چىن چۋانگو ءۇرىمجى قالاسىندا جانە اۆتونوميالى رايوندىق قوعام حاۋىپسىزدىگى مەڭگەرمەسىنىڭ قولباسشىلىق ورتالىعىندا ورنىقتىلىقتى قورعاۋ قىزمەتىن جاسىرىن تەكسەرگەن كەزدە ورنىقتىلىق سىندى ارقاۋدى ءارقاشان شيراتا ءتۇسىپ، ورنىقتىلىق قىزمەتىنىڭ كەشەندى شارالارىن ويداعىداي اتقارىپ، جالپى جاعدايدىڭ جاراسىمدى ورنىقتىلىعىنا، ءار ۇلت حالقىنىڭ ءومىرى مەن مال - مۇلكىنىڭ حاۋىپسىزدىگىنە بار كۇشپەن كەپىلدىك ەتۋدى باسا دارىپتەدى

    21 - اقپاندا اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ءۇرىمجى قالاسى تيانشان رايونى داۋان سولتۇستىك جولىنىڭ ورتاڭعى بولىگىندە تىزگىن ۇشىندە حابار بەرىلگەن جەرگە جەتىپ كەلگەن قوعام حاۋىپسىزدىگى ساقشىلارى مەن كەزەكشىلىك وتەپ جۇرگەن قارۋلى ساقشىلاردىڭ جەدەل قيمىلداۋ قابىلەتىن تولىق تۇراقتاندىرىپ، جولداستاردىڭ جاپالى قىزمەتىنە شىن جۇرەكتەن العىس ايتتى.

     الدىن الا حابارلاندىرۋ بەرمەي، باراتىن جەرىن جول ۇستىندە بەلگىلەدى. 21 - اقپان تۇستەن بۇرىن اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ءۇرىمجى قالاسىنا جانە اۆتونوميالى رايوندىق قوعام حاۋىپسىزدىگى مەڭگەرمەسىنىڭ قولباسشىلىق ورتالىعىنا بارىپ، ورنىقتىلىقتى قورعاۋ قىزمەتىن كەزدەيسوق، جاسىرىن تەكسەردى. ول مىنالاردى باسا دارىپتەدى: پارتيا مەن حالىققا بارىنشا جاۋاپتى بولۋ پوزيتسياسىمەن قىراعىلىقتى ارتتىرىپ، ءوز مىندەتتەرىن تولىق وتەپ، وي - سانانى قاشاندا سەرگەك ۇستاپ جانە بارىنشا ساق بولىپ، ورنىقتىلىقتى قورعاۋ قىزمەتىنىڭ اۆتونوميالى رايوندىق پارتكوم مەن ۇكىمەت بەلگىلەگەن كەشەندى شارالارىن ونان ارى اشالاپ، ناقتىلاندىرىپ، جەتە تياناقتاندىرىپ، قوعامدىق جالپى جاعدايدىڭ جاراسىمدى ورنىقتىلىعىنا بار كۇشپەن كەپىلدىك ەتىپ، ءار ۇلت حالقىنىڭ ءومىرى مەن مال - مۇلكىنىڭ حاۋىپسىزدىگىنە شىنداپ كەپىلدىك ەتۋ كەرەك.

    اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى شۇي حايرۇڭ جاسىرىن تەكسەرۋدە بىرگە بولدى.

    ساعات 11دەن 45 مينۋت وتكەندە، ءۇرىمجى قالاسى تيانشان رايونى داۋان سولتۇستىك جولىنىڭ ورتاڭعى بولىگىندە، چىن چۋانگو قىزمەتكەرلەرگە كولىكتى جول شەتىنە توقتاتقىزىپ، ساقشىعا حابار بەرگىزدى. 54 سەكۋند! حالىققا قولايلى 081-TS ءنومىرلى ساقشى پۋنكتىنىڭ ءبىر جاقتى ەتۋ كۇشتەرى تىزگىن ۇشىندە حابار بەرىلگەن جەرگە جەتىپ كەلدى. 2 مينۋت ىشىندە، 064-TS، 066-TS پۋنكتتەرى جانە جەدەل قيمىلداۋ شاعىن اترەتى سياقتىلاردىڭ كومەكشى كۇشتەرى دە كەلىپ جەتتى. چىن چۋانگو قوعام حاۋىپسىزدىگى ساقشىلارى مەن كەزەكشىلىك وتەپ جۇرگەن قارۋلى ساقشىلاردىڭ جەدەل قيمىلداۋ قابىلەتىن تولىق تۇراقتاندىرىپ، جولداستاردىڭ جاپالى قىزمەتىنە شىن جۇرەكتەن العىس ايتتى. چىن چۋانگو تەرەڭ تولعانا بىلاي دەدى: ءبىر جاقتى ەتۋ كۇشتەرى ءبىر سەكۋند ەرتە كەلسە، بۇقارانىڭ حاۋىپسىزدىگى ءبىر ساتى كۇشەيەدى. ءسوز جوق، ناقتى شايقاستى تياناق ەتىپ، جاپالى جاتتىعۋ جاساپ، جەدەل قيمىلداپ، جوعارى ونىمدىلىكپەن ءبىر جاقتى ەتىپ، زاڭ بۇزعان قىلمىستىق ارەكەتتەردىڭ ءورىسىن مۇمكىندىگىنشە تارىلتىپ، ءار ۇلت بۇقاراسىنىڭ حاۋىپسىزدىك سەزىمى مەن رازىلىعىن ۇزدىكسىز كۇشەيتۋ كەرەك.

    وسىدان كەيىن چىن چۋانگو حالىققا قولايلى 175-TS ءنومىرلى ساقشى پۋنكتىنە كەلىپ، ونداعىلاردىڭ كەزەكشىلىك، دايىندىق جاعدايىن تەكسەردى. كوكتەم مەرەكەسىنە قاراعان ءتۇنى ۇيىندەگى سۋ قۇبىرى جارىلۋ ماسەلەسىن شەشۋگە كومەكتەسكەنى ءۇشىن، الەۋمەتتىك اۋماق تۇرعىنى لۋ جۇنحۋا ساقشىلارعا كەستەلى تۋ ۇسىنىپ جاتىر ەكەن. «الەۋمەتتىك اۋماقتىڭ اماندىق قورعاۋى قانداي؟ ساقشى پۋنكتىندەگىلەردىڭ قىزمەتىنە رازىسىز با؟» دەپ سۇرادى چىن چۋانگو وعان كوڭىل بولە. لۋ جۇنحۋا تەبىرەنە: ولار بولماسا، ءبىر ءۇيلى جان مەرەكەلىك استى بەرەكەلى جەي الماس ەدىك. جايشىلىقتا ساقشىلاردىڭ كوشەدە شارلاپ جۇرگەنىن كورگەندە، كوڭىلىم جاي تابادى، - دەدى. چىن چۋانگو كەزەكشىلىك وتەپ جاتقان ساقشىلاردان قاراستى اۋماقتاعى حالىقتى باسقارۋ، كوشەدە شارلاۋ جۇرگىزۋ، پۋنكتتە كەزەكشى بولۋ سياقتى جاعدايلاردى ەگجەي - تەگجەيلى سۇراستىردى. ول بىلاي دەپ اتاپ كورسەتتى: «حالىق ساقشىسى حالىق ءۇشىن قىزمەت ەتۋگە» تاباندى بولىپ، حالىقتى سۇيەتىن سۇيىسپەنشىلىكتى جۇرەككە تەرەڭ ۇيالاتىپ، بار ىنتا - پەيىلمەن حالىق ءۇشىن قىزمەت ەتىپ، زورلىقتى كۇش، لاڭكەستەرگە اياۋسىز سوققى بەرىپ، ءار ۇلت بۇقاراسى ءۇشىن تاماشا ورتا جاراتۋ كەرەك.

    سپورت سارايى جولىنان وتەردە، چىن چۋانگو كەزدەيسوق ءبىر اسحاناعا كىرىپ، الەۋمەتتىك ورىندارداعى اماندىقتى قورعاۋ جاعدايىن تەكسەردى. چىن چۋانگو اسحانا يەسىنەن جانە اماندىق قورعاۋشىدان توتەنشە جاعدايعا توتەپ بەرۋ جابدىقتارىن، ساقتانۋ شارالارىن جانە ساقشىعا مالىمدەۋ تاسىلدەرىن ەگجەي - تەگجەيلى سۇراپ، كوپشىلىكتىڭ قوعام اماندىعى جونىندەگى ۇسىنىس - پىكىرىن مۇقيات تىڭدادى. چىن چۋانگو بىلاي دەدى: ورنىقتى، جاقسى جاعداي بولماسا، باقىتتى ءومىر دە بولمايدى. رايونىمىزداعى ءار ۇلت حالقى جۇدىرىقتاي جۇمىلىپ، ورنىقتىلىققا اركىم جاۋاپتى بولاتىن، اماندىق ساقتاۋعا اركىم ات سالىساتىن، باقىتتان اركىم ۇلەس الاتىن قۇدىرەتتى بىرىككەن كۇش قالىپتاستىرۋ كەرەك. اۆتونوميالى رايوندىق قوعام حاۋىپسىزدىگى مەڭگەرمەسى قولباسشىلىق ورتالىعىنىڭ زالىندا، كەزەكشى باسشىلار مەن قىزمەتكەرلەر تۇگەلدەي ءوز ورىندارىنان تابىلىپ، قىزمەتتەر تىعىز، ءتارتىپتى ءجۇرىپ جاتىر ەكەن. چىن چۋانگو بۇكىل رايوننىڭ قوعام اماندىعىن وڭاۋ جاعدايىنان جاسالعان مالىمەتتى مۇقيات تىڭدادى، سونداي - اق بەينە ەكران قولباسشىلىق جۇيەسى ارقىلى ءار ايماقتىڭ (وبلىس، قالا) جانە شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ، قارۋلى ساقشى شينجياڭ باس اترەتىنىڭ، اۆتونوميالى رايوندىق قوعام حاۋىپسىزدىگى شەكارا قورعانىسى باس اترەتىنىڭ، اۆتونوميالى رايوندىق قوعام حاۋىپسىزدىگى ءورت ءسوندىرۋ باس اترەتىنىڭ قولباسشىلىق ورتالىعىمەن حابارلاسىپ، جوقتاما جاساپ، كەزەكشى قىزمەتكەرلەردىڭ ورنىندا بار - جوعىن جانە قوعام اماندىعىن وڭاۋ جاعدايىن ۇعىسىپ، اۆتونوميالى رايوندىق پارتكوم اتىنان ورنىقتىلىقتى قورعاۋدىڭ 1 - شەبىندە شايقاس جۇرگىزىپ جاتقان بۇكىل رايونىمىزداعى پارتيا، ۇكىمەت، ارميا، ساقشى، بيڭتۋان، حالىق ءار جاق كۇشتەرىنەن جانە اۆتونوميالى رايونىمىزدىڭ ورنىقتىلىقتى قورعاۋ قىزمەتىنە قاتىناسقان جانە ونى قولداعان ءار ۇلت حالىق بۇقاراسىنان ىقىلاسپەن حال سۇراپ، شىنايى راقىمەت ايتتى.  چىن چۋانگو بىلاي دەدى: قوعام اماندىعى مەن باياندى تىنىشتىق باس نىساناسى شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى ستراتەگيالىق شەشىم، شينجياڭداعى ءار ۇلت حالقىنىڭ ورتاق تىلەگى. بۇكىل رايونداعىلار بۇلجىماس تاباندىلىقپەن باس نىسانا ارقىلى يدەيانى، تانىمدى، اياق الىستى، ارەكەتتى بىرلىككە كەلتىرىپ، باس نىسانانى تياناقتاندىرۋدى ەڭ ۇلكەن ساياسي جاۋاپكەرشىلىك دەپ قاراپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تۇبەگەيلى تياناقتانۋىنا كەپىلدىك ەتىپ، اۆتونوميالى رايوندىق پارتكوم مەن ۇكىمەتتىڭ ورنىقتىلىقتى قورعاۋ قىزمەتى جونىندەگى كەشەندى شارالارىن قاز - قالپىندا تياناقتاندىرىپ، قوعامدىق جالپى جاعدايدىڭ جاراسىمدى ورنىقتىلىعىن قۇلشىنا ساقتاپ، ءار ۇلت بۇقاراسىنىڭ الاڭسىز ءومىر سۇرۋىنە مۇمكىندىك جاساپ، مەملەكەتتىك ەكى ءماجىلىستىڭ اشىلۋى ءۇشىن تاماشا ورتا ازىرلەۋ كەرەك.

    ءبىرىنشى، ساقتىق دابىلىن ۇزبەي قاعۋ، بوساڭسىماۋ كەرەك. شينجياڭ ءدوپ كەلگەن قاتاڭ ءارى كۇردەلى جاعدايدى ايقىن تانىپ، شينجياڭ ورنىقتىلىعىنىڭ ايرىقشا ماڭىزدىلىعى مەن ناقتى كوكەي تەستىلىگىن تولىق تانىپ، ساقتىق دابىلىن ۇزبەي قاعىپ، قاي - قاشان دا قىراعى بولىپ، ورنىقتىلىقتى قورعاۋدى بارلىعىن باسىپ تۇسەتىن باس تارتپاس مىندەت رەتىندە قاراپ، تاۋقىمەت تانىمىن، قاتەر تانىمىن ونان ارى كۇشەيتىپ، تالەي سىنايتىن، بەيعامدىققا سالىناتىن يدەيانى جانە بوساڭسىپ، شايقاستان اينيتىن كوڭىل كۇيدى جەڭىپ، ۇزاق ۋاقىت شايقاس جۇرگىزۋ، ورنىقتىلىقتى قورعاۋدى ۇدايىلاندىرۋ يدەياسىن بەرىك ورناتىپ، قاتاڭ ساقتانىپ، قارۋ - جاراقتى سايلاپ، جاۋ كۇشتەر مەن بولشەكتەۋشىلەرگە استە وراي بەرمەۋ كەرەك.

    ەكىنشى، كەشەندى شارالاردى ويداعىداي اتقارۋ كەرەك. قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ەرتە باستان، قىلپى بىلىنە باستاعاندا - اق، جەدەل، جاقسى يگەرىپ، ۇتىمدى قيمىلداپ، ىرىقتى شايقاستى جاقسى جۇرگىزىپ، اۆتونوميالى رايوندىق پارتكوم مەن ۇكىمەتتىڭ ورنىقتىلىقتى قورعاۋ جونىندە بەلگىلەگەن شارالارىن مۇقيات، جاقسى تياناقتاندىرىپ، «التىنى مىقتى يگەرۋگە»، «بەستى باسقارۋعا»، «ءتورتتىڭ تولىق قامتۋىنا» كەپىلدىك ەتىپ، بۇلجىماي، بوساڭسىماي، ءارى - ءسارى بولماي، قۇر قاڭقاعا اينالماي، ساڭلاۋ، قاعىس قالاتىن جەر، اقتاڭداق قالدىرماۋعا شىنايى كەپىلدىك ەتىپ، ورنىقتىلىقتى قورعاۋدىڭ بەرىك قورعانىس شەبىن جايىپ، قۇرىش قورعانىن مىقتاپ سوعۋ كەرەك.

    ءۇشىنشى، حالىق تۇرمىسىن جاقسارتىپ، حالىق تىلەگىن توعىستىرۋ كەرەك. حالىق تۇرمىسىن قۇلشىنا جاقسارتىپ، اۋىل - قىستاقتاعى مىندەتتى ەڭبەكتى كۇشىنەن قالدىرۋ، جالپى حالىقتىڭ دەنساۋلىعىن تەگىن تەكسەرۋ، مەكتەپكە دەيىنگى 3 جىلدىق «قوس ءتىل» تاربيەسى، كەدەيلىكتەن دالمە - ءدال قۇتىلدىرۋدى ىلگەرىلەتۋ، قوعامدىق قامسىزداندىرۋدى كەمەلدەندىرۋ سياقتى قىزمەتتەردى بار كۇشپەن جاقسى ىستەۋ؛ كادرلاردىڭ نەگىزگى ساتىعا بارۋىن، بۇقاراعا ىشكەرىلەي ارالاسۋىن، بۇقارامەن بايلانىس ورناتۋىن، بۇقارانى ءتۇسىنۋىن، بۇقاراعا قىزمەت كورسەتۋىن ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىر - شاپاعاتىن بارشا وتباسىلارعا جەتكىزىپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز ىنتىماقتاستىرۋ؛ جۇرتشىلىقتى كەڭىنەن اتتانىسقا كەلتىرىپ، ورنىقتىلىقتى قورعاۋدىڭ جالپى جۇرت جۇمىلىپ، جابىلا ساقتانىپ، كوپ بولىپ وڭايتىن جاعدايىن قالىپتاستىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق سوعىسىن جاقسى جۇرگىزۋ كەرەك.

    ءتورتىنشى، جەدەل ءبىر جاقتى ەتىپ، سىلەيتە سوققى بەرۋ كەرەك. قالا، اۋىلداعى ساقتانۋ - مەڭگەرۋ تورىن مىقتاپ توقىپ، شارلاۋ - تەكسەرۋ سەرپىنىن كۇشەيتىپ، كوشەدە ساقشى جولىقتىرۋ مولشەرىن جوعارىلاتۋ؛ جەدەل ءبىر جاقتى ەتۋ قابىلەتىن جوعارىلاتىپ، ناقتى شايقاستى كوزدەپ، جۇمىس ءتارتىبىن جاقسارتىپ، وقۋ - جاتتىعۋدى كۇشەيتىپ، شەشۋشى ساتتە ۇرىسقا شىعىپ، اتوي سالىپ، جەڭىسكە جەتۋگە كەپىلدىك ەتۋ؛ زاڭمەن ويناپ، تاۋەكەلگە بارۋعا باتىنعان، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە قاتەر توندىرگەن، زيان جەتكىزگەن زورلىقتى كۇش، لاڭكەستەرىنە باتىل جۇدىرىق سىلتەپ، استە اياۋشىلىق ەتپەي، قيراتا، كۇل - تالقان ەتە سوققى بەرىپ، بۇكىل رايونداعى لاڭكەستىككە قارسى تۇرىپ، ورنىقتىلىقتى قورعاۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋگە كەپىلدىك ەتىپ، جاراسىمدى ورنىقتىلىقتىڭ ناقتى ناتيجەسىمەن پارتيا 19 - قۇرىلتايىنىڭ جەڭىسپەن اشىلۋىن قارسى الۋ كەرەك.

جاۋاپتى رەداكتور:سايراش تۇرارجان قىزى