لەي فىڭ رۋحى ادامدار جۇرەگىن نۇرلاندىرا بەرمەك

ەرباقىت قابدەش ۇلى

    5 - ناۋرىز − ماۋ زىدۇڭ قاتارلى اعا بۋىن توڭكەرىسشىلەرىنىڭ لەي فىڭ جولداستان ۇيرەنۋ جونىندەگى ارناۋ سوزدەرى جاريالانعاندىعىنىڭ 54جىلدىعىن اتاپ ءوتۋ كۇنى. لەي فىڭ 60 - جىلدارداعى اتى كوپكە تانىس حالىق ءۇشىن قىزمەت ىستەۋدىڭ ۇلگىسى، ونىڭ ەسىمى ادامداردىڭ جۇرەگىنەن تەرەڭ ورىن الىپ، ەلىمىزدەگى ءار ۇلت حالقىنىڭ ومىرىمەن بىتە قايناسىپ، رۋحاني وركەنيەت قۇرىلىسىنىڭ، قوعامدىق ءمورالدىڭ ۇلگىسىنە اينالدى.

    بۇگىنگى باي دا باقىتتى، جاراسىمدى قوعامدا لەي فىڭنىڭ ىزگى ىستەرى ءالى دە جاستار مەن جاس وسپىرىمدەردىڭ ۇيرەنەتىن ۇلگىسى، قاجىرلىلىقپەن العا باسۋىنىڭ قوزعاۋشى كۇشى بولىپ كەلەدى. لەي فىڭ رۋحى قوعامداعى كوپ ادامداردى ماقتاۋ مەن جىرلاۋعا تاتىرلىق ەڭبەك كورسەتۋگە شابىتتاندىرۋدا، جىگەر بەرۋدە، بۇعان استە كۇمان ارتۋعا بولمايدى.

    ءبىر ونەگەلى ادامنىڭ بۇقاراعا بولعان ىقپالىنىڭ وسىنشاما تەرەڭ، وسىنشاما زور، وسىنشاما باياندى بولۋى − قاراپايىم قىزمەت ورنىندا قاجىرلىلىقپەن قىزمەت ىستەسە، باسقالارعا كومەكتەسۋدى قاشاندا ەسىنەن شىعارماي، ونى امالياتىندا ايگىلەسە قاشاندا حالىقتىڭ قۇرمەتىنە بولەنەتىندىگىن، ۇلگى تۇتاتىنىن ايگىلەدى.

    لەي فىڭنىڭ ءىس - ارەكەتتەرىنىڭ جانە لەي فىڭ رۋحىنىڭ وسىنداي اسەرلەندىرگىش كۇشكە جانە ىقپال كۇشكە يە بولۋى − تۇبىرىنەن العاندا، ونىڭ ءداۋىردىڭ دامۋ تالابىنا ۇيلەسە العاندىعىندا، قوعامنىڭ العا باسۋ بەتالىسىنا ۋاكىلدىك ەتە العاندىعىندا.

    لەي فىڭ ءبىر قاراپايىم جاۋىنگەر، وسى ءبىر قاراپايىم جاۋىنگەردىڭ تيپتىك ماڭىزى − ونىڭ ەلىمىزدىڭ سوتسياليزم ءداۋىرى رۋحىن شوعىرلى، سوتسيالستىك ءمورالدىڭ ادامگەرشىلىك قاسيەتىن ايقىن بەينەلەپ كورسەتە العاندىعىندا. بۇگىنگى تاڭدا قوعامداعى ىزگى نيەتتى جانداردىڭ كومەككە ءزارۋ جاندارعا قول ۇشىن بەرۋدەي جان سۇيىنتەرلىك جاقسى ىستەرى مەن ونەگەلىك قاسيەتى، ارينە، لەي فىڭ رۋحنىڭ ايعاعى.

    لەي فىڭ رۋحى حالقىمىزدىڭ قۇن كوزقاراسى ولشەمى مەن ءمورال ولشەمىنىڭ تۋىنا اينالعاندىعى سەبەپتى، حالىق ءۇشىن قىزمەت ىستەيتىن اۆانگاردتار جارىققا شىققاندا، جۇرت ولاردى «ءتىرى لەي فىڭ» دەپ القايدى. ادامدار مەن ادامدار ارا قاتىناس شيەلەنىسكەندە جۇرت لەي فىڭدى ساعىندى. دەمەك، لەي فىڭنان ۇيرەنۋ قيمىلى جالاڭ ۇيرەنۋ عانا ەمەس، قايتا ءبىر ءتۇرلى جاندى تەبىرەنتەتىن، رۋحتى سەرپىلتەتىن رەال تۇرمىستىق سالتقا اينالعان. ادامدار كوڭىلىندە لەي فىڭ وبرازى تالاي رەت جاڭالاندى. العاشىندا اڭىزدىق سيپاتتان بارا - بارا ماندىك سيپاتقا اينالدى.

    لەي فىڭ رۋحىنىڭ بۇكىل ەل حالقىنىڭ ۇيرەنۋ ۇلگىسى بولۋى − ونىڭ ۇلىلىعىنىڭ قاراپايىمدىلىققا قويىلعاندىعىندا، سونىمەن بىرگە سوتسياليزم قۇرىلىسىنا ات سالىسقاندىعىندا. لەي فىڭ عالىم ەمەس، عىلىم - تەحنيكا جاعىندا ول جاڭالىقتار جاراتقان جوق. ءبىراق ول نە ىستەسە دە جۇيەسىن تاۋىپ، بار ىنتا - پەيىلىمەن حالىق ءۇشىن قىزمەت ىستەدى. ونىڭ ءومىرى توتەنشە قاراپايم ءومىر بولعانىمەن استارىندا ۇلىلىق مەن مۇندالايدى.

    قازىرگى قوعامداعى جاستار مەن جاس وسپىرىمدەر وتاننىڭ بولاشاعى. جاستار مەن جاس وسپىرىمدەر اراسىندا لەي فىڭنان ۇيرەنۋ قيمىلىن ورىستەتىپ، ولاردى اقاۋسىز ەسەيىپ - ەرجەتۋ جولىنا تۇسۋگە جەتەلەۋ − بارىنەن ماڭىزدى. ءبىز لەي فىڭنان ۇيرەنۋدى تاريحتاعى جانە رەال ومىردەگى اۆانگارد ادامداردان ۇيرەنۋمەن ۇشتاستىرۋىمىز، لەي فىڭنان ۇيرەنۋ رۋحىن وتانشىلدىقپەن، كوللەكتيۆيزممەن، سوتسياليستىك ءتالىم - تاربيەمەن ۇشتاستىرۋىمىز، ونى جاندى دا جالىندى، باي مازمۇندى ەتە وتىرىپ، جاستار مەن جاس وسپىرىمدەردىڭ ەرەكشەلىكتەرىنە ۇيلەستىرىپ جۇرگىزۋىمىز كەرەك.

    قازىرگى جاعدايدا لەي فىڭنان ۇيرەنۋدىڭ بۇقارالىق قيمىلىن ورىستەتۋدە − باستىسى، ونىڭ پارتيامەن، حالىقپەن ءبىر نيەت، ءبىر تىلەكتە بولعان ىنتاسىن، ونىڭ كوپشىل، قالتقىسىز، بۇكىل ىنتا - پەيىلىمەن ءۇزىلدى - كەسىلدى حالىق ءۇشىن قىزمەت ىستەيتىن كوممۋنيستىك ستيلىن، قالتقىسىز ءوزىن ارناۋ رۋحىن، مەملەكەتكە، كوللەكتيۆكە قىزمەت وتەۋگە بولعان توتەنشە جاۋاپكەرشىلىك رۋحىن ونەگە، اينا ەتۋ كەرەك. بۇل ءداۋىر تالابى، حالىقتىڭ قاجەتى. لەي فىڭ رۋحىنىڭ ۋاقىتى وتكەن جوق، ماڭگى وتپەيدى. لەي فىڭنان ۇيرەنۋدى تۇرمىسپەن، قىزمەتپەن، ۇيرەنۋمەن تولىق ۇشتاستىرىپ، ونى داعدىلى تۇرمىستىق سالتقا اينالدىرۋىمىز كەرەك.

    لەي فىڭ رۋحى ماڭگى جاسايدى، ادامدار جۇرەگىن نۇرلاندىرا بەرەدى!

جاۋاپتى رەداكتور:سايراش تۇرارجان قىزى