حى بيڭشياننىڭ مەديتسينا سالاسىنداعى ىزگى ىستەرى قوعامنىڭ ءار سالاسىندا زور ءدۇمپۋ قوزعادى

 شينجياڭ مەديتسينا ۋنيۆەرسيتەتى ءبىرىنشى قاراستى شيپاحاناسىنىڭ ەكىنشى پالنيسا عيماراتىندا حى بيڭشيان (وڭ جاقتاعى ءۇشىنشى ادام) باسقا شيپاگەرلەرمەن كەڭەس وتكىزۋدە

    1-قاڭتاردا ءتاڭىرتاۋ تورابى «شينجياڭ مەديتسينا سالاسىنداعى ەگەي حى بيڭشيان 60 جىلدان بەرى كوپتەگەن از ۇلت ەمدەۋ قىزمەتكەرلەرىن تاربيەلەدى» ماقالاسىن جاريالاعاننان بەرى، قوعامنىڭ ءار سالاسىنداعىلاردىڭ جاپپاي نازارىن اۋداردى ءارى قىزۋ تالقىسىنا اينالدى. كوپتەگەن ەمدەۋ قىزمەتكەرلەرى بىلاي دەدى: حى بيڭشيان جولداستىڭ وسى رۋحىن ءتىپتى دە ساۋلەلەندىرىپ جانە كەيىنگىلەرگە جالعاستىرۋىمىز كەرەك. ال، توراپتاستار، وسى حى بيڭشيان جولداستىڭ بۇكىل ءومىرىن شينجياڭداعى ءار ۇلت بۇقاراسىنىڭ دەنساۋلىق اقاۋسىزدىعىنا ارناعان رۋحىنا زور ماقتاۋلار ايتتى.

    3-قاڭتار تۇستەن بۇرىن، شينجياڭ مەديتسينا ۋنيۆەرسيتەتىنىڭ ءبىرىنشى قاراستى شيپاحاناسىندا «حى بيڭشيان جولداستىڭ شينجياڭدى، شيپاحانانى، ءوز قىزمەت ورنىن سۇيگەن ناقتىلى ىستەرى جايىندا اڭگىمە ءماجىلىسى» وتكىزىلدى.

    اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى، شينجياڭ مەديتسينا ۋنيۆەرسيتەتى، شينجياڭ مەديتسينا ۋنيۆەرسيتەتىنە قاراستى ءبىرىنشى شيپاحانا قىزمەتكەرلەرى، پروفەسسور جانە حى بيڭشياننىڭ ءبىر ءبولىم وقۋشىلارى وسى اڭگىمە ماجىلىسىندە حى بيڭشيان جولداستىڭ ىزگى ىستەرىنىڭ وزدەرىنە بولعان اسەرلەرىن اڭگىمە ەتتى.

    اۆتونوميال رايوندىق دەنساۋلىق ساقتاۋ، جوسپارلى تۋىت كوميتەتىنىڭ ورىنباسار مەڭگەرۋشىسى ايشا يۇنۇس بىلاي دەدى: حى بيڭشيان پروفەسسوردىڭ رۋحى ءبىزدىڭ بارلىق ەمدەۋ قىزمەتكەرلەرىنىڭ ۇيرەنۋىنە، جالعاستى ساۋلەلەندىرۋىنە تاتيدى. ول تەك قىزمەت ورنىن ءسۇيىپ عانا قويماي، ءوزىنىڭ مەديتسينا جاقتارىنداعى بىلىمدەرىن قالتقىسسىز وقۋشىلارىنا، قىزمەتتەستەرىنە جانە ارتقى بۋىن وقۋشىلارعا ۇيرەتىپ، شينجياڭ ءۇشىن ەمدەۋ سالاسىنا دارىندىلار تاربيەلەپ بەردى. سونىمەن قاتار، حى بيڭشيان پروفەسسوردىڭ قاجىرلىلىقپەن زەرتتەۋ جۇرگىزەتىن، ۇزدىكسىز ۇيرەنەتىن، بارعان سايىن كەمەلدەنە تۇسەتىن رۋحى كەڭ كولەمدە ۇگىتتەلۋ كەرەك. شينجياڭنان حى بيڭشيان سياقتى ەمدەۋ قىزمەتكەرلەر كوپتەپ شىعۋىن ءۇمىت ەتەمىن.

جاۋاپتى رەداكتور:سايراش تۇرارجان قىزى