ءتورتىنشى ماۋسىمدىق «جىبەك جولىنداعى ايگىلى ادامداردىڭ جۇڭگوداعى ساپارى» تىلشىلەر ۇيىرمەسى موري اۋدانىنا كەلدى

ءتورتىنشى ماۋسىمدىق «جىبەك جولىنداعى ايگىلى ادامداردىڭ جۇڭگوداعى ساپارى» تىلشىلەر ۇيىرمەسى موري اۋداندىق مۇراجايدى تاماشالاۋدا

    25-مامىر كۇنى، تۇركيا، ەگيپەت، يوردانيا، اۋعانستان قاتارلى جىبەك جولى بويىنداعى مەملەكەتتىڭ قوعامدىق ايگىلى قايراتكەرلەر، اقپارات دانەكەرلەرى تىلشىلەردەن قۇرالعان ءتورتىنشى ماۋسىمدىق «جىبەك جولىنداعى ايگىلى ادامداردىڭ جۇڭگوداعى ساپارى» تىلشىلەر ۇيىرمەسى موري قازاق اۆتونوميالى اۋدانىنا بارىپ، موري اۋدانىنىڭ كەستەشىلىك ءوندىرىسىنىڭ دامۋىمەن تانىستى.

    سول كۇنى، تىلشىلەر ۇيىرمەسى موري اۋداندىق مۇراجاي، ۇلتتىق كەستەشىلىك ءوندىرىس باقشاسى قاتارلى ورىنداردى تاماشالاپ، موري اۋدانىنىڭ حالىقتىق مادەنيەتىن جالعاستىرعان قازاق ۇلتىنىڭ كەستەشىلىك ءوندىرىسىنىڭ دامۋىمەن ناق مايداندا تانىسىپ ءبىلدى.

    جالاڭ ماتەريالدىق تانىمنان وسىزامانعى ونەركاسىپ تەحنيكاسىن ءوزارا ۇشتاستىرىپ، ءار ءتۇرلى تۇرمىستا قولدانىلاتىن بۇيىمدار جاسايدى، جاقىنعى جىلداردان بەرى، موري اۋدانىنداعى قازاق ۇلتتىق كەستەشىلىك ونەرى بىرتىندەپ جەرگىلىكتى ەكونوميكانىڭ دامۋى مەن ديقانداردىڭ كىرىس كوزىنە اينالدى. موري اۋانىنداعى كەستەشىلىك باقشاسىندا قىزمەتشىلەر تىلشىلەر ۇيىرمەسىنە قازاق ۇلتىنىڭ كەستەشىلىك ونەرىنىڭ موري اۋدانىنداعى دامۋ تاريحى مەن بارىسىن تانىستىردى.

    ەگيپەت جاساندى سەرىك راديو-تەلەۆيزيا وداعىنىڭ رەجيسسەرى مۇحاممەت سۇلەيمەن قازاق ۇلتىنىڭ كەستەشىلىك ونەرىنە قىزىعۋشىلىق ءبىلدىرىپ، كەستەشىلىك بۇيىمداردى ءوز ەلىنە الا كەتىپ، جان ۇياسى مەن دوستارىنا شينجياڭ قولونەرىن تانىستىراتىنىن ايتتى. مۇحاممەت سۇلەيمەن بىلاي دەدى: ءبىز موري اۋداندىق مۇراجايدى ارالاپ شىعىپ، موري اۋدانىنىڭ كونە جىبەك جولىنداعى ماڭىزدى وتكەل ەكەنىن بىلدىك، ءارى ادەمى قولونەر كەستەلەرىن تاماشالاپ، موري اۋدانىنىڭ كەستەشىلىك ونەرىن زور كۇشپەن دامىتىپ، حالىق بۇقاراسىنا تيىمدىلىك الا كەلگەنىن كوردىك، مەنىڭشە، بۇنداي مادەنيەتتىڭ جالعاسۋى جانە وندىرىستىك دامىتۋى ءبىزدىڭ ەلدىڭ ۇيرەنۋى مەن عيبارات الۋىنا تاتيدى.

جاۋاپتى رەداكتور:سايراش تۇرارجان قىزى