«دالمە - دالدىك» كەدەيلىكتەن قۇتىلدىرۋدان قامال الۋدىڭ تۇتاس بارىسىمەن ساباقتاستى

    ج ك پ اۆتونوميالى رايوندىق 9 - قۇرىلتايىندا مىنالار العا قويىلدى: كەدەيلەردى سۇيەمەلدەۋ ارقىلى حالىققا تيىمدىلىك جاساۋعا تاباندى بولىپ، كەدەيلىكتەن قۇتىلدىرۋدان قامال الۋ شايقاسىندا ءوز ۋاعىندا جەڭىسكە جەتۋ. «التى دالمە - ءدال بولۋ»، «بەس ءبىر توپ» قۇرىلىسىن جاپپاي تياناقتاندىرىپ، ساياساتپەن قامتاماسىزداندىرۋدىڭ، قوسىلعان قارجىنىڭ، كاسىپ ارقىلى جەبەۋدىڭ، نىسانداردى ورنالاستىرۋدىڭ، حالىق تۇرمىسىنا قىزمەت كورسەتۋدىڭ، قوعامدىق كومەكتەسۋ - سۇيەمەلدەۋدىڭ، شينجياڭعا باعىتتامالى كومەك كورسەتىپ قولداۋدىڭ، بۇقارانىڭ قاتىناسۋىنىڭ ناقتى تياناقتانۋىنا مۇمكىندىك جاساپ، 2020 - جىلعا دەيىن كەدەيلەردى تۇگەلدەي كەدەيلىكتەن قۇتىلدىرۋعا كەپىلدىك ەتۋ كەرەك. وڭتۇستىك شينجياڭداعى 3 ايماق، ءبىر وبلىستى وڭىرلەر بويىنشا تۇلعالىق جاقتان كەدەيلىكتەن قۇتىلدىرىپ، بىردە - ءبىر كەدەي وتباسىن قاعىس قالدىرماۋ كەرەك.

    لي شيڭ

    2016 - جىلى قابا اۋدانى قازىنا مەكەمەسىنىڭ كادرلارى ءۇي - ءۇيدى ارالاپ تەكسەرۋ ارقىلى وزدەرى سۇيەمەلدەيتىن ساربۇلاق قالاشىعىنىڭ ەكى قىستاعىنداعى كەدەي وتباسىلارىنىڭ ينفورماتسياسىن ەگجەي - تەگجەيلى، ناقتى ەستەلىككە الىپ، نەگىزدىك ەسەپ پەن سۇيەمەلدەۋ ەسەبىن ورناتىپ، ءار وتباسىنىڭ ناقتىلى جاعدايىنا قاراي سۇيەمەلدەدى. جىل اياعىنا دەيىن ءوندىرىستى دامىتۋ، قونىس جاڭالاۋ، الەۋمەتتىك كەپىلدىك ەتۋ ارقىلى 32 وتباسىنداعى 94 ادامدى كەدەيلىكتەن قۇتىلدىردى.

    2016 - جىلى بۇكىل اۆتونوميالى رايون پارتيا ورتالىق كوميتەتىنىڭ كەدەيلىكتەن قۇتىلدىرۋدان قامال الۋ جونىندەگى شەشىم - ورنالاستىرۋلارىن ىشكەرىلەي دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىنا نازاردى شوعىرلاندىرىپ، باس شۋجي شي جينپيڭ ورتاعا قويعان «التى دالمە - ءدال» تالابىن مۇقيات تياناقتاندىرىپ، ايقىن دالمە - ءدال باعىت بەلگىلەپ، «دالمە - دالدىكتى» كەدەيلىكتەن قۇتىلدىرۋدان قامال الۋدىڭ تۇتاس بارىسىمەن ساباقتاستىرىپ، «13 - بەسجىلدىق» مەزگىلىندەگى كەدەيلىكتەن قۇتىلدىرۋدان قامال الۋدىڭ باستاماسىن جاقسى باستادى.

    ارحيۆكە الىپ جانە كارتچكالاپ، دالمە - ءدال انىقتادى

    72 جاستاعى قىرعىز اجەي تۇرعانبي مامەت ۇلىقشات اۋدانى قىزىلوي اۋىلى ەكى تەرەك قىستاعىندا جالعىز تۇرادى، 5 قوي، 5 مۋ شاپپالىق − ونىڭ نەگىزگى تابىس كوزى. ۇلىقشات اۋدانى تۇرعانبي اجەي سياقتى ەڭبەك قابىلەتىنەن تولىقتاي نەمەسە جارتىلاي ايرىلعان كەدەي وتباسىلارىن سۇيەمەلدەۋ بابىمەن «بەس ءبىر توپ» دەپ اتالاتىن قوعامدىق قامتاماسىزداندىرۋ، كەپىلدىك ەتۋ شاراسىن اتقارىپ، ەمدەۋ، قايىرىمدىلىق كومەك بويىنشا سۇيەمەلدەۋ تەبىنىن ارتتىردى. جەرگىلىكتى ۇكىمەتتىڭ كومەكتەسۋىمەن، تۇرعانبي اي سايىن تومەنگى تۇرمىستى قامتاماسىز ەتۋ بويىنشا 145 يۋان جانە 120 يۋان زەينەتاقى الىپ وتىردى، 2016 - جىلى اۋدانى 80 شارشى مەتر جاڭا ءۇي سالدىردى.

    2016 - جىل − اۆتونوميالى رايونىمىزدىڭ كەدەيلەردى سۇيەمەلدەۋ قىزمەتىندەگى «ارحيۆكە الىپ، كارتچكالاۋ، دالمە - ءدال انىقتاۋ جىلى». اۆتونوميالى رايون «جاۋاپكەرشىلىك اۋداندا، ءتۇيىن اۋىلدا، تەتىك قىستاقتا» دەگەن تياناقتاندىرۋ مەحانيزمىن ورناتىپ، «ءبىر شىعارۋ، ءبىر كىرگىزۋ، ءبىر تياناقتاندىرۋ» پرينسيبى بويىنشا ارحيۆكە الۋ، كارتچكالاۋ جۇمىسىن كەمەلدەندىرىپ، «قايىرىلا قاراۋدى» تەرەڭ ورىستەتىپ، «كوبىگىن» الىپ، «التى ءىرى ساندىق تۇعىر» ارقىلى تابىلعان ينفورماتسيالارى قالىپسىز ادامدار مەن سوعان قاتىستى وتباسىلارىنىڭ ادامدارىنا انىقتاۋ جانە اداقتاۋ جۇرگىزىپ، اۋىل - قىستاقتارداعى نوپوسسىز جانە نوپوسقا جاڭادان الىنعان ادامداردىڭ كەدەيلىگىن بەلگىلەمە، ءتارتىپ بويىنشا انىقتاپ، ولشەم مەن شارتقا كەلمەيتىن ادامداردى انىقتاپ شىعارىپ، ناعىز كەدەيلەردى تىزىمگە ەنگىزىپ، سۇيەمەلدەنەتىن وبيەكتىلەردى دالمە - ءدال ەتە ءتۇستى. بۇدان سىرت، اۆتونوميالى رايون باسقا جەردە كەدەيلەردى سۇيەمەلدەۋ بويىنشا قونىس جاڭالاۋ ينفورماتسياسىن جيناقتاۋ، كومپيۋتەرلەۋ جانە جاڭادان كوبەيگەن كولەمدى ەگجەي - تەگجەيلى ايقىنداۋ، تەكسەرۋ جۇمىستارىن جۇرگىزدى، اۋىل - قىستاقتارداعى جاڭادان نوپوسقا الىنعان ادامداردىڭ كەدەيلىك ماسەلەسى جونىندە مەملەكەتتىڭ بەكىتۋىن العاننان كەيىن، ءتارتىپ بويىنشا تانۋ، انىقتاۋ جۇرگىزدى. سونىمەن قاتار، اۆتونوميالى رايون ارحيۆكە الۋ، كارتچكالاۋ بويىنشا تەكسەرۋ، باعالاۋ ءتۇزىمىن ورناتىپ، ايماق، وبلىس، اۋدان، قالالاردىڭ ءوزىن - ءوزى تەكسەرۋى نەگىزىندە، وڭتۇستىك، سولتۇستىك شينجياڭداردا ايقاسپالى تەكسەرۋ جۇرگىزىپ، 3 - جاقتىڭ باعالاۋىن ۇيىمداستىرىپ، حالىق قۇرىلتايى ۋاكىلدەرى، ساياسي كەڭەس مۇشەلەرى، ءتارتىپ تەكسەرۋ، باقىلاۋ - تەكسەرۋ تاراۋلارى، قازىنالىق باقىلاۋ، اقپارات قۇرالدارى سياقتىلاردىڭ باقىلاۋىن جولعا قويىپ، سۇيەمەلدەۋ وبيەكتىلەرىنىڭ دالمە - دالدىگىنە كەپىلدىك ەتتى.

جاۋاپتى رەداكتور:سايراش تۇرارجان قىزى