جىبەك جولى ەكونوميكالىق بەلدەۋىندە كەدەننەن ءوتۋ تارتىپتەرىن ءبىر تۇلعالاندىرۋ رەفورماسى اتقارىلعاننان بەرى ەكى جىلدىڭ ىشىندە شەكارادان وتكەن زاتتارعا ون ميلليوننان استام كەدەندىك قۇجات بەرىلدى

    بيىل ءساۋىر ايىنىڭ سوڭىنا دەيىن، جىبەك جولى ەكونوميكالىق بەلدەۋىندە كەدەننەن ءوتۋ تارتىپتەرىن ءبىر تۇلعالاندىرۋ رەفورماسى جۇرگىزىلگەنىنە ەكى جىل تولادى، وڭىرلىك كەدەندەر ءبىر تۇلعالاندىرىلعان قىزمەت ءتارتىبى بويىنشا تەكسەرۋ بارىسىندا كەدەندىك قۇجاتتان 11 ميلليون 727 مىڭ دانا قۇجات بەرگەن، مۇندا ءوڭىر اتتاعان كەدەندىك قۇجات سالىستىرماسى %9.8 بولىپ، بۇكىل ەلىمىزدەگى 5 ءىرى كەدەندىك ءبىر تۇلعالاندىرۋ باعدارلاماسى ىشىندە ءبىرىنشى ورىندا تۇرعان.

    كەدەن باس باسقارماسى 2015 – جىلى 1 – مامىردا چيڭداۋ كەدەنىنە جىبەك جولى ەكونوميكالىق بەلدەۋى كەدەندىك وڭىرىندە ءبىر تۇلعالاندىرۋ رەفورماسىن جۇرگىزۋگە باستاماشى بولۋ ۇقىعىن بەرگەن بولاتىن. اتالعان رەفورما شاندۇڭ، شانشي، شينجياڭ قاتارلى 9 ولكە، اۆتونوميالى رايونداعى 10 كەدەندى قامتىپ، جەلى بويىنداعى 90 مىڭنان استام كاسىپورىنعا «قۇنى تومەن، ءونىمى جوعارى» زات جەتكىزۋ ءدالىزىن دايىندادى. كەدەننەن ءوتۋ تارتىپتەرىن ءبىر تۇلعالاندىرۋ رەفورماسى مەن كەدەننەن ءوتۋدى قاعاز باستىلىقتان ارىلتۋ، ءتۇرلى قاتىناس قۇرالدارىن بىرلەستىرە تاسىمالداۋ، ەلەكتروندىق جۇيە بويىنشا وتكىزۋ قاتارلى شارالاردى قاتار قولدانىپ، كاسىپورىنداردىڭ كەدەننەن ءوتۋ فورماسىن تاڭداۋ، زات تاسىمالداۋ جوباسىن بەلگىلەۋىندە نارىقتىق جۇيەنى قولدانۋ سىندى جاڭاشا كەدەننەن ءوتۋ فورماسىن قالىپتاستىرىپ، كاسىپورىنداردىڭ كەدەننەن زات وتكىزۋ قۇنىن %20 ~ %40 ارزانداتتى.

جاۋاپتى رەداكتور:سايراش تۇرارجان قىزى