى شاڭىراعى» بىرلەسكەن دوستىق قيمىلىن ۇيىمداستىردى، ءار ۇلت كادرلارى مەن قىستاق تۇرعىندارى، بالدىرعاندار باس قوسىپ، الدا كەلەتىن قياق كۇرىش مەرەكەسى مەن بالالار مەرەكەسىن بىرگە تويلادى.

    توعراق قىستاعى تۇرعىندارعا قىزمەت كورسەتۋ ورتالىعىندا ساحنا دايىندالدى، ساحنانىڭ ارتقى كورىنىسى رەتىندە اۆتونوميالى رايوندىق باس جۇمىسشى ۇيىمىنىڭ جۇپ قۇراپ، تۋىس بولعانداردىڭ توپتىق سۋرەتى قويىلدى، ساحنانىڭ قاق ورتاسىنا «ۇلتتار ىنتىماعىنىڭ بەرەكەلى شاڭىراعى» دەگەن جازۋ كوزگە وتتاي باسىلدى. دالادا شوگەل قىستاق تۇرعىندارى اۋلا مەن ەسىكتىڭ الدىنداعى جولدى ەرتە تازالاپ، جۇپ قۇراپ، تۋىس بولعانداردىڭ كەلۋىن ەڭ جاقسى دايىندىقپەن كۇتتى.

    «ايتەۋىر، جەتتىڭىزدەر - اۋ، سىزدەردى ابدەن ساعىندىق...» ساعات 10نان 30 مينۋتتا اۆتوبۋز توقتاي بەرە قىستاق تۇرعىندارى جاپا - تارماعاي قوناقتارعا قاراي لاپ قويدى، قۇشاقتاسىپ، اماندىق سۇراسىپ، ەستەلىك سۋرەتكە ءتۇسىپ ابىگەر بولىسقان جۇرتتىڭ جۇزدەرىنەن قۋانىش كۇلكىسى ەستى.

    «جۇڭحۋا ۇلتىنىڭ ءداستۇرلى مەرەكەسى قياق كۇرىش مەرەكەسى تاياپ قالدى، ءبىز سىزدەرگە قياق كۇرىش الا كەلدىك» دەسىپ، جۇپ قۇراپ، تۋىس بولىسقان كادرلار دوربا - دوربا قياق كۇرىشتەردى «تۋىستارىنىڭ» قولىنا ۇستاتتى.

    «قياق كۇرىش مەرەكەسى» مەن «بالالار مەرەكەسى» قاتار كەلسە قۋانىش ۇستىنە قۋانىش ەمەس پە. كادرلار قسىتاقتاعى بالالاردىڭ مەرەكەلەرىنە ارناپ تارتۋ تا الا كەلىپتى، بالالارعا ارنالعان كىتاپتار، وقۋ قۇرالدارى، كيىم - كەشەك، ويىنشىق... سياقتى سان الۋان تارتۋلاردى كورگەن بالالار الاقايعا باستى.

    جالىندى مۋزيكا وينالىپ، ويناقى ءبي بيلەندى. ساعات 11دە بىرلەسكەن دوستىق قيمىل رەسمي باستالدى، توعراق قىستاعى «قوس ءتىل» بالا باقشاسىنداعى بالدىرعاندار دايىنداعان كونسەرت ءنومىرى «شاتتىق ءبيى» ورتانى بىردەن دۋمانعا بولەپ الا جونەلدى. بالالار الىستان كەلگەن اعاي - اپايلارىنا العىستارىن كادىمگى كاسىپقوي بيشىلەردىڭ ولشەمدى ارەكەتتەرىمەن، سۇيكىمدى كۇلكىلەرىمەن جەتكىزدى.

    «تاماشا بيلەدىڭدەر! بالالار، مەرەكەلەرىڭمەن قۇتتىقتايمىز!». ءبىر كۇن، ءبىر تۇندىك ۇزاق ءجۇرىس باس جۇمىسشى ۇيىمى كادرلارىن مويىتىپ، شارشاتا الماعان ءتارىزدى، ولار بالالاردى ءبىر - بىرلەپ قۇشاقتاپ، اربىرىنە تارتۋ ۇلەستىردى، شىن ىقىلاستى جانارلار، جۇرەكتى جىلىتاتىن ءتاتتى كۇلكىلەر الاڭدا تۇرعانداردى شاتتىق تەڭىزىنە شومدىردى.

    وزىنە تيەسىلى تارتۋ رەتىندە «قوس ءتىلدى» اڭگىمە كىتاپقا يە بولعان 8 جاسار الارقات بالدىرعان دوستارىمەن بىرگە كىتاپتى دەن قويا پاراقتاي جونەلدى، سۋرەتتەردىڭ استىنا جازىلعان حانزۋ تىلىندەگى ماتىندەردى كورىپ، ول قارىپتاپ وقي باستادى. «مەن حانزۋ ءتىلىن وتە جاقسى كورەمىن، باستاپ ۇيرەنىپ ءجۇرمىن، بۇل كىتاپ ماعان وتە ۇنادى، مىنە مەن ەندى كىتاپ تا وقي الاتىن بولدىم»، - دەدى الارقات.

    اۆتونوميالى رايوندىق باس جۇمىسشى ۇيىمىنىڭ «ۇعىسۋ، تيىمدىلىك جاساۋ، توعىستىرۋ» بويىنشا وتكەن كەزەكتە قىستاقتا تۇرعان كادرى رەتىندە، شى يۇن بۇل رەت «تۋىسىنا» كەلەردە ءوزىنىڭ 7 جاسار ۇلىن دا ارنايى ەرتە كەلىپتى، ول بۇنى ەرەكشە ءماندى ءىس دەپ قارايدى. «بىلتىر مەن وسى قىستاقتا تۇردىم، وسى رەت مەن بالاما ءوزىم قىزمەت ىستەگەن جەردى، مۇنداعى <تۋىسىمدى> كورسەتسەم، وعان جاڭا دوس تانىستىرسام دەيمىن»، - دەيدى شى يۇن، قىستاققا بالا دوستارىن كورۋگە كەلەتىنىن بىلگەن ونىڭ ۇلى دا ولارمەن بولىسۋگە ارنايى ويىنشىق الا كەلىپتى.

    كەلەر جىلى وسى قىستاقتا تۇرۋعا دايىندالىپ جۇرگەن ءساليقا دا ءوزىنىڭ 5 جاسار قىزىن ەرتە كەلىپتى. «مەن قىزىما بۇل جەردىڭ جاعدايىمەن ەرتەرەك تانىستىرىپ، وعان مەنىڭ قىزمەتىمدى ءتىپتى دە جاقسى تۇسىندىرسەم، سونىمەن قوسا، وعان ەرەكشە ءبىر بالالار مەرەكەسىن وتكىزىپ بەرسەم دەپ كەلدىم»، - دەيدى ءساليقا.

    «مەنىڭ جۇرەگىمدە ءبىز ماڭگى تۋىسپىز!»، - دەدى توعراق قىستاعىنىڭ تۇرعىنى اليگۇل تۇراحۇن اتا - انالار اتىنان سوزگە شىعىپ: «مەنىڭ بالام حانزۋ ءتىلىن ۇيرەنگەندى وتە جاقسى كورەدى، ۇيدە بىزگە حانزۋشا ۇيرەتىپ جاتادى، بالامنىڭ كوڭىلىنە ۇلتتار ىنتىماعى تۋرالى تەرەڭ سۇيىسپەنشىلىك ورناعان، انا رەتىندە مەن تىپتەن ۇلتتار ىنتىماعىنىڭ ونەگەسى بولىپ، ءوز بالامدى جاقسى تاربيەلەۋىم كەرەك».

جاۋاپتى رەداكتور:سايراش تۇرارجان قىزى