ءسوزدى ۇيرەنىپ، ستيلگە بۇرىلىس جاساپ، تياناقتاندىرۋدى جەبەدى

    − اۆتونوميالى رايوننىڭ ستيلدى وڭاۋ ارناۋلى قيمىلىن ورىستەتكەنى تۋرالى

    ۋاڭ نيڭ

    «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىنىڭ ۇدايىلانۋىن، تۇزىمدەنۋىن ىلگەرىلەتۋ ءۇشىن، اۆتونوميالى رايون تۇتاس رايون كولەمىندە «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتىپ، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيالى كادرلار قوسىنىندا ورىن تەۋىپ وتىرعان «4 ءتۇرلى بۇرىس ستيل»، «4 تەرىس پيعىل» ماسەلەسىندە شىنايى بۇرىلىس جاساپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تەرەڭ تامىر تارتۋىنا، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىنىڭ ناقتى تياناقتانۋىنا شىنايى كەپىلدىك ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن كۇش سالا جۇزەگە اسىرۋدى ۇيعاردى.

    ءسوزدى ۇيرەنىپ، تولىق ءتۇسىندى

    «ۇيرەنۋ، بۇرىلىس جاساۋ، جەبەۋ» ارناۋلى قيمىلىنىڭ نەگىزى «ۇيرەنۋدە»: پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ پارتيانى جاپپاي قاتاڭ جونگە سالۋداعى باي مازمۇنى مەن وزەكتى ءتۇيىنىن ىشكەرىلەي ۇيرەنىپ، ءتۇسىنىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي ۇيرەنىپ، ۇعىنىپ، جاڭا تانىم ارقىلى جاڭا امالياتقا جەتەكشىلىك ەتتى.

    ءسوزدى ۇيرەنۋ قابىلەتتى ۇشتاۋ جانە رۋحاني تولىعۋ عانا ەمەس، ونان دا ماڭىزدىسى، پارتيالىلىق سىناق جانە ءوزىن - ءوزى كەمەلدەندىرۋ. اۆتونوميالى رايونداعى ءار دارەجەلى پارتيا ۇيىمدارى دەرەۋ اتتانىسقا كەلىپ، ورنالاستىرۋ جاساپ، ۇيرەنۋدى دەن قويا ۇيىمداستىرىپ، كوللەكتيۆ اقىلداسۋ، ماماندار جەتەكشىلىك ەتۋ، پىكىر اۋىستىرۋ، تالقىلاۋ سياقتى الۋان ءتۇرلى فورمادا ۇيرەنۋ، ۇگىت - تاربيە ورىستەتۋ ارقىلى تۇتاس رايونىمىزداعى پارتيالى كادرلاردىڭ قاز - قالپىندا ۇيرەنۋىنە، قايتالاي، ىشكەرىلەي ۇيرەنۋىنە، ءىس جۇزىندىكپەن بايلانىستىرا ۇيرەنۋىنە ءجون سىلتەپ، اۋەلگى نۇسقانى وقۋعا، اۋەلگى نۇسقانى ۇيرەنۋگە، جول - جوسىندى ۇعىنۋعا تاباندى بولىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى ارقىلى سانالى تۇردە وي - سانانى قارۋلاندىردى، امالياتقا جەتەكشىلىك ەتتى، قىزمەتتى ىلگەرىلەتتى.

    17 - اقپان كۇنى اۆتونوميالى رايوندىق پارتكومنىڭ ۇيىمداستىرۋ ءبولىمى «ۇيرەنۋ، بۇرىلىس جاساۋ، جەبەۋ» ارناۋلى قيمىلى جونىندە تاعى دا ورنالاستىرۋ جاساپ، ىشكەرىلەي ۇيرەنۋ ارقىلى «4 ءتۇرلى بۇرىس ستيل»، «4 تەرىس پيعىل» زيانىنا قاراتا ءبىر رەت تۇبەگەيلى ۇلكەن تەكسەرۋ، ۇلكەن تۇزەۋ، ۇلكەن الاستاۋ جۇرگىزۋدى تالاپ ەتتى؛ سول كۇنى اۆتونوميالى رايوندىق پارتكومنىڭ ۇگىت ءبولىمى «ۇيرەنۋ، بۇرىلىس جاساۋ، جەبەۋ» ارناۋلى قيمىلى جونىندە تاقىرىپتىق تاربيە ورىستەتىپ، اۆتونوميالى رايوندىق ءتارتىپ تەكسەرۋ كوميتەتىنىڭ ورىنباسار شۋجيىن لەكسيا جاساۋعا ۇسىنىس ەتتى؛ 22 - اقپان كۇنى اۆتونوميالى رايوندىق پارتكوم كەڭسەسى «ۇيرەنۋ، بۇرىلىس جاساۋ، جەبەۋ» ارناۋلى قيمىلى جونىندە ۇيرەنۋ، زەرتتەۋ - تالقى ءماجىلىسىن اشىپ، ۇيرەنۋ نىساناسى مەن تالاپتارى، نەگىزگى پرينسيبى، باستى مازمۇنى جونىندە ايقىن بەلگىلەمە شىعاردى... اۆتونوميالى رايوندىق پارتكوم قاراستىلىعىنداعى تاراۋلاردىڭ ارەكەتى جىلدام، ىلگەرىلەتۋى پارمەندى، شاراسى ۇتىمدى بولىپ، قيمىل باستالا سالىسىمەن ستيلدەگى بۇرىلىستى ايگىلەدى.

    اۆتونوميالى رايوندىق ۇكىمەت كەڭسەسى ارناۋلى قيمىلدا ۇيرەنەتىن مازمۇندار مەن پىكىر اۋىستىرۋ تاقىرىبىن ايقىنداپ، وزدىگىنەن ۇيرەنۋ مازمۇنىن، وقۋعا كورسەتىلگەن كىتاپتاردى ازىرلەپ، ۇيرەنۋ ەسەپ داپتەرىن ورناتىپ، ءار كۇنگى ارناۋلى ۇيرەنۋدىڭ ءبىر ساعاتتان از بولماۋىن تالاپ ەتتى؛ اۆتونوميالى رايوندىق قازىنا مەڭگەرمەسى ۇيرەنۋ جوسپارىن جاساپ، ۇيرەنۋ ماتەريالدارىن دايىنداپ، ۇيرەنۋگە ءتيىستى 23 ءتۇرلى مازمۇندى ايقىنداپ، ءار ايدا جابىق ەمتيحان الۋ ارقىلى ۇيرەنۋ ناتيجەسىنە تەكسەرۋ جۇرگىزدى.

    ۋىنسۋ اۋدانى «ۇيرەنۋ، بۇرىلىس جاساۋ، جەبەۋ» ارناۋلى قيمىلىن ورىستەتۋ بارىسىندا «پارتيالى كادرلاردىڭ <ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ> ارناۋلى قيمىلى جونىندەگى ۇيرەنۋ - تاربيەسىندە بىلۋگە، تۇسىنۋگە ءتيىستى بىلىمدەر جيناعىن» جانە «ءىشىنارا پارتيالى باسشى كادرلاردىڭ تارتىپكە قايشىلىق جاساۋ تيپتىك دەلو مىسالدار تاڭدامالىلارىن» قۇراستىرىپ، باسىپ تاراتتى، سونداي - اق 9300دەن استام كادردى ۇيىمداستىرىپ، شوعىرلى سىناق جۇرگىزدى.

جاۋاپتى رەداكتور:سايراش تۇرارجان قىزى