قوعام ورنىقتىلىعىن قورعاپ، اتا مەكەندى كوركەيتەيىك

    اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، اۆتونوميالى رايوندىق جازۋشىلار قوعامىنىڭ ءتوراعاسى عايرات اسىم

    جۋىردا اۆتونوميالى رايون حوتاندا، قاشقاردا، ۇرىمجىدە لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىستارىن وتكىزدى، ءبىزدىڭ ايباتتى كۇشتەرىمىز زورلىقتى كۇش لاڭكەستەرىنىڭ اسقىنعان اپتىعىن پارمەندى تۇردە باسىپ، حالىق جۇرتشىلىعىن بارىنشا الاڭسىز ەتۋمەن بىرگە، اۆتونوميالى رايونىمىزداعى ءار ۇلت حالقىنىڭ رۋحىن سەرپىلتتى، جىگەرلەندىردى. ورنىقتىلىقتى قورعاۋدىڭ قازىرگىدەي قاتاڭ جاعدايىنداعى وسى ءدانىشپاندىق شارا ءار ۇلت حالقىنىڭ كۇرەس جىگەرىن ۇزدىكسىز ۇشتاپ، ورنىقتىلىقتى قورعاۋ كۇرەسىنىڭ ەڭ سوڭعى جەڭىسىنە قول جەتكىزۋگە ءوز ۇلەسىن قوسادى. وسى قاتاڭ كۇرەس الدىندا ءار ۇلت كادر - جۇرتشىلىعى تۇگەلدەي ءبىر نيەتپەن ىنتىماقتاسىپ، ايقىن تۋ ۇستاپ، اشىق پوزيتسيا ءبىلدىرىپ، زورلىقتى كۇش لاڭكەستەرىنىڭ ءارقانداي قىلمىستىق ارەكەتتەرىن جازعىرىپ، ولارعا نالەت جاۋدىرىپ، جاۋلارعا سوققى بەرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن سوعىپ، كورىكتى اتا مەكەنىمىزدى ءىس جۇزىندىك ارەكەتىمىز ارقىلى ويداعىداي قورعاۋى كەرەك.

    ءبىز شينجياڭنىڭ ءتۇرلى ىستەرىنىڭ دامۋى، العا باسۋى مەن ادامدى ءتانتى ەتەرلىك ناتيجەلەرىن پارتيا مەن مەملەكەتتىڭ زور كۇشپەن قولداۋىنان جانە كوڭىل بولۋىنەن، قامقورلىعىنان بولە قاراۋعا كەلمەيتىندىگىن ابدەن بىلەمىز، بۇل ءبىزدىڭ دامىپ، الۋەتتەنۋىمىزدەگى، تۇرمىسىمىزدىڭ بارىنشا ءماندى دە ءساندى بولۋىنداعى بەرىك نەگىز. بۇل مىنانى تولىق دالەلدەدى: كوممۋنيستىك پارتيا بولماسا، جاڭا جۇڭگو بولماق ەمەس، كوممۋنيستىك پارتيانىڭ باسشىلىعى بولماسا، شينجياڭداعى ءار ۇلت حالقىنىڭ باقىتتى تۇرمىسى بولماق ەمەس. ءبىز وڭايلىقپەن قولعا كەلمەگەن وسى باقىتتى تۇرمىستى ايرىقشا قاستەرلەۋىمىز، تىنىش، ىنتىماقتى تاماشا جاعدايدى ءىس جۇزىندىك ارەكەتىمىز ارقىلى ويداعىداي قورعاۋىمىز كەرەك.

    ۇگىت - يدەيا جاعىندا، مامان - وقىمىستىلاردىڭ، وتانشىل ءدىني قايراتكەرلەردىڭ، اقپارات قۇرالدارىنىڭ ۇگىتى مەن حالىق ۇگىتشىلەرىنىڭ رولىن ساۋلەلەندىرىپ، ۇزاق ۋاقىتتىق، ەگجەي - تەگجەيلى ۇگىت - تاربيە قىزمەتىن تىڭعىلىقتى جاقسى ىستەۋ كەرەك. دۇرىس سەنىمدى ورناتۋدى تياناقتاندىرىپ، ءدىني ۇشقارى يدەيانىڭ ارەكەت ءورىسىن تارىلتۋ؛ زاڭدىسىن قورعاۋ، زاڭسىزىنا تيداۋ سالۋ، كەۋلەپ كىرۋدەن ساقتانۋ قىزمەت تالابىنا باتىل بويسۇنۋ كەرەك. حالىقتى ىنتىماقتاستىرۋ، جاس ۇرپاقتارعا ويداعىداي تاربيە بەرۋ، الدانعانداردى قۇتقارۋ، ولاردىڭ جاعدايدى جىعا تانىپ، زاڭعا بويسۇناتىن ازاماتتاردان بولۋىنا مۇمكىندىك جاساۋ كەرەك. يدەيالىق تاربيە قىزمەتىن ۇزدىكسىز تىڭعىلىقتى جاقسى ىستەۋ، وتە - موتە، زاڭدىق تانىمى ءالسىز، دۇرىس پەن بۇرىستى پارىقتاي بىلمەيتىن، وزىندىك كوزقاراسى جوق كەي جاستارعا قاراتىلعان يدەيالىق قىزمەت پەن ولاردىڭ يدەياسىندا بۇرىلىس جاساۋ قىزمەتىن تىڭعىلىقتى جاقسى ىستەۋ، ولاردى زاڭمەن جونگە سالۋ كوزقاراسىن، ءوزىن تارتىپكە شاقىرۋ تانىمىن كۇشەيتىپ، تۇرمىستى، ەڭبەكتى قىزۋ ءسۇيىپ، ءوز ەڭبەگىمەن كۇنەلتەتىن جاقسى جاستاردان بولۋعا تاربيەلەۋ كەرەك.

    ۇشقارىلىقتى الاستاۋ قىزمەتىن دە تىڭعىلىقتى جاقسى ىستەۋ كەرەك. بۇل ۇزاق ۋاقىتتىق ساياسي مىندەت، ۇزاق ۋاقىت شايقاس جاساۋ يدەياسىن ورناتۋ، ءدىني ۇشقارى ەلەمەنتتەردىڭ ءدىن تونىن جامىلىپ، ءدىن اقيدالارىن بۇرمالاپ، ءدىني اپتىقپالىققا جەلىكتىرىپ، زورلىقتى كۇش، لاڭكەستىك ارەكەتتەرىن تۋدىرۋعا ۇرىناتىن كەيىپ - كەسپىرىن جىعا تانۋ كەرەك. ۇلتتاردىڭ ىنتىماعىن، قوعامنىڭ ورنىقتىلىعىن ءبۇلدىرىپ، حالىق جۇرتشىلىعىنىڭ باس اماندىعى مەن مال - مۇلكىنە اۋىر زيان جەتكىزەتىن قىلمىستىق ارەكەتتەرگە باتىل، سىلەيتە سوققى بەرۋ كەرەك.

    60 نەشە جىلدىق دامۋ ارقىلى بۇگىنگى شينجياڭ ساياسي، ەكونوميكا، مادەنيەت قۇرىلىسىندا، حالىق جۇرتشىلىعىنىڭ تۇرمىسىندا دۇنيەنى جالت قاراتارلىق كەسەك تابىستارعا قول جەتكىزدى. ءار ۇلت حالقى قادىرلى، باردام، باقىتتى تۇرمىسقا كەنەلدى. بۇكىل ەلىمىزدەگى 19 ولكە، قالا شينجياڭنىڭ دامۋىنا ناقتى قارجى ارقىلى شىنايى قولداۋ كورسەتىپ، ءوندىرىستى دامىتىپ، نەگىزدىك قۇرىلعىلاردى سالىپ، مەكتەپ سالىپ، كاسىپتەندىرۋدى جۇزەگە اسىرىپ، كەدەيلەردى دالمە - ءدال سۇيەمەلدەۋ، كەدەيلىكتەن قۇتىلدىرىپ، اۋقاتتانۋ جولىنا ءتۇسىرۋ سياقتى جاقتاردا بۇقارا قارسى الاتىن، جۇرتشىلىقتى ناقتى يگىلىككە كەنەلەتەتىن قىرۋار قىزمەتتەر ىستەدى. جۋىق جىلداردا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتى، «ۇلتتار ىنتىماعىنىڭ بەرەكەلى شاڭىراعى» قيمىلى، وڭتۇستىك شينجياڭنىڭ وقۋ - اعارتۋ ىستەرىنە كومەك كورسەتۋ قىزمەتى سياقتىلار ءار ۇلت كادرلارىن شارۋالارمەن دوستاستىرىپ، ولارعا پارتيا مەن ۇكىمەتتىڭ قامقورلىعىن جەتكىزىپ، شىنايى دوستىق پەن بەرەكە - بىرلىكتى ءسىڭىرىپ، كوپشىلىكتىڭ شينجياڭنىڭ قاۋىرت دامۋىنداعى وراسان زور وزگەرىستەردى شىنايى سەزىنۋىنە مۇمكىندىك جاسادى.

    ءبىز، ءسوز جوق، باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىنە ساپ تۇزەپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز كەرەك. قاي - قاشان دا باس نىسانانى كوزدەپ، باس نىسانانى كوزدەۋ ءتۇيىنى جانە كۇش سالۋ ءتۇيىنى ەتىپ، باس نىسانا ارقىلى شينجياڭنىڭ قىزمەتتەرىنە ءبىر تۇتاس جەتەكشىلىك ەتۋىمىز ءتيىس. جۇرت تىلەگىن ۇيىستىرۋعا، بەرىك قورعان سوعۋعا قاي - قاشان دا تاباندى بولىپ، ءار ۇلت جۇرتشىلىعىن «ءۇش ءتۇرلى كۇشپەن» باتىل كۇرەس جۇرگىزۋگە ىنتىماقتاستىرا باستاپ، قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن بەكەمدەۋىمىز؛ زاڭمەن جونگە سالۋ ويىنا، شينجياڭدى زاڭ بويىنشا جونگە سالۋعا قاي - قاشان دا تاباندى بولىپ، قوعام ورنىقتىلىعى مەن باياندى تىنىشتىقتىڭ زاڭمەن جونگە سالۋ نەگىزىن بەكەمدەۋىمىز؛ ۇستىنەن وڭاۋ مەن تۇبىرىنەن وڭاۋدى بىردەي يگەرۋگە، جان - جاقتى شارا قولدانۋعا قاي - قاشان دا تاباندى بولىپ، قوعام ورنىقتىلىعى مەن باياندى تىنىشتىقتىڭ قىزمەت نەگىزىن بەكەمدەۋىمىز؛ سالماقتىلىقپەن ورنىقتى ىلگەرىلەۋگە، قاجىماۋ، تالماۋعا قاي - قاشان دا تاباندى بولىپ، قوعام ورنىقتىلىعى مەن باياندى تىنىشتىقتىڭ بەرىك نەگىزىن بەكەمدەپ، ءتۇرلى قىزمەتتەردى تىڭعىلىقتى جاقسى ىستەپ، كورىكتى اتا مەكەنىمىزدى ونان سايىن گۇلدەندىرە ءتۇسۋىمىز كەرەك.

جاۋاپتى رەداكتور:سايراش تۇرارجان قىزى