وڭتۇستىك شينجياڭداعى 3 ايماق، ءبىر وبلىستا 100 ەرەكشە شاعىن قالا - قالاشىق قۇرىلادى

    اۆتونوميالى رايوننىڭ دامۋ جانە رەفورما قىزمەتى ماجىلىسىنەن ۇعىسۋعا قاراعاندا، رايونىمىز 2017 - جىلى وڭتۇستىك شينجياڭداعى 3 ايماق، ءبىر وبلىستا 100 ەرەكشە شاعىن قالا - قالاشىق قۇرۋ قۇرىلىسىن باستايدى ەكەن.

    ءماجىلىس مىنالاردى العا قويدى: وڭتۇستىك شينجياڭداعى 3 ايماق، ءبىر وبلىستا 100 ەرەكشە قالا - قالاشىق قۇرۋ قۇرىلىسىن باستاۋ جانە جەتىلدىرۋ وڭتۇستىك شينجياڭنىڭ دامۋىن دەمەيتىن ماڭىزدى قوزعالتقىش ءارى قالا، اۋىلدىڭ دامۋىن ءبىر تۇتاس جوسپارلاۋداعى ستراتەگيالىق شارا. تۇلعالىق جوبالاۋعا، دالمە - ءدال جوبالاۋعا باسا ءمان بەرىپ، شاعىن قالا - قالاشىقتاردىڭ مادەنيەت استارىن، جەر جايى مەن ەل سالتىن، كاسىپ ەرەكشەلىگىن كورنەكتىلەندىرىپ، ەرەكشەلىك پەن دامۋ باعدارىن ايقىن تۇراقتاندىرۋ كەرەك. كاسىپ تىرەگىنە، كاسىپ پەن قالانى توعىستىرۋعا ءمان بەرىپ، ەرەكشە كاسىپتەردى جەرگىلىكتى جاعدايعا قاراي جەتىلدىرۋ، دامىتۋ كەرەك.

    ءماجىلىس مىنانى العا قويدى: وڭتۇستىك شينجياڭداعى 3 ايماق، ءبىر وبلىستا 100 ەرەكشە شاعىن قالا - قالاشىق قۇرۋدا بازاردى جەتەكشى ەتۋگە، ۇكىمەت جەتەكتەۋگە تاباندى بولىپ، قوعامدىق كاپيتالدى قارجى قوسۋعا ىنتالاندىرۋ، شاعىن قالا - قالاشىقتىڭ وزىندىك دامۋداعى ىشكى قوزعاۋشى كۇشىن جوعارىلاتۋ كەرەك.

    ەرەكشە شاعىن قالا - قالاشىق قۇرىلىسى جاعىندا رايونىمىز 2016 - جىلى كورلا قالاسىن، ءپىچان اۋدانىنىڭ لوكچۇن قالاشىعىن، بۋىرشىن اۋدانىنىڭ شۇڭقىر قالاشىعىن، ۋجياچۇي قالاسىن مەملەكەتتىڭ جاڭاشا قالا - قالاشىقتاندىرۋدى ءتۇيىندى سىناق ەتۋ ءوڭىرى ەتكەن بولاتىن. قازىر ءارقايسى سىناق ءتۇيىنى وڭىرلەرى دامۋدىڭ ءىس جۇزىندىگىن تياناق ەتىپ، جەرگىلىكتى ەرەكشەلىككە يە سىناق ءتۇيىنى قىزمەتى جوباسىنىڭ مازمۇنىن جاساپ، شارۋا جۇمىسكەرلەردى قالا - قالاشىقتارعا ءسىڭىرۋ، جاڭا ورتا، شاعىن قالالاردى جەتىلدىرۋ، ورتالىق قالا قۇرىلىسى، قالانىڭ جاسىل زەردەلى دامۋى، كاسىپ پەن قالانىڭ توعىسا دامۋى، جەرگىلىكتى مادەنيەتتى قورعاۋ، جالعاستىرۋ، قالا، اۋىلدىڭ دامۋىن ءبىر تۇتاس جوسپارلاۋ سىندى سالالاردا جاڭاشا قالا - قالاشىقتاندىرۋدان ۇلگى كورسەتۋ سىناق ءتۇيىنى قۇرىلىسىن ورىستەتتى.

    ۇعىسۋعا قاراعاندا، رايونىمىز 2017 - جىلى سىناق ءتۇيىنى قىزمەتىن جاپپاي جاقسى ىستەپ، تۇتاس رايوندا ۇلگى الۋعا تاتيتىن، ەلىكتەۋگە بولاتىن جاڭاشا قالا - قالاشىقتاندىرۋ قۇرىلىسىنىڭ تاجىريبەسىن جەدەل جالپىلاستىرادى ەكەن.

جاۋاپتى رەداكتور:سايراش تۇرارجان قىزى