اۆتونوميالى رايوندىق ساياسي كەڭەس جاڭا جىلدىق شاي ءماجىلىسىن وتكىزدى

    سىمايىل تىلەۋالدى ۇسىنىسپەن قاتىناستى، چىن چۋانگو ءسوز سويلەدى

    شوكىرات زاكىر، نايىم ياسىن، سۇن جينلۇڭ، لي پىڭشين ماجىلىسكە قاتىناستى، نۇرلان ءابىلماجىن ۇلى ءماجىلىستى باسقاردى

2016 - جىلى 30 - جەلتوقساندا اۆتونوميالى رايوندىق ساياسي كەڭەس ۇرىمجىدە جاڭا جىلدىق شاي ءماجىلىسىن وتكىزدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسيارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باستاعان باسشىلار اۆتونوميالى رايونىمىزداعى ءار ۇلت، ءار سالا ۋاكىلدەرىمەن قۋانىشپەن ءبىر اراعا باس قوسىپ، دوستىق سىرىن شەرتىسىپ، جاڭا جىلدى قارسى الدى

    2016 - جىلى 30 - جەلتوقساندا اۆتونوميالى رايوندىق ساياسي كەڭەس شينجياڭ يىڭبين قوناق ءۇيىنىڭ ءماجىلىس ورتالىعىندا جاڭا جىلدىق شاي ءماجىلىسىن وتكىزدى.

    مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەۋالدى ۇسىنىسپەن شاي ماجىلىسىنە قاتىناستى، اۆتونوميالى رايوننىڭ پارتيا، ۇكىمەت، ارميا جانە شينجياڭ ءوندىرىس - قۇرىلىس بيڭتۋانىنىڭ باسشىلارىنان چىن چۋانگو، شوكىرات زاكىر، نايىم ياسىن، سۇن جينلۇڭ، لي پىڭشين، پىڭ يۇڭ، لي ۋي، شاۋكەت يمىن، شۇي حايرۇڭ، لي شۋەجۇن، ما شۋەجۇن، پىڭ جيارۇي، تيان ۋىن، سارقىت اقان ۇلى، ليۋ شينچيلەر جانە اۆتونوميالى رايونداعى ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرى، اۆتونوميالى رايوننىڭ قاتىستى جاقتارىنىڭ جاۋاپتى جولداستارى، سونداي - اق ءار ۇلت، ءار سالا قايراتكەرلەرىنىڭ ۋاكىلدەرى قۋانىشپەن ءبىر اراعا باس قوسىپ، دوستىق سىرىن شەرتىسىپ، تابىس - ناتيجەلەردى تىلگە تيەك ەتىپ، دامۋدى جوسپارلاپ، 2017 - جىلعى جاڭا جىلدى قارسى الدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى شاي ءماجىلىسن باسقاردى.

    دۋ قول شاپالاق ءۇنى ىشىندە چىن چۋانگو ىقىلاستى ءسوز سويلەدى. ول اۆتونوميالى رايوندىق پارتكوم مەن ۇكىمەت اتىنان ءارقايسى دەموكراتيالىق پارتيا - توپتارعا، ساۋدا - ونەكاسىپشىلەر بىرلەستىگىنە، پارتيادا، توپتا جوق قايراتكەرلەرگە، ساياسي كەڭەستىڭ ءار ۇلت، ءار سالا مۇشەلەرىنە جانە ۇلت، ءدىن سالاسىنداعى وتانشىل قايراتكەرلەرگە، بۇكىل شينجياڭداعى بارشا جۇمىسشىلارعا، ەگىنشى - مالشىلارعا، زيالىلارعا، كادرلارعا جانە زەينەتكە شىققان قارت جولداستارعا، حالىق ازاتتىق ارمياسىنىڭ شينجياڭدا تۇراتىن كوماندير - جاۋىنگەرلەرىنە، قارۋلى ساقشى وفيتسەر - جاۋىنگەرلەرىنە، قوعام حاۋىپسىزدىگى كادر - ساقشىلارىنا، شينجياڭ ءوندىرىس - قۇرىلىس بيڭتۋانىنىڭ جۇمىسشى - قىزمەتشىلەرىنە، شينجياڭعا كومەككە كەلگەن بارشا كادرلارعا جانە ورتالىقتىڭ شينجياڭدا تۇراتىن مەكەمە - ورىندارىنداعى جولداستارعا، شينجياڭنىڭ ورنىقتىلىعى مەن دامۋىنا كوڭىل بولەتىن، كومەك، قولداۋ كورسەتەتىن دوستارعا جاڭا جىلدىق قۇتتىقتاۋ ايتىپ، شىن ىقىلاستى سالەم جولدادى.

    چىن چۋانگو بىلاي دەدى: 2016 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم، ۇكىمەت بۇكىل شينجياڭداعى ءار ۇلت حالقىن ىنتىماقتاستىرا باستاپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، پارتيانىڭ شينجياڭدى جونگە سالۋ جالپى جوباسىنان جازباي، قوعامنىڭ جالپىلىق ورنىقتىلىعىن قورعاپ، ەكونوميكانىڭ ورنىقتى دامۋىن ساقتاپ، ءار ۇلت حالقىنىڭ تۇرمىسىن جاقسارتىپ، شينجياڭدى كوركەيتۋ قۇرىلىسىن ىلگەرىلەتتى. بۇل ناتيجەلەردىڭ قولعا كەلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، ىقىلاستى قامقورلىعىنىڭ ارقاسى، بۇكىل ەلدەگى ءار ۇلت حالقىنىڭ قالتقىسىز كومەگىنىڭ، زور كۇشپەن قولداپ - قۋاتتاۋىنىڭ ارقاسى، بۇكىل رايونداعى ءار ۇلت كادر - جۇرتشىلىعىنىڭ ءبىر تىلەك، ءبىر نيەتپەن قاجىرلىلىقپەن كۇرەس جۇرگىزۋىنىڭ ارقاسى.

    چىن چۋانگو بىلاي دەدى: وتكەن ءبىر جىلدا اۆتونوميالى رايونداعى ءار دارەجەلى ساياسي كەڭەس ۇيىمدارى مەن ساياسي كەڭەستىڭ ءار ۇلت، ءار سالا مۇشەلەرى وتانشىلدىق تۋىن، سوتسياليزم تۋىن بيىك ۇستاپ، قىزمەت مىندەتتەرىن مۇقيات اتقارىپ، جاۋاپكەرشىلىكتەرىن كۇش سالا ادا ەتىپ، شينجياڭنىڭ رەفورما، ەسىك اشۋ ىستەرى مەن ەكونوميكالىق، قوعامدىق دامۋى ءۇشىن جۇرت تىلەگىن توعىستىرىپ، كۇش ۇستىنە كۇش توپتاپ، بۇكىل رايوننىڭ قوعام اماندىعى مەن باياندى تىنىشتىعىن جەبەۋگە ماڭىزدى ۇلەس قوستى. جاڭا جىلدا حالىق ساياسي كەڭەسىنىڭ ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ رولىن ءتىپتى دە جاقسى ساۋلەلەندىرۋىن ءۇمىت ەتەمىن.

    چىن چۋانگو مىنالاردى اتاپ كورسەتتى: 2017 - جىل پارتيا 19 - قۇرىلتايى اشىلاتىن جىل، قامداۋ جاعىنداعى قۇرىلىمدىق رەفورمانىڭ تەرەڭدەيتىن جىلى، «13 - بەسجىلدىق» جوباسىن اتقارۋدىڭ، ج ك پ اۆتونوميالى رايوندىق 9 - قۇرىلتايىنىڭ رۋحىن تياناقتاندىرۋدىڭ ماڭىزدى جىلى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ج ك پ اۆتونوميالى رايوندىق 9 - قۇرىلتايىنىڭ ورنالاستىرۋلارى مەن تالاپتارى بويىنشا، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستىرە ىلگەرىلەتىپ، ورنىقتىلىقتى قورعاۋ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، قاتەردەن ساقتانۋ قىزمەتتەرىن كۇش سالا ويداعىداي ىستەپ، رۋحتى سەرپىلتىپ، قيىندىقتاردى جەڭىپ، قامال الىپ، ءبىر نيەت، ءبىر تىلەككە ۇيىسىپ، تىڭعىلىقتى قىزمەت ىستەپ، اۆتونوميالى رايونىمىز ەكونوميكاسىنىڭ ورنىقتى، اقاۋسىز دامۋى مەن قوعامنىڭ جاراسىمدى، ورنىقتىلىعىن جەبەپ، پارتيا 19 - قۇرىلتايىنىڭ اشىلۋىن تاماشا تابىسپەن قارسى الايىق.

    اۆتونوميالى رايوندىق ساياسي كەڭەستىڭ تۇراقتى مۇشەسى، جۇڭگو دەموكراتيالىق مەملەكەت قۇرۋ قوعامنىڭ شينجياڭ رايوندىق كوميتەتىنىڭ ورىنباسار مەڭگەرۋشى مۇشەسى رىن شيۋجۋان، اۆتونوميالى رايوندىق ساياسي كەڭەستىڭ مۇشەسى، شينجياڭ ۋنيۆەرسيتەتى ماركسيزم كافەدراسىنىڭ مەڭگەرۋشىسى مامەت توحتى جەكە - جەكە دەموكراتيالىق پارتيا - توپتار، حالىقتىق توپتار جانە ءار ۇلت، ءار سالا قايراتكەرلەرى اتىنان شاي ماجىلىسىندە لەبىز ءبىلدىردى.

    اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ، اۋە ارمياسى ءۇرىمجى بازاسىنىڭ نەگىزگى جاۋاپتى جولداستارى، اۆتونوميالى رايوننىڭ دەمالىسقا، پەنسياعا شىققان ورىنباسار ولكە دارەجەلىدەن جوعارى، ۇرىمجىدە تۇراتىن ءبىر ءبولىم قارت جولداستار شاي ماجىلىسىنە قاتىناستى.

    اۆتونوميالى رايوننىڭ قاتىستى تاراۋلارىنىڭ جانە ورتالىقتىڭ شينجياڭدا تۇراتىن ءبىر ءبولىم مەكەمە - ورىندارىنىڭ جاۋاپتى جولداستارى؛ مەملەكەتتىك حالىق قۇرىلتايىنىڭ ۇرىمجىدەگى ءبىر ءبولىم ۋاكىلدەر، مەملەكەتتىك ساياسي كەڭەستىڭ ۇرىمجىدەگى ءبىر ءبولىم مۇشەلەرى جانە اۆتونوميالى رايوندىق ساياسي كەڭەستىڭ تۇراقتى مۇشەلەرى، مۇشەلەرى، ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ ۋاكىلدەرى؛ وقۋ - اعاتۋ، عىلىم - تەحنيكا، مادەنيەت، دەنە تاربيە، دەنساۋلىق ساقتاۋ سالاسىنىڭ ۋاكىلدەرى؛ شينجياڭعا كومەككە كەلگەن كادر - دارىندىلاردىڭ، قاھارمان - ۇلگىلەردىڭ، ۇلتتار ىنتىماعى، العاباسارلىعىنىڭ ۇلگىلى وزاتتارى مەن وزات كوللەكتيۆتەرىنىڭ، وتانشىل ءدىني قايراتكەرلەردىڭ جانە از ۇلت قايراتكەرلەرىنىڭ، ۇزدىك جاستاردىڭ، ايەلدەردىڭ، كاسىپورىنشىلاردىڭ ۋاكىلدەرى شاي ماجىلىسىنە قاتىناستى.

    شاي ماجىلىسىندە ءار ۇلت ادەبيەت - كوركەمونەرشىلەرى تاماشا ويىن نومىرلەرىن ورىندادى.

جاۋاپتى رەداكتور:سايراش تۇرارجان قىزى