وتكەن جىلى شينجياڭداعى بانكەلەر «ءبىر بەلدەۋ، ءبىر جول» قۇرىلىسىنا 300 ميلليارد يۋان قارىز اقشا بەردى

        2017 - جىلعى شينجياڭنىڭ بانكە كاسىبىن باقىلاۋ - باسقارۋ قىزمەت ماجىلىسىنەن ۇعىسۋىمىزشا، بىلتىر شينجياڭنىڭ بانكەلەرى «ءبىر بەلدەۋ، ءبىر جول» قۇرىلىسىنا قاتىستى نىساندارعا 300 ميلليارد يۋاننان استام قارىز اقشا بەرىپ، قولداۋ كورسەتكەن.

    2016 - جىلى شينجياڭدى جىبەك جولى ەكونوميكالىق بەلدەۋىنىڭ وڭىرلىك سيپات الاتىن فينانس ورتالىعى ەتىپ قۇرىپ شىعۋ توڭىرەگىندە، شينجياڭنىڭ بانكە كاسىبىن باقىلاۋ - باسقارۋ مەكەمەسى شينجياڭ بانكەلەرىن قارجى قوسىپ قۇرۋدى بەكىتۋ جانە تيجارات باستاۋ قىزمەتىن ىلگەرىلەتۋىنىڭ ارقاسىندا، جىل سوڭىنان بۇرىن 4 اۋىل - قىستاق ساۋدا بانكەسى، 9 قىستاق - قالاشىق بانكەسى قۇرىلىپ تيجارات باستاپ، فينانس بازارىنىڭ قامداۋ اياسىن جاپپاي كەڭەيتتى. مۇنان تىس، پاكيستاننىڭ حابي بانكەسىنىڭ ۇرىمجىدەگى بولىمشەسى دە جۇمىس باستاپ، تيجارات جۇرگىزىپ، «جۇڭگو - پاكيستان ەكونوميكالىق ءدالىزى» قۇرىلىسىنا فينانستىق جاقتان جان - جاقتى قىزمەت وتەدى.

جاۋاپتى رەداكتور:سايراش تۇرارجان قىزى