چىن چۋانگو شينجياڭ اقپاراتشىلار قوعامىنىڭ 7 - كەزەكتى القالار كەڭەسىنە قاتىناسقان جالپى ۋاكىلدەرمەن كەزدەسكەندە شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا جاماعات پىكىرى جاعىندا پارمەندى قولداۋ كورسەتۋدى باسا دارىپتەدى

    شوكىرات زاكىر، جۋ حايلۇن، لي پىڭشين كەزدەسۋگە قاتىناستى

    6 - قاڭتاردا اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى باسشىلار القالار كەڭەسىنە قاتىناسقان جالپى ۋاكىلدەرمەن شىن ىقىلاسپەن كەزدەسۋدە

    6 - قاڭتاردان 7 - قاڭتارعا دەيىن، شينجياڭ اقپاراتشىلار قوعامىنىڭ 7 - كەزەكتى القالار كەڭەسىنىڭ 1 - ءماجىلىسى ۇرىمجىدە اشىلدى. اۆتونوميالى رايوننىڭ باسشىلارىنان چىن چۋانگو، شوكىرات زاكىر، جۋ حايلۇن، لي پىڭشين، تيان ۋىن قاتارلىلار القالار كەڭەسىنە قاتىناسقان جالپى ۋاكىلدەرمەن شىن ىقىلاسپەن كەزدەستى جانە اۆتونوميالى رايوندىق پارتكوم مەن ۇكىمەت اتىنان القالار كەڭەسىنىڭ اشىلعاندىعىن قىزۋ قۇتتىقتادى، ۋاكىلدەردەن جانە شينجياڭداعى قالىڭ اقپارات قىزمەتكەرلەرىنەن شىن ىقىلاستى حال سۇرادى جانە ولارعا شىنايى العىس ايتتى.

    6 - قاڭتار ساعات 13تە چىن چۋانگو، شوكىرات زاكىر قاتارلى باسشىلار ءماجىلىس زالىنا كەلىپ، ۋاكىلدەرمەن شىن ىقىلاسپەن قول الىسىپ امانداسىپ، ولارمەن ەستەلىك سۋرەتكە ءتۇستى.

    دۋ قول شاپالاقتان كەيىن، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ءسوز سويلەدى. ول بىلاي دەدى: ۇزاق ۋاقىتتان بەرى اۆتونوميالى رايونىمىزدىڭ اقپاراتتىق جاماعات پىكىرى شەبىندەگىلەر پارتيا 18 - قۇرىلتايى مەن پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي ۇگىتتەپ دايەكتىلەندىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇگىتتەپ دايەكتىلەندىرىپ، وزەكتى ارقاۋ ەتىپ، جالپى جاعدايعا قىزمەت ەتىپ، نەگىزگى اۋەندى اسقاقتاتىپ، وڭ ەنەرگيا تاراتىپ، شينجياڭنىڭ ورنىقتى دامۋىنا جاماعات پىكىرى جاعىندا پارمەندى قولداۋ كورسەتىپ، بەلسەندى ۇلەستەر قوستى. مەن رايونىمىزداعى اقپاراتتىق جاماعات پىكىرى شەبىندەگىلەردىڭ باس شۋجي شي جينپيڭنىڭ پارتيانىڭ اقپاراتتىق جاماعات پىكىرى قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ جانە جۇڭگو تىلشىلەر قوعامىنىڭ 9 - كەزەكتى القالار كەڭەسىنە قاتىناسقان جالپى ۋاكىلدەرىمەن جانە جۇڭگو اقپارات سيلىعى، چاڭجياڭ، تاۋفىن سيلىعى يەگەرلەرىنىڭ ۋاكىلدەرىمەن كەزدەسكەندە سويلەگەن ماڭىزدى ءسوزىنىڭ رۋحىن مۇقيات ۇيرەنۋىن، دايەكتىلەندىرۋىن، تياناقتاندىرۋىن، دۇرىس ساياسي بەتالىسقا، دۇرىس جاماعات پىكىرى بەتالىسىنا، دۇرىس اقپاراتتىق مۇراتقا، دۇرىس قىزمەت بەتالىسىنا تاباندى بولىپ، سوتسياليستىك شينجياڭ قۇرۋ جولىندا تىڭ، مۇنان دا زور ۇلەستەر قوسۋىن ءۇمىت ەتەمىن. ساياسي تانىمدى كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ماركستىك اقپارات كوزقاراسىنا تاباندى بولىپ، پارتيالىق سيپات پەن حالىقتىق سيپاتتى بىرلىككە كەلتىرۋدە تاباندى بولىپ، جۇڭگوشا سوتسياليزم جولىنا، نازارياسىنا، تۇزىمگە، مادەنيەتكە دەگەن سەنىمدەرىن ۇزبەي كۇشەيتۋلەرى كەرەك؛ بەتالىس تانىمىن كۇشەيتىپ، دۇرىس جاماعات پىكىرى بەتالىسىندا تاباندى بولۋ، ىنتىماقتى، ورنىقتىلىقتى، جىگەرلەندىرۋدى، ۇنامدى جاقتان ۇگىتتەۋدى نەگىز ەتۋدە تاباندى بولىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن بار كۇشپەن ۇگىتتەۋ، پارتيا ورتالىق كوميتەتىنىڭ مەملەكەتتى باسقارىپ، اكىمشىلىكتى جونگە سالۋداعى جاڭا تانىمدارى مەن جاڭا يدەيالارىن، جاڭا ستراتەگيالارىن بار كۇشپەن ۇگىتتەۋ، پارتيا 18 - قۇرىلتايىنان بەرگى ءار سالالى قىزمەتتەردە قول جەتكىزگەن تابىستار مەن تاجىريبەلەردى بار كۇشپەن ۇگىتتەۋ كەرەك؛ جالپى جاعداي تانىمىن كۇشەيتىپ، قوعام ورنىقتىلىعى مەن باياندى تىنىشتىق باس نىساناسى توڭىرەگىندە جالپى جاعدايعا قىزمەت ەتۋ جاعىندا بارىنشا سانالى، ىرىقتى بولۋ، قىزمەتتى اناعۇرلىم تىندىرا ىستەۋ، اقپاراتتىق جاماعات پىكىرىنىڭ قۇدىرەتتى بىرىككەن كۇشىن قۇلشىنا قالىپتاستىرۋ؛ جاڭالىق اشۋ تانىمىن، جاڭالىق اشۋ كوزقاراسىن، جاڭالىق اشۋ مازمۇنىن، جاڭالىق اشۋ فورماسىن كۇشەيتىپ، اقپاراتتىق جاماعات پىكىرىنىڭ تاراتۋ قۋاتىن، جەتەكشىلىك ەتۋ قۋاتىن، ىقپالى مەن الەۋمەتتىك بەدەلىن شىنايى جوعارىلاتۋ كەرەك؛ بورىشتىلىق تانىمدى كۇشەيتىپ، «تۋدى بيىك ۇستاپ، باعىتقا جەتەكشىلىك ەتۋ، وزەكتى ارقاۋ ەتىپ، جالپى جاعدايعا قىزمەت ەتۋ، حالىقتى ىنتىماقتاستىرىپ، ىنتا - جىگەرگە دەم بەرۋ، ادام تاربيەلەپ، تىلەك پەن بىلەكتى بىرىكتىرۋ، ساندىراقتاردى تويتارىپ، دۇرىس پەن بۇرىستى انىقتاۋ، ءىش پەن سىرتتى بايلانىستىرىپ، الەممەن ءتىل قاتىسۋدا» تاباندى بولۋ، كاسىپتىك قابىلەتتى سومداپ، ءمورال ساپانى ءوسىرىپ، ساياسيدا تاباندى، كاسىپكە شوگەل، ستيلى جاقسى، پارتيا مەن حالىقتى الاڭسىز ەتەتىن اقپاراتتىق جاماعات پىكىرى قىزمەت قوسىنىن قۇرىپ شىعۋ كەرەك.

    تيان ۋىن ماجىلىسكە قاتىناستى ءارى ءسوز سويلەدى، ول بىلاي دەدى: شينجياڭ اقپاراتشىلار قوعامى اۆتونوميالى رايوندىق پارتكومنىڭ تالابىنا ساي، اقپارات قىزمەتكەرلەرىمەن بايلانىس ورناتۋ، ولارعا قىزمەت ەتۋ قابىلەتىن جوعارىلاتىپ، ءداستۇرلى اقپارات قۇرالدارى مەن جاڭا اقپارات قۇرالدارىن قىزمەت اياسىنا ەنگىزىپ، ماركستىك اقپارات كوزقاراسىن پارتيانىڭ اقپاراتتىق جاماعات قىزمەتىنىڭ نەگىزگى ولشەمى ەتىپ، اقپارات قىزمەتكەرلەرى پارتيا مەن حالىق سەنىم ارتاتىن اقپارات قىزمەتكەرلەرى بولۋعا باستاۋ كەرەك. قالىڭ اقپارات قىزمەتكەرلەرى دۇرىس ساياسي بەتالىسقا تاباندى بولىپ، وزەكتى ارقاۋ ەتىپ، جالپى جاعدايعا قىزمەت ەتىپ، نەگىزگى يدەيالىق جاماعات پىكىرىن بەكەمدەپ جانە ۇلعايتىپ، اقپاراتتىق جاماعات پىكىرى قىزمەتى قابىلەتىن جوعارىلاتىپ، كاسىپتىك ءمورالدى ساقتاپ، ءداۋىردىڭ دامۋىن تولىق، ناقتى ەستەلىككە الىپ، پارتيانىڭ اقپاراتتىق جاماعات پىكىرى قىزمەتىندەگى مىندەت جاۋاپكەرشىلىگى مەن بورىشىن شىنايى ويداعىداي تياناقتاندىرىپ، باس نىسانانى ىسكە اسىرۋعا كۇش - قۋات قوسۋلارى كەرەك.

    ماجىلىستە جۇڭگو تىلشىلەر قوعامىنىڭ قۇتتىقتاۋ حاتى، بەيجيڭ، شانشي، ىشكى موڭعۇل اۆتونوميالى رايونى سياقتى 24 ولكە، اۆتونوميالى رايون، قالالاردىڭ اقپاراتشىلار قوعامدارىنىڭ ماجىلىسكە جولداعان قۇتتىقتاۋ حاتى، قۇتتىقتاۋ تەلەگرامماسى وقىلدى، اۆتونوميالى رايوندىق عىلىم - تەحنيكا قوعامى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى لي چۇنياڭ حالىقتىق ۇيىمدار اتىنان ارناۋ ءسوز سويلەدى. ءماجىلىس شينجياڭ اقپاراتشىلار قوعامىنىڭ 6 - كەزەكتى القالار كەڭەسىنىڭ ۇنەمىلىك ىستەر القاسىنىڭ قىزمەت بايانداماسى جونىندەگى قاۋلىنى ماقۇلدادى. شينجياڭ اقپاراتشىلار قوعامىنىڭ ەرەجەسىنە وزگەرىس ەنگىزدى، شينجياڭ اقپاراتشىلار قوعامىنىڭ 7 - كەزەكتى القالار كەڭەسىنىڭ باسشىلىق قۇرىلىمىن سايلاپ شىقتى.

    اۆتونوميالى رايوننىڭ قاتىستى تاراۋلاردىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە ۇسىنىسپەن قاتىناستى، رايونىمىزدىڭ جەر - جەرىنەن 135 القا ماجىلىسكە قاتىناستى.

جاۋاپتى رەداكتور:سايراش تۇرارجان قىزى