ءتورتىنشى ماۋسىمدىق «جىبەك جولىنداعى ايگىلى ادامداردىڭ جۇڭگوداعى ساپارى» تىلشىلەر ۇيىرمەسى ۇرىمجىگە كەلدى

    22-ماۋسىم كۇنى، جۇڭگو حالىقارالىق راديو ستانسياسى مەن شينجياڭ ۇيعۇر اۆتونوميالى رايوندىق حالىق ۇكىمەت اقپارات كەڭسەسى، سونداي-اق ەلىمىزدىڭ قاتىستى مەملەكەتتەردە تۇراتىن ەلشىحاناسى بىرلەسىپ ۇيىمداستىرعان «جىبەك جولىنداعى ايگىلى ادامداردىڭ جۇڭگوداعى ساپارى» تىلشىلەر ۇيىرمەسى ءۇرىمجى قالاسىنا كەلدى.

    سول كۇنى، تۇركيا، ەگيپەت، يندونەزيا، سۋدان قاتارلى جىبەك جولى بويىنداعى مەملەكەتتىڭ ساياسي، ەكونوميكا، مادەنيەت سالاسىنداعى 13 ايگىلى ادام ىلگەرىندى-كەيىندى شينجياڭ لاي-و عىلىم-تەحنيكا شەكتى سەرىكتەستىگى، شينجياڭ شانحاۋ بيولوگيا جارنا شەكتى سەرىكتەستىگى، شينجياڭ ۇيعۇر اۆتونوميالى رايوندىق جۇڭگوشا شيپاحاناسى، شينجياڭ ۋنيۆەرسيتەتى، شينجياڭ راديو-تەلەۆيزيا اۋدارىپ جاساۋ ورتالىعى، شينجياڭ حالىق راديو ستانسياسى، شينجياڭ تەلەۆيزياسىنا كەلىپ، جىبەك جولى سەنترى بولعان شينجياڭنىڭ « ءبىر بەلدەۋ، ءبىر جول» ەكونوميكالىق ساۋدانىڭ دامۋى، مادەنيەت اۋىس-كۇيىس جاعدايىن ۇعىستى.

    «شينجياڭنىڭ ەمدەۋ قۇرىلعىلارى كەمەلدى، تەحنيكاسى ىلعارى، بۇل ناۋقاسقا اسا ماڭىزدى، ونىڭ ۇستىنە شينجياڭ «ءبىر بەلدەۋ،ءبىر جول» ەكونوميكالىق بەلدەۋىندەگى ماڭىزدى ورىنعا ورنالاسقان، مەن شينجياڭنىڭ بولاشاعىنا، مەدەتسينا جاقتاعى وزىق تەحنيكانىڭ ءتىپتى دە كوپ حالىققا قولايلىلىق جاراتاتىنا سەنەمىن،دەدى تۇركيادان كەلگەن قوناق نۇراح ءوزتۇرك اۆتونوميالى رايوندىق جۇڭگوشا شيپاحاناسىندا ينەمەن ەمدەۋ ءتاسىلىن قابىلداعاننان كەيىن قۋانىشتى بەينەمەن.

    ۇعىسۋعا قاراعاندا، ءۇرىمجى قالاسىنان سىرت، «جىبەك جولىنداعى ايگىلى ادامداردىڭ جۇڭگوداعى ساپارى» تىلشىلەر ۇيىرمەسى شونجى اۋدانى، جەمسارى اۋدانى، موري اۋدانى، قۇمىل قالاسى، باركول اۋدانىنا بارىپ، جەرگىلىكتى ورىنداعى قايراتكەرلەرمەن ءوزارا پىكىر اۋىستىرىپ، شينجياڭنىڭ مادەنيەت، تاريح، ەكونوميكا، مەدەتسينا، وقۋ-اعارتۋ سالاسىنداعى جەتكەن جەتىستىكتەرى مەن «ءبىر بەلدەۋ، ءبىر جول» دارىپتەمەسىنىڭ سىرتقا باعىتتالعان سەلبەستىكتە قول جەتكىزگەن بەلسەندى رولدارىن ۇعىسىپ، تۇسىنەدى.

جاۋاپتى رەداكتور:سايراش تۇرارجان قىزى