چىن چۋانگو ج ك پ قارۋلى ساقشى شينجياڭ باس اترەتى 3 - كەزەكتى كوميتەتىنىڭ ون ءۇشىنشى جالپى (كەڭەيتىلگەن) ماجىلىسىندە بىلاي دەپ باسا دارىپتەدى

    شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن باتىل قورعاپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىن كۇش سالا جەڭىسپەن جۇرگىزىپ، شينجياڭنىڭ قوعام جاراسىمدىلىعى مەن ورنىقتىلىعىن قورعاۋ كەرەك

    28 - اقپان كۇنى ءتۇستىڭ الدىندا اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن چۋانگو ج ك پ قارۋلى ساقشى شينجياڭ باس اترەتى 3 - كەزەكتى كوميتەتىنىڭ ون ءۇشىنشى جالپى (كەڭەيتىلگەن) ماجىلىسىنە قاتىناسقاندا بىلاي دەپ باسا دارىپتەدى: ءتوراعا شي جينپيڭنىڭ ماڭىزدى سوزدەرىنىڭ رۋحىن، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا، سونداي - اق شينجياڭدا تۇراتىن اسكەري بولىمدەردە قىزمەت تەكسەرگەندە سويلەگەن ماڭىزدى سوزدەرىنىڭ رۋحىن ىشكەرىلەي دايەكتى تياناقتاندىرىپ، ءتوراعا شي جينپيڭ العا قويعان ارميانى قۇدىرەتتەندىرۋ نىساناسىن جانە مەملەكەت قورعانىسى، ارميا قۇرىلىسى جونىندەگى جاڭا كوزقاراس، جاڭا يدەيا، جاڭا ستراتەگيالاردى دايەكتى تياناقتاندىرىپ، شينجياڭدا تۇراتىن قارۋلى ساقشى اسكەري بولىمدەرى قۇرىلىسىنىڭ جاڭا جاعدايىن ۇزدىكسىز اشىپ، قوعام ورنىقتىلىعى مەن باياندى تىنىشتىق باس نىساناسىن شىن مانىندە ويداعىداي تياناقتاندىرىپ، ورىنداپ، جۇزەگە اسىرىپ، اسكەري ءبولىم قۇرىلىسىنىڭ جانە بورىشتى، مىندەتتى اتقارۋدىڭ تاڭداۋلى ناتيجەلەرىمەن پارتيا 19 - قۇرىلتايىنىڭ جەڭىسپەن اشىلۋىن قارسى الۋ كەرەك.

    قارۋلى ساقشى شينجياڭ باس اترەتى پارتكومىنىڭ شۋجيى، ساياسي كوميسسارى ۋاڭ ايگو ءماجىلىستى باسقاردى. قارۋلى ساقشى شينجياڭ باس اترەتى پارتكومىنىڭ ورىنباسار شۋجيى، سىليڭيۋانى گۋان يانمي قاتىستى ماجىلىستەردىڭ رۋحىن جەتكىزدى.

    چىن چۋانگو سوزىندە، اۆتونوميالى رايوندىق پارتكوم اتىنان، لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە شايقاس جاساپ جاتقان بارلىق قارۋلى ساقشى كوماندير - جاۋىنگەرلەرىنەن شىنايى حال سۇراپ، ولارعا وسكەلەڭ قۇرمەت ءبىلدىردى. چىن چۋانگو بىلاي دەپ اتاپ كورسەتتى: سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ پارمەندى باسشىلىعىندا، قارۋلى ساقشى شينجياڭ باس اترەتى ساياسيدى باسشىلىققا الىپ ارميا قۇرۋ، رەفورما ارقىلى ارميانى قۇدىرەتتەندىرۋ، ارميانى زاڭمەن جونگە سالۋدى كۇش سالا ىلگەرىلەتىپ، تۋدى كوتەرىپ رۋحتى شىڭاۋ، پارتيانىڭ قولباسشىلىعىنا بويسۇنۋدا مىزعىماي، سوعىسقا دايىندالۋ، شايقاس جاساۋ، بورىشتى، مىندەتتى اتقارۋدا باتىل، پارمەندى بولىپ، ارميانى زاڭمەن جونگە سالۋ، نەگىزدى كۇشەيتىپ، تاعاندى بەكەمدەۋ جاعىندا ناتيجەگە قول جەتكىزىپ، ستيلدى تۇزەتىپ، ءتارتىپتى قاتايتۋ، ەكولوگيانى كىرشىكسىزدەندىرۋ جاعىندا تىڭعىلىقتى، ءونىمدى ىستەپ، بۇقاراعا قىزمەت ەتۋ، حالىق تىلەگىن توعىستىرۋ جاعىندا بەلسەندىلىكپەن ىستەپ، اسكەري ءبولىم قىزمەتتەرىندە جاپپاي دامۋدىڭ جاقسى جاعدايىن جارىققا شىعاردى. اماليات مىنانى تولىق دالەلدەدى: قارۋلى ساقشى شينجياڭ باس اترەتى − بۇلجىماس مۇرات - سەنىمگە، تەمىردەي تارتىپكە، قاتاڭ جاۋاپكەرشىلىككە يە ىسىلعان قوسىن، شەشۋشى ساتتە اتويلاپ العا شىعاتىن، شايقاستا جەڭىسكە جەتەتىن سايلاۋىت قوسىن، وتاننىڭ تۇتاستىعىن، ۇلتتاردىڭ ىنتىماعىن، مەملەكەتتىڭ حاۋىپسىزدىگىن قورعايتىن ايباتتى قوسىن، لاڭكەستىككە، كەۋلەپ كىرۋگە، بولشەكتەۋگە قارسى تۇرۋداعى وتكىر قانجار، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋداعى قۇدىرەتتى تىرەك.

    چىن چۋانگو بىلاي دەپ باسا دارىپتەدى: قارۋلى ساقشى شينجياڭ باس اترەتى پارتكومى مەن قالىڭ كوماندير - جاۋىنگەرلەر پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ شەشىم - نۇسقاۋلارىن باتىل دايەكتىلەندىرىپ، ساياسيدى باسشىلىققا الىپ ارميا قۇرۋعا، رەفورما ارقىلى ارميانى قۇدىرەتتەندىرۋگە، ارميانى زاڭمەن جونگە سالۋعا تاباندى بولىپ، پارتيانىڭ قولباسشىلىعىنا بويسۇنۋ سىندى ارميانى قۇدىرەتتەندىرۋ رۋحىن مىقتاپ سومداپ، شايقاستى جەڭىسپەن جۇرگىزۋ سىندى ارميانى قۇدىرەتتەندىرۋ ءتۇيىنىن مىقتى ۇستاپ، تاڭداۋلى ستيل سىندى ارميانى قۇدىرەتتەندىرۋ نەگىزىن بەكەمدەپ، قوعام ورنىقتىلىعى مەن باياندى تىنىشتىق باس نىساناسىنا نازاردى بارىنشا شوعىرلاندىرىپ، مىندەت وتەپ توسىن وقيعالاردى ءبىر جايلى ەتۋدى وزەك، لاڭكەستىككە قارسى تۇرىپ، ورنىقتىلىقتى قورعاۋدى ءتۇيىن ەتكەن كوپ ءتۇرلى مىندەتتەردىڭ جوعارى ولشەممەن ورىندالۋىنا شىنايى كەپىلدىك ەتىپ، پارتيا 19 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ورتا ازىرلەۋى كەرەك.

    ءبىرىنشى، يدەيالىق - ساياسي قۇرىلىستى بارىنشا كۇشەيتىپ، ۇيتقىنى قورعاۋدىڭ، ساپ تۇزەپ، ىلەسۋدىڭ بەرىك نەگىزىن مىقتاپ ورناتۋ كەرەك. ۇيتقىنى قاشاندا باتىل قورعاپ، بەدەلدى قورعاۋدى، ۇيتقىنى قورعاۋدى، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن قورعاۋدى جانە دايەكتىلەندىرۋدى ەڭ شۇعىل ساياسي، ەڭ ءتۇبىرلى تالاپ ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتى مەن ءتوراعا شي جينپيڭنىڭ بەدەلىن ءارقانداي ۋاقىت، ءارقانداي جاعدايدا باتىل قورعاۋ كەرەك؛ عىلمي نازاريامەن قارۋلانۋدى كۇشەيتىپ، ءتوراعا شي جينپيڭنىڭ ماڭىزدى سوزدەرىنىڭ رۋحىن جانە ەل باسقارۋ جونىندەگى جاڭا كوزقاراس، جاڭا يدەيا، جاڭا ستراتەگيالارىنىڭ، وتە - موتە، ارميانى قۇدىرەتتەندىرۋ، ارميانى گۇلدەندىرۋ يدەياسى مەن قارۋلى ساقشى اسكەري بولىمدەرى قۇرىلىسىن دامىتۋ جونىندەگى ستراتەگيالىق يدەياسىن ۇيرەنۋدى كەلەلى ساياسي مىندەت ەتىپ، ۇيرەنۋ، وي جۇگىرتۋ، امالياتتا ايگىلەۋ، قيسىنىن ءتۇسىنۋ، تولىق ۇعىنۋ كەرەك؛ يدەيالىق تاربيەنى بارىنشا كۇشەيتىپ، مۇرات - سەنىمدى، پارتيالىلىق پرينسيپتى، جاۋىنگەرلىك قۋات ولشەمىن، ساياسي قىزمەت بەدەلىن شىن مانىندە ورناتىپ، رۋحتى، قابىلەتتى، جىگەرلى، احىلاقتى جاڭا بۋىن توڭكەرىسشىل اسكەريلەردى باۋلىپ، اسكەري ءبولىمنىڭ ابسوليۋتتى ادالدىعىنا، ابسوليۋتتى كىرشىكسىزدىگىنە، ابسوليۋتتى سەنىمدىلىگىنە شىنايى كەپىلدىك ەتۋ كەرەك.

    ەكىنشى، لاڭكەستىككە قارسى تۇرىپ، ورنىقتىلىقتى قورعاۋ ءىرى ءىسىن زەيىن - زەردەنى شوعىرلاندىرا جاقسى ىستەپ، ورنىقتىلىقتى قورعاۋدىڭ ورنىقتىرعىشى بولۋ كەرەك. لاڭكەستىككە قارسى تۇرىپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، پارتيانىڭ، ۇكىمەتتىڭ، ارميانىڭ، ساقشىنىڭ، بيڭتۋاننىڭ، حالىقتىڭ سايكەسىپ بىرگە قيمىلداۋ مەحانيزمىن باتىل تياناقتاندىرۋ كەرەك. لاڭكەستىككە قارسى تۇرىپ، ورنىقتىلىقتى قورعاۋدىڭ ىرىقتى شايقاسىن كۇش سالا جۇرگىزىپ، ىرىقتىلىقپەن شابۋىلداپ، قاتاڭ قورعانىپ، اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن قولدانۋىن بارىنشا قولداپ، بەلسەنە سايكەسىپ، نەگىزگى كۇشتىك رولدى تولىق ساۋلەلەندىرىپ، زورلىقتى كۇش، لاڭكەستىك توپتار مەن زورلىقتى كۇش لاڭكەستەردى اياماي سوعىپ، ولارعا ءدال سوققى بەرۋ، قيراتا سوققى بەرۋ، كۇل - تالقان ەتە سوققى بەرۋ كەرەك؛ ناقتى سوعىسقا بەيىمدەلگەن اسكەري جاتتىعۋدى كۇش سالا ىلگەرىلەتىپ، ءدال ءبىلۋ، ءدال قولباسشىلىق ەتۋ، ءدال سوققى بەرۋ، ءدال باعالاۋ، ءدال قامتاماسىز ەتۋ قابىلەتىن جوعارىلاتۋ كەرەك؛ تەز ءبىر جاقتى ەتۋ دايىندىعىن تىڭعىلىقتى ىستەپ، تاس ءتۇيىن تۇرۋداي ەرەكشە ساقتىق كۇيىن قاشاندا ساقتاپ، اسكەري بولىمدەردىڭ شاقىرعان زاماتتا جەتۋىنە، كەلگەن زاماتتا شايقاسۋىنا، شايقاستا، ءسوزسىز، جەڭۋىنە شىنايى كەپىلدىك ەتۋ كەرەك.

    ءۇشىنشى، اسكەري بولىمدەردىڭ توڭكەرىستەنۋ، وسىزاماندانۋ، مونتيزمدەنۋ قۇرىلىسىن جەدەل ىلگەرىلەتىپ، بورىشتى، مىندەتتى اتقارۋ قابىلەتىن ۇزدىكسىز ءوسىرۋ كەرەك. اسكەري ءبولىمنىڭ پارتيا قۇرىلىسىن شىن مانىندە كۇشەيتىپ، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن، وتە - موتە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، پارتيانىڭ ىشكى ساياسي تۇرمىسىن قاتايتىپ، ءار دارەجەلى پارتيا ۇيىمدارىنىڭ القا قۇرىلىسىن كۇشەيتىپ، ستيل قۇرىلىسى مەن پارتيا ستيلى، پاكتىك قۇرىلىسىن ىلگەرىلەتىپ، گو بوشيۋڭ، شۇي سايحوۋلاردىڭ زاردابىنىڭ ىقپالىن جاپپاي، ءۇزىلدى - كەسىلدى الاستاپ، اسكەري ءبولىمنىڭ ساياسي ەكولوگياسىنىڭ كىرشىكسىزدىگىنە شىنايى كەپىلدىك ەتۋ كەرەك. رەتتەۋ، رەفورمالاۋ مىندەتتەرىن جاپپاي تياناقتاندىرىپ، اسكەري ءبولىمنىڭ شايقاس جۇرگىزە الۋ، جەڭىستى شايقاس جۇرگىزە الۋ قابىلەتىن شىن مانىندە كۇشەيتۋ كەرەك؛ اسكەري ءبولىمنىڭ نەگىزىن ۇزدىكسىز نىعايتىپ، دامۋ سەرپىنىن ارتتىرىپ، اسكەري ءبولىمنىڭ نەگىزدىك مايەگىن قالىڭداتىپ، اسكەري ءبولىمنىڭ ەرەكشە ورنىقتىلىعى مەن شوعىرلى بىرلىگىنە شىنايى كەپىلدىك ەتۋ كەرەك.

    ءتورتىنشى، قارۋلى ساقشى اسكەري ءبولىمىنىڭ دامۋ قۇرىلىسىن كۇش سالا قولداپ، ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەۋ، كۇشەيتۋ كەرەك. ارميا مەن جەرگىلىكتى ورىن «ءبىر جۇيە» دەگەن يدەيانى مىقتاپ ورناتىپ، ارميا مەن ۇكىمەتتىڭ كۇش بىرىكتىرۋىنە، ارميا مەن جەرگىلىكتى ورىننىڭ بىرلەسىپ قۇرۋىنا، ارميا مەن جەرگىلىكتى ورىننىڭ تىلەك توعىستىرۋىنا تاباندى بولىپ، ارميا مەن جەرگىلىكتى ورىننىڭ توعىسا، ىشكەرىلەي دامۋىن ىلگەرىلەتۋ كەرەك. قارۋلى ساقشى اسكەري ءبولىمى شايقاس اترەتىندىك، ۇگىت اترەتىندىك، قىزمەت وتەۋ اترەتىندىك رولىن تولىق ساۋلەلەندىرىپ، حالىق بۇقاراسىمەن ەتەنە بايلانىس پەن تەرەڭ سۇيىسپەنشىلىكتى ونان ارى نىعايتۋى كەرەك؛ جەرگىلىكتى پارتكومدار، ۇكىمەتتەر قارۋلى ساقشى اسكەري ءبولىمىنىڭ قۇرىلىسىن قولداۋدى بورىش ساناپ، قارۋلى ساقشى كوماندير - جاۋىنگەرلەرىن جان اشىر جاقىندارىنداي كورىپ، بار ىنتا - پەيىلىمەن قارۋلى ساقشى اسكەري ءبولىمى قۇرىلىسىن، قالىڭ كوماندير - جاۋىنگەرلەرىن الاڭنان ارىلتىپ، ماسەلەلەرىن شەشىپ، قارۋلى ساقشى اسكەري ءبولىمىنىڭ مىندەتتى، بورىشتى اتقارۋىنا تاماشا شارت - جاعداي ازىرلەۋى كەرەك.

    قارۋلى ساقشى شينجياڭ باس اترەتى پارتكومىنىڭ تۇراقتى مۇشەلەرى گاۋ گوپيڭ، ليۋ ميڭباڭ، الىمجان روزى، ليۋ گاڭ، جاڭ فۋزىڭ، حۋاڭ دىحۋا، چىن جىچىڭدار ماجىلىسكە قاتىناستى.

جاۋاپتى رەداكتور:سايراش تۇرارجان قىزى