ب م ۇ «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ تابىسىن جوعارى باعالادى

    23 – مامىردا وتكىزىلگەن 2017 – جىلعى ب م ۇ ەكونوميكا – قوعام القالار كەڭەسى دامۋ – قارجى توپتاۋ تالقى مىنبەسىنىڭ جاي پىكىر تالاسىندا ماجىلىسكە قاتىناسقان حالىقارالىق ۇيىمدار مەن مۇشە ەلدەردىڭ ۋاكىلدەرى «ءبىر بەلدەۋ، ءبىر جول» دارىپتەمەسى مەن «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ تابىسىن بەلسەندى باعالادى.

    ب م ۇ ساۋدانى دامىتۋ ءماجىلىسىنىڭ باس حاتشىسى مۋكيشا كيتۋيە بىلاي دەدى: «ءبىر بەلدەۋ، ءبىر جول» حالىقارالىق سەلبەستىك فورۋمى دۇنيە ءجۇزىنىڭ دامۋىنا باستاماشىلىق ەتۋدە ونەگەلى رول اتقاردى، ءار ەل جۇڭگونىڭ تاجىريبەسى مەن تاسىلىنەن ۇيرەنۋى كەرەك. ب م ۇ ازيا جانە تىنىق مۇحيت ەكونوميكالىق - قوعامدىق كوميتەتىنىڭ اتقارۋشى حاتشىسى شامشاد احتار بىلاي دەدى: جۇڭگو حالىقارانىڭ دامۋ سەلبەستىگىن بەلسەندىلىكپەن ىلگەرىلەتتى، شاراسى پارمەندى بولدى.

    ماجىلىستەن كەيىن چيلي ۋاكىلى بىلاي دەدى: قازىر دۇنيە ءجۇزى ەكونوميكاسىنىڭ قالپىنا كەلۋ قۋاتى پارمەنسىز بولۋدا، جۇڭگو «ءبىر بەلدەۋ، ءبىر جول» حالىقارالىق سەلبەستىك فورۋمىن وتكىزىپ، ەكونوميكالىق سەلبەستىكتى ىلگەرىلەتۋدەگى كەلەلى شارانى ورتاعا قويىپ، جۇڭگونىڭ حالىقارالىق ىستەردەگى باسشىلىق قۋاتىن ايگىلەدى. ەگيپەت ۋاكىلى بىلاي دەدى: «ءبىر بەلدەۋ، ءبىر جول» دارىپتەمەسىنىڭ افريكا ەلدەرىنىڭ دامۋىنداعى رولى ماڭىزدى، افريكانىڭ كوپتەگەن ەلى «ءبىر بەلدەۋ، ءبىر جول» دارىپتەمەسىمەن قايتكەندە ويداعىداي ۇشتاسۋعا بولاتىنىن، ەكونوميكانى قايتكەندە ارتتىرۋعا بولاتىنىن بەلسەندىلىكپەن زەرتتەۋدە. الجير ۋاكىلى بىلاي دەدى: «ءبىر بەلدەۋ، ءبىر جول» دارىپتەمەسى __ ماڭىزدى حالىقارالىق الەۋمەتتىك ءونىم، دۇنيە ءجۇزى ەكونوميكاسىن وڭاۋدىڭ ءادىل، ۇيلەسىمدى جۇيەسىن ىلگەرىلەتۋدە توتەنشە ماڭىزدى.

جاۋاپتى رەداكتور:سايراش تۇرارجان قىزى