شينجياڭعا كومەكتەسۋ ينجەنەرياسىنىڭ ۇلتتار ىنتىماعىن جەبەۋدەگى امالياتى

    ج ك پ اۆتونوميالى رايوندىق 9 - قۇرىلتايىندا بىلاي دەپ اتاپ كورسەتىلدى: شينجياڭعا باعىتتامالى كومەكتەسۋگە كەلگەن كادرلار ءوزىن شينجياڭ كادرىنىڭ ءبىرىمىن دەپ ساناپ، شينجياڭداعى ءار ۇلت كادرلارى مەن حالىق بۇقاراسىنا شىن نيەت ءبىلدىرۋى، ولارمەن شىنايى دوس بولۋى، تىعىز بارىس - كەلىس جاساپ، قويان - قولتىق ارالاسۋى، ۇلتتار ىنتىماعى ۇگىت - تاربيە قيمىلىنا جانە ۇلتتار ىنتىماعى، العاباسارلىعىندا وزات ورىن قۇرۋ قيمىلىنا بەلسەنە ات سالىسىپ، ۇلتتار ىنتىماعىن جەبەۋدىڭ الدىڭعى لەگىندە ءجۇرۋى، ۇلگى بولۋى؛ ورنىقتىلىقتى قورعاۋ سىندى جالپى جاعدايدى كوزدەي وتىرىپ، لاڭكەستىككە قارسى تۇرىپ، ورنىقتىلىقتى قورعاۋ قىزمەتىنە بەلسەنە ات سالىسىپ، ورنىقتىلىقتى قورعاۋعا قاتىستى شارالاردى تياناقتاندىرىپ، قوعام ورنىقتىلىعىن قورعاۋ، باياندى تىنىشتىقتى جەبەۋ جولىندا ۇلەس قوسۋلارى كەرەك.

    حان چينيان

    باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە «شينجياڭعا باعىتتامالى كومەكتەسۋ قىزمەتىن ۇلتتار ىنتىماعى ينجەنەرياسىنا اينالدىرۋعا قۇلشىنۋ كەرەك» دەپ قاداعالاي تاپسىردى، بۇل شينجياڭعا باعىتتامالى كومەكتەسەتىن 19 ولكە، قالانىڭ شينجياڭعا باعىتتامالى كومەكتەسۋ قىزمەتىن ورىستەتۋىندەگى ماڭىزدى ولشەم. 3 جىلدان بەرى شينجياڭعا باعىتتامالى كومەكتەسۋگە كەلگەن كادرلار شينجياڭداعى ءار ۇلت كادر، بۇقاراسىمەن دوستاسىپ، بارىس - كەلىس جاساپ، قويان - قولتىق ارالاسىپ، شينجياڭعا باعىتتامالى كومەكتەسۋ قىزمەتى مەن ۇلتتار ىنتىماعى قىزمەتىن يكەمدى ۇشتاستىردى.

    كوڭىل مەن كوڭىل توعىستى

    اتۇش قالاسى كۇنشان دارىندى تاربيەلەۋ مەكتەبىنىڭ 3 - جىلدىق 6 - كلاسىندا وقيتىن نافيسا ۇلامنىڭ نانجيڭ قالاسى فاڭساۋيۋان باستاۋىش مەكتەبىندە وقيتىن جۋ شينرۇيعا جازعان حاتىندا بىلاي دەدى: «بىزگە ساباقتان سىرت وقيتىن كىتاپتاردى تارتۋ ەتكەن ساعان جانە ساباقتاستارىڭا كوپ راقىمەت، ءبىز جۇزدەسپەسەك تە الىستان جەتكەن وسى كىتاپتار ءبىزدىڭ ءوزارا ءتىل تابىسىپ، بارىس - كەلىس جاساۋىمىزعا مۇمكىندىك جاراتتى».

    ەكى جەردەگى وقۋشىلاردىڭ ءوزارا بايلانىس جاساۋىنا مۇمكىندىك جاراتۋ ءۇشىن، فاڭساۋيۋان باستاۋىش مەكتەبى كۇنشان دارىندى تاربيەلەۋ مەكتەبىنە 5000نان استام كىتاپ - ماتەريال تارتۋ ەتۋدەن تىس، ورىنباسار مەكتەپ باستىعى شيە شياۋفۋ مەن بالالار كىتاپ وقۋ قيمىلىن جالپىلاستىرۋ ورتالىعىنداعى 6 وقىتۋشىنى قىزىلسۋ قىرعىز اۆتونوميالى وبلىسىنا جىبەرىپ، كىتاپ وقۋعا جەتەكشىلىك ەتۋ ساباعىن ءوتۋ، وقىتۋشىلاردى ءبولىپ تاربيەلەۋ، وقىتۋشىلار اراسىندا ءوزارا كومەكتەسۋ قيمىلىن ورىستەتۋ سياقتى تاسىلدەرمەن ەكى جەردەگى وقىتۋشىلاردىڭ ءجيى بارىس - كەلىس جاساۋىنا مۇمكىندىك جاسادى.

    «قازىر قىزىلسۋ قىرعىز اۆتونوميالى وبلىسىنداعى مەكتەپتەردىڭ ءبارى جياڭسۋ ولكەسىندەگى ورتا، باستاۋىش مەكتەپتەرمەن ءوزارا كومەكتەسەتىن بايلانىس ورناتتى»، - دەدى جياڭسۋ ولكەسىنەن شينجياڭعا باعىتتامالى كومەكتەسۋگە كەلگەن كادر كۇڭ شياڭپەي.

    جياڭسۋ ولكەسىنىڭ شينجياڭعا باعىتتامالى كومەكتەسۋ قىزمەتىنە قولباسشىلىق ەتۋ شتابىنىڭ ورىنباسار قولباسشىسى يان فويۋان بىلاي دەدى: «ارالاسۋ، ىشتەسۋ قيمىلىن ورىستەتۋدە بارىنەن ماڭىزدىسى، سۇيىسپەنشىلىك، سوندىقتان قىزمەتتى، ءسوز جوق، شىن پەيىلمەن بەرىلە ىستەۋىمىز كەرەك، سوندا عانا اقتاۋ حالقى شىن ىقىلاسىمىز بەن ىزگى نيەتىمىزدى تۇسىنەدى».

    حىفي سابيلەر مۇعالىمدار مەكتەبىندە وقىپ جاتقان گۇمالىق بويجەتكەن قالبىنۇر مامەتتوحتى 2015 - جىلى وقىستان جىعىلىپ، اياعى مەرتىگىپ قالعاندا، مەكتەپ وعان ايرىقشا كوڭىل ءبولىپ، ەرەكشە قامقورلىق جاسادى. وقىتۋشى، وقۋشىلاردىڭ شەكسىز قامقورلىعىن ەسكە العاندا قالبىنۇر «انحۇي مەنىڭ 2 - اتا مەكەنىم»، - دەدى اعىنان اقتارىلىپ. انحۇي ۋنيۆەرسيتەتىندە، ورتا تەحنيكۋم مەن ورتا مەكتەپتەردە ءبىلىم الىپ، كومەككە يە بولعان گۇمالىق وقۋشى 620دان اسادى.

    حۋبەي ولكەسى «شينجياڭداعى از ۇلت وتباسىلارىمەن جۇپ قۇراپ تۋىس بولۋ، ءوزارا بايلانىس ورناتىپ كومەكتەسۋ، ۇلتتار ىنتىماعىن جەبەۋ، باياندى تىنىشتىق ورناتۋدى جەبەۋ» قيمىلىن جاپپاي ورىستەتتى، ولكەلىك پارتكومداعى تۇراقتى مۇشەلەر جۇپ قۇراپ تۋىس بولۋ، ءوزارا بايلانىس ورناتىپ كومەكتەسۋدى باستاماشىلدىقپەن ىستەدى. بۇگىندە حۋبەي ولكەسى باعىتتامالى كومەك قابىلداعان جەرلەردەگى 1175 از ۇلت وتباسىمەن ءوزارا بايلانىس ورناتتى. حىبەي ولكەسى، شاندۇڭ ولكەسى قاتارلى جەرلەر «بەستە جاقسى وتباسىلارىنىڭ» شينجياڭداعى از ۇلت وتباسىلارىمەن ءوزارا بايلانىس ورناتىپ، كومەكتەسۋ قيمىلىن ورىستەتىپ، باعىتتامالى كومەك قابىلداعان جەردەگى قىز - كەلىنشەكتەردى ونەرگە تاربيەلەپ، وتباسى جانە ايەلدەر قاۋىمى ۋاكىلدەرىن ىشكى ولكەلەردى ەكسكۋرسيالاۋعا ۇيىمداستىردى.

جاۋاپتى رەداكتور:سايراش تۇرارجان قىزى