«ءۇش ءتۇرلى كۇشپەن» ەڭ سوڭىنا دەيىن كۇرەسەيىك

    اۆتونوميالى رايوندىق پارتكوم پارتيا مەكتەبى عىلمي زەرتتەۋ باسقارماسىنىڭ ورىنباسار باستىعى ءالي سەيت

    حوتان، قاشقار، ءۇرىمجى قاتارلى جەرلەردە وتكىزىلگەن لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسىنىڭ ايبىنىنان اي جاسىرىنىپ، دۇشپانداردىڭ زارە - قۇتى قاشىپ، قالىڭ قاۋىمدى قۋانىشقا بولەپ، ادامدارعا شابىت سيلادى، ول اۆتونوميالى رايوندىق پارتكوم مەن ۇكىمەتتىڭ شينجياڭنىڭ قوعام ورنىقتىلىعى مەن باياندى تىنىشتىعىن قورعاۋداعى بەرىك بەكىمى مەن سەنىمىن ايگىلەپ عانا قالماستان، اۆتونوميالى رايونىمىزدىڭ لاڭكەستىككە قارسى تۇرىپ، ورنىقتىلىقتى قورعاۋداعى قۇدىرەتتى كۇشى مەن المايتىن اسۋى جوق جاۋىنگەرلىك قۋاتىن ايگىلەدى ءارى اۆتونوميالى رايونىمىزداعى ءار ۇلت حالقىنىڭ «ءۇش ءتۇرلى كۇشكە» دەگەن وشپەندىلىگىن، زورلىقتى كۇش، لاڭكەستەردىڭ كوزىن جويۋ بەكىمىن، ىنتىماقتى، ورنىقتىلىقتى كوكسەگەن ءۇنى مەن تىلەگىن بەينەلەدى.

    قۇدىرەتتى قارۋلى كۇش بۇقارانىڭ كوڭىلىن ورنىقتىردى؛ وتاننىڭ قۇدىرەتتەنىپ كوركەيۋى حالىقتى ماقتانىش سەزىمىنە توعىتتى. قولدارىنا بولات قارۋ ۇستاعان رەتتى دە ايباتتى قوسىندى، وزىق تا سايلاۋت جابدىقتاردى، ادالدىق پەن قايسارلىققا تولى جۇزدەردى كورگەندە جانە اسپان اياسىن كەرنەگەن ۇراندى ەستىگەندە، 2015 - جىلى 3 - قىركۇيەكتە وتكىزىلگەن جۇرگىزىلگەن جۇڭگو حالقىنىڭ جاپون شاپقىنشىلارىنا قارسى سوعىسى جانە فاشيزمگە قارسى سوعىسىنىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرۋ جينالىسى ەرىكسىز ەسىمە ءتۇستى. ول كەزدە مەن قىستاقتا تۇرعان بولاتىنمىن، تاڭ اتىسىمەن قىستاق تۇرعىندارىن اسكەري مانەۆر كورۋگە ۇيىمداستىردىق، قىستاق تۇرعىندارىنا «كورىپ وتىرعانىمىز ءدال قازىر بەيجيڭدە وتكىزىلىپ جاتقان مانەۆر قيمىلىنىڭ ۇستىنەن تاراتىلۋى، ءبىز استانا بەيجيڭمەن ءبىر ۋاقىتتا كورىپ وتىرمىز» دەگەنىمدە، قاريالار ساقالدارىن سيپاپ قاتتى قايران قالسا، جاستار شاتتانىپ قۋانىشتى كوڭىل كۇيلەرىن ءبىلدىردى. 2008 - جىلعى وليمپيادا حاڭجوۋداعى G20 باسشىلارىنىڭ باس قوسۋى، ادام الىپ ۇشاتىن الەم كەمەسىنىڭ ءار رەت ءساتتى ۇشىرىلۋى... سياقتى ادامعا شابىت سيلاپ، كىسى جانىن جەلپىنتەتىن ساتتەردە وتاننىڭ وسىنشاما قۇدىرەتتەنىپ، دامىعانىن كورگەن ءار ۇلت حالقى شىن كوڭىلدەن ماقتانىش جانە داڭق سەزىمىنە كەنەلدى.

    شينجياڭ − وتاننىڭ ايرىلماس ءبىر بولەگى، ءار ۇلت ۇلاندارى وزدەرىنىڭ وتاننىڭ ۇلى شاڭىراعىندا بولعانىن شەكسىز باقىت سانايدى. «حالىق بۇقاراسىنىڭ تاماشا تۇرمىسقا دەگەن اڭسارى ءبىزدىڭ كۇرەس نىسانامىز»، «شينجياڭنىڭ قارىشتاپ دامۋىن بۇلجىماستان ىسكە اسىرۋمەن بىرگە، ءسوزسىز، حالىق تۇرمىسىن جاقسارتۋدى مىقتاپ ارقاۋ ەتىپ، حالىق تىلەگىن قولعا كەلتىرۋ ارقىلى ەكونوميكانىڭ دامۋىن ىلگەرىلەتۋ كەرەك»، «دامۋدى حالىق تۇرمىسىن جاقسارتۋدا تياناقتاندىرۋ، جەرگىلىكتى ورىنعا تيىمدىلىك جەتكىزۋدە تياناقتاندىرۋ، ىنتىماقتى كۇشەيتۋدە تياناقتاندىرۋ كەرەك»... وسىناۋ ەرەكشە قامقورلىققا تولى سوزدەر اۆتونوميالى رايونىمىزداعى ءار ۇلت حالقىنىڭ جۇرەگىنە ءار كەز شۋاق بولىپ شاشىلدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ رەفورما، دامۋ، ورنىقتىلىق ىستەرىنە بۇرىن بولىپ كورىلمەگەن قامقورلىق جاساپ جانە قولداۋ كورسەتىپ، تۇتاس پارتيانىڭ، بۇكىل ەلدىڭ كۇشى ارقىلى شينجياڭنىڭ ىستەرىنىڭ دامۋىن جەبەپ، شينجياڭداعى ءار ۇلت حالقىنا باقىت جاراتتى.

    زورلىقتى كۇش، لاڭكەستەرىنىڭ ادامگەرشىلىكتەن جۇرداي قىلىقتارى ءار ۇلت حالىق بۇقاراسىنىڭ كەگىن قوزدىرىپ، نالەتىنە قالدى. 2014 - جىلدان باستاپ، مەن ءۇرتىس 3 جىل بويى وڭتۇستىك - سولتۇستىك شينجياڭنىڭ نەگىزگى ساتى اۋىل - قىستاقتارىن ارالادىم. بارعان جەرىمدە كورگەندەرىم، ەستىگەندەرىم تۇگەلدەي قارىشتاي ىلگەرىلەگەن دامۋ، كۇن سايىن تۋىلعان وزگەرىس جانە قۋانىش پەن رازىلىققا تولى جۇزدەر بولدى، بۇقارا كەنەلگەن ناقتى تيىمدىلىكتەردى ساناپ تاۋىسۋ قيىن. الايدا «ءۇش ءتۇرلى كۇش» وتاندى بولشەكتەۋ ماقساتىنا جەتۋ ءۇشىن، قۇتىرىنا بۇلگىنشىلىك ىستەپ، وراي قاراستىرىپ زورلىقتى كۇش، لاڭكەستىك ارەكەتتەرىمەن اينالىستى. وسى ءۇشىن، نەگىزگى ساتىداعى سان - ساناقسىز بۇقارا «ءۇش ءتۇرلى كۇشكە» ولەردەي وشپەندىلىكتەرىن، ولارمەن وتاسا المايتىن كەكتەرىن ءبىلدىردى، پارتيا مەن مەملەكەتكە العىستارىن جاۋدىردى، ىنتىماقتى، جاراسىمدى، ورنىقتى قوعامدىق ءتارتىپ پەن ءوندىرىس، تۇرمىس ورتاسىنا دەگەن ءۇمىتىن بەينەلەدى. ءبىز ۇگىت - لەكسيا جاساۋشىلار مەيلى قاي جەرگە بارساق تا، بۇقارا ءبىزدىڭ قولىمىزدان ۇستاپ: «قازىر ءبىزدىڭ تۇرمىسىمىز وسىنداي جاقسى، مەملەكەتىمىزدىڭ ساياساتى دا بارىنشا ابزال، الايدا زورلىقتى كۇش، لاڭكەستەرى ادامشىلىقتان شىققان سۇرقيالىقتارعا بارىپ، ءبىزدىڭ تاماشا تۇرمىسىمىزدى ءبۇلدىردى، ءبىز ولارعا كەكتەنەمىز، ولاردىڭ كوزىن ەرتەرەك قۇرتۋ كەرەك»، - دەگەن سوزدەردى ەڭ كوپ ايتادى.

    «قۇتىرعان ءيت يەسىن قابادى» عا باسقان زورلىقتى كۇش، لاڭكەستەردىڭ قۇدىرەتتى مەملەكەت اكىمياتىمەن جاۋلاسۋى، تۇتاس رايونىمىزداعى 23 ميلليون ءار ۇلت حالقىمەن جاۋلاسۋى، شىنىندا، «قاندەننىڭ پىلگە ۇرگەنىندەي ءوز ءالىن بىلمەگەن كۇلكىلى جاعداي». قاتاڭ سوققى بەرۋ جاعدايىنان باستان - اياق جازباۋدان، زورلىقتى كۇش لاڭكەستەرگە لاڭكەستىككە قارسى تۇرۋدىڭ شويىن جۇدىرىعىنىڭ ءدامىن تولىق تاتقىزۋدان ەشقايسىمىز شەت قالا المايمىز، سىرتتاي تاماشالاۋشى بولىپ، ءۇنسىز قالا المايمىز، جاۋعا جاپپاي قارسى اتتاناتىن، ءبىر نيەتپەن ىنتىماقتاسىپ مەملەكەتىمىزدىڭ حاۋىپسىزدىگىن قورعايتىن، ۇلتتار ىنتىماعىن قورعايتىن، قوعامنىڭ ورنىقتىلىعىن قورعايتىن قۇدىرەتتى كۇش قالىپتاستىرۋىمىز كەرەك. ءار ۇلت حالقىنىڭ ءبىر نيەتپەن ىنتىماقتاسىپ، زورلىقتى كۇش، لاڭكەستەرىمەن اقىرىنا دەيىن كۇرەسۋ − ءبىزدىڭ ماڭىزدى مىندەتىمىز ءارى ءار ادام وتەۋگە ءتيىستى جاۋاپكەرشىلىك. لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ءبىر نيەتپەن كۇش قوسىپ، «كوشەدەن قاشقان تىشقاندى بارلىق ادامنىڭ ۇر - ۇردىڭ استىنان الاتىن» جاعدايىن قالىپتاستىرىپ، زورلىقتى كۇش، لاڭكەستەرگە تاسالانار ورىن، بارار جەر، باسار تاۋ قالدىرماۋىمىز كەرەك.

    ءارقانداي ءىستىڭ العى شارتى − سەنىم، قوزعاۋشى كۇشى − بەكىم، تۇتاس اۆتونوميالى رايونىمىزداعى ءار ۇلت حالقى پارتيا ورتالىق كوميتەتىنىڭ شەشىم - ورنالاستىرۋلارى مەن شىنايى قامقورلىعىندا، اۆتونوميالى رايوندىق پارتكومنىڭ پارمەندى باسشىلىعى مەن جەتەكشىلىگىندە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جالپى جۇرت جۇدىرىقتاي جۇمىلىپ قۇرىش قورعان سوعىپ، ءار جاقتاردىڭ كۇشىن شوعىرلاندىرىپ، اسپاندا تور، جەردە قاقپان قۇرساق بولعانى، لاڭكەستىككە قارسى تۇرىپ، ورنىقتىلىقتى قورعاۋ سىندى قيان - كەسكى كۇرەستىڭ جەڭىسىنە قول جەتكىزىپ، قوعام ورنىقتىلىعى مەن باياندى تىنىشتىقتى قورعاۋدىڭ قۇرىش قورعانىن، بولات قامالىن بەرىك ورناتىپ، گۇلدەنىپ دامىعان، ورنىقتى دا جاراسىمدى تاماشا بولاشاقتى، ءسوزسىز، جاراتا الامىز.

جاۋاپتى رەداكتور:سايراش تۇرارجان قىزى