چىن چۋانگو جاڭا جىل ساتىندە ىلەدە نەگىزگى ساتى كادرلارى مەن جۇرتشىلىعىنا امانداسا باردى

    تىزە قوسا العا ىلگەرىلەپ، ءتۇرلى قىزمەتتەردە جاڭا جاعداي اشىپ، باستى نىسانانى ارقاۋ ەتە وتىرىپ سوتسياليستىك شينجياڭدى گۇلدەندىرەيىك

    1 -، 2 - قاڭتار كۇندەرى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزىپ، نەگىزگى ساتىداعى كادرلار مەن جۇمىسشى - قىزمەتكەرلەرگە جانە ءار ۇلت بۇقاراسىنا ىستىق ىقىلاسپەن امانداسىپ، اۆتونوميالى رايوندىق پارتكوم، ۇكىمەت اتىنان بۇكىل رايونىمىزداعى ءار ۇلت حالقىنا جاڭا جىل بايلانىسىمەن ىزگى تىلەك ءبىلدىردى. سۋرەتتە: چىن چۋانگو قۇلجا قالاسى جينليڭ بۇقارالىق مادەنيەت قيمىلى ورتالىعىندا ءار ۇلت بۇقاراسىمەن بىرگە «وتاندى جىرلايمىز» ءانىن ايتۋدا

    جاڭا جىل كىرىپ، بار الەم تۇرلەندى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو 1 - قاڭتاردان 2 - قاڭتارعا دەيىن ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزىپ، نەگىزگى ساتىداعى كادرلار مەن جۇمىسشى - قىزمەتكەرلەرگە جانە ءار ۇلت بۇقاراسىنا ىستىق ىقىلاسپەن امانداسىپ، اۆتونوميالى رايوندىق پارتكوم، ۇكىمەت اتىنان، بۇكىل رايونىمىزداعى 23 ميلليوننان استام ءار ۇلت حالقىنا جاڭا جىل بايلانىسىمەن ىزگى تىلەك ءبىلدىردى.

    سولتۇستىك شينجياڭنىڭ ۇلان - بايتاق دالاسى اق كورپە جامىلعان. چىن چۋانگو ىلگەرىندى - كەيىندى قۇلجا قالاسىنا، قۇلجا اۋدانىنا، قورعاس قالاسىنا، بيڭتۋان 4 - ديۆيزياسىنىڭ 62 - پولكىنە بارىپ، جوسپار مالىمەتىن تىڭداپ، قالالاردىڭ دامۋ جاعدايىمەن تانىسىپ، اۋىل - قىستاق الەۋمەتتىك اۋماقتارىن ارالاپ، دامۋ مەن وزگەرىستەردى تىلگە تيەك ەتىپ، شەكارا وتكەلدەرىن تەكسەرىپ، كورىكتى بولاشاق جوباسىن جاسادى.

    «جاڭا جىلدارىڭىز قۇتتى بولسىن». قۇلجا اۋدانى حۇدياريۇز قالاشىعى گەمە قىستاعىنىڭ شارۋالار كلۋبى مەن قۇلجا قالاسى گۋاڭميڭ كوشەسى الەۋمەتتىك اۋماعىنىڭ قيمىل ورتالىعىنا ات باسىن بۇرعان چىن چۋانگو جاڭا جىلدى قارسى الۋ قيمىلىن وتكىزىپ جاتقان ءار ۇلت بۇقاراسىنىڭ جاڭا جىلىنا قۇتتى بولسىن ايتتى. كوپشىلىك چىن چۋانگونى قاۋمالاي، ونىمەن امانداستى. چىن چۋانگو بىلاي دەدى: جاڭا جىل جاڭا لەپ، جاڭا ءۇمىت اكەلەدى، ءبىزدىڭ شينجياڭداعى ءار ۇلت حالقى اناردىڭ دانىندەي تىعىز ۇيىسىپ، تىزە قوسا العا ىلگەرىلەپ، قۇلشىنا كۇرەس جۇرگىزىپ، ورنىقتى دامۋ جاعدايىن ويداعىداي بەكەمدەۋى، دامىتۋى كەرەك. تۇرمىستارىڭىزدىڭ بارعان سايىن جاقسارا بەرۋىن تىلەيمىن.

    گەمە قىستاعى قىستاق تۇرعىندار كوميتەتىنىڭ حالىققا قولايلى قىزمەت كورسەتۋ ورتالىعىندا چىن چۋانگو كەزەكشىلىكتە وتىرعان قىزمەتكەرلەرمەن ىقىلاستى تۇردە اڭگىمەلەسىپ، ولاردان جاڭا جىل بايلانىسىمەن حال سۇرادى جانە شىنايى العىس ايتتى. چىن چۋانگو بىلاي دەدى: جوعارىدا مىڭداعان تال ءجىپ تومەندە ءبىر ينەگە ساباقتالادى، نەگىزگى ساتى − بارلىق قىزمەتتىڭ تابان تىرەر تياناعى. كوپشىلىكتىڭ حالىق تىلەگىن جۇرەكتە ساقتاپ، بۇقارانىڭ مۇقتاجىن ءبىلىپ، قىزمەت كورسەتۋ تاسىلىنە جاڭالىق ەنگىزىپ، بۇقاراعا قىزمەت كورسەتۋ، قوعامدى جونگە سالۋداعى «ەڭ سوڭعى ءبىر شاقىرىم» جولدى اشۋىن ءۇمىت ەتەمىن.

    بۇقارانىڭ تۇرمىس - تىرشىلىگىنىڭ قانداي ەكەنىن، جاڭا جىلعا قانداي ۇمىتتەر ارتىپ وتىرعانىن چىن چۋانگو ەسىنەن شىعارعان جوق. قىستاق تۇرعىنى ءمومىنجان قۇرباننىڭ ۇيىندە چىن چۋانگو ونىڭ وتباسى كىرىسى، تۇرمىسى سياقتى احۋالداردى سۇرادى. ءمومىنجاننىڭ كەنجە ۇلىنىڭ مي سالدانۋ ناۋقاسىنا، ۇلكەن ۇلىنىڭ كوز ناۋقاسىنا شالدىققانىن بىلگەن سوڭ، چىن چۋانگو جەرگىلىكتى ورىنداعى جاۋاپتى جولداستارعا ءمومىنجان وتباسىنىڭ بالالارىن ەمدەتىپ، وتباسىنىڭ اۋىرتپالىعىن جەڭىلدەتىپ، تۇرمىس ساپاسىن جوعارىلاتۋىنا امالىن تاۋىپ بەلسەنە كومەكتەسۋدى تاپسىردى.

    قۇلجا اۋدانىنىڭ ساداعايۇز اۋىلى كەدەيلەردى دالمە - ءدال سۇيەمەلدەۋ قىزمەتىن اتقارۋ بارىسىندا «سەلبەستىك كووپەراتيۆى+بازا+شارۋالار وتباسى» سىندى جۇمىس ۇلگىسى ارقىلى شارۋالاردىڭ كىرىسىن ارتتىرىپ، كورنەكتى ناتيجەگە قول جەتكىزىپتى. كوكتەمنىڭ جايما - شۋاق كۇنىندەي، ءىشى جاپ - جاسىل جىلىجايدا چىن چۋانگو گۇل ءوسىرۋ سەلبەستىك كووپەراتيۆىنىڭ مۇشەلەرىمەن ىقىلاستى تۇردە اڭگىمەلەستى. كووپەراتيۆ مۇشەلەرىنىڭ جەردى جالعا بەرۋدەن كىرىس تابۋدىڭ سىرتىندا، بازادا جۇمىس ىستەپ، ءار ادام ءبىر جىلدا 10 مىڭ يۋاننىڭ ۇستىندە كىرىس تاباتىنىن ەستىگەندە چىن چۋانگو قاتتى ءسۇيىندى. ول بىلاي دەپ باسا دارىپتەدى: كەدەيلىكتەن قۇتىلدىرۋدان قامال الۋ جۇرتتىڭ تىلەگىنە، حالىقتىڭ باقىتىنا سايادى، «بىرەۋىن دە كەمىتپەۋ، بىرەۋىن دە قاتاردان قالدىرماۋ» تالابىنا ساي، جاعدايدى انىقتاپ، جولدى ءدال تاۋىپ، بۇقارانىڭ كىرىسىن ارتتىرۋ كەرەك. تىڭعىلىقتى تۇردە، شىندىقتى ءىس جۇزىنەن ىزدەي ىستەپ، ناعىز كەدەيلەردى كەدەيلىكتەن قۇتىلدىرىپ، شىنايى تۇردە كەدەيلىكتەن قۇتىلدىرىپ، كەدەيلىكتەن قۇتىلدىرۋدان قامال الۋ شايقاسىن باتىل تۇردە جەڭىسپەن جۇرگىزۋ كەرەك.

    چىن چۋانگو قۇلجا اۋدانىنىڭ جەليۇز قالاشىعى جەليۇز قىستاعىنداعى مەشىتكە بارىپ، وتانشىل ءدىني قايراتكەرلەرگە امانداستى. ءانۋار يارمامەت يمام قۋانىشتى تۇردە بىلاي دەدى: پارتيا مەن ۇكىمەتتىڭ قامقورلىعىندا، مەشىتتىڭ شارت - جاعدايى جاقساردى، ءبىزدىڭ مامىلەمىز دە كوتەرىلدى. ءدىن سالاسىنداعى قايراتكەرلەر مەن دىنگە سەنەتىن بۇقارا پارتيا مەن ۇكىمەتكە شىن كوڭىلمەن العىس ايتادى، پارتيا مەن ۇكىمەتتى شىن كوڭىلمەن قولدايدى. چىن چۋانگو بىلاي دەدى: قوعام ورنىقتى بولعاندا عانا، ءار ۇلت بۇقاراسى جاقسى تۇرمىس كەشىرە الادى، ءدىننىڭ تاماشا دامۋ ورتاسى بولادى. قالىڭ ءدىني قايراتكەرلەر وتاندى، ءدىندى ءسۇيۋ تاڭداۋلى ءداستۇرىن ساۋلەلەندىرىپ، ۋاعىز ايتۋ، تاپسىرلەۋ قىزمەتىن جاقسى ىستەپ، دىنگە سەنەتىن بۇقارانى دۇرىس سەنىم ورناتىپ، ۇشقارىلىقتى تيۋعا، ۇلتتار ىنتىماعىن قورعاپ، قوعامنىڭ جاراسىمدىلىعىن، ورنىقتىلىعىن جەبەۋگە جەتەكتەۋ كەرەك.

    قۇلجا قالاسىنىڭ قالا جوباسى كورمە سارايىندا چىن چۋانگو كورمەنى ارالاي ءجۇرىپ، قۇلجا قالاسىنىڭ تاريحىن، دامۋ جانە قۇرىلىس جاعدايىن تاپتىشتەي ۇعىستى. چىن چۋانگو مىنالاردى اتاپ كورسەتتى: قۇلجا قالاسىنىڭ تاريحى ۇزاق، باسىمدىعى ەرەكشە. حالىقتىڭ قالاسى حالىق ءۇشىن بولۋى كەرەك دەگەننەن جازباي، قالانىڭ دامۋ زاڭدىلىعىنا قۇرمەت ەتىپ، قالانىڭ جوبا قۇرىلىسىن باسقارۋ دەڭگەيىن ۇزدىكسىز جوعارىلاتىپ، قالانىڭ ءتۇسى مەن قالانىڭ باسەكەلىك قۋاتىن قۇلشىنا كوتەرىپ، ءار ۇلت بۇقاراسىنىڭ وسى ارادا اناعۇرلىم باقىتتى تۇرمىس كەشىرۋىنە مۇمكىندىك جاساۋ كەرەك.

    قۇلجا قالاسىنداعى جينليڭ بۇقارالىق مادەنيەت قيمىلى ورتالىعىنىڭ وقىتۋ كلاسىنا، جاتتىعۋ زالىنا بارعان چىن چۋانگو ءار ۇلت، ءار سالا بۇقاراسىنىڭ جاڭا جىلىن قۇتتىقتادى. ول لاتىن بيىنە جانە تاەكۋوندوعا جاتتىعىپ جاتقان بالالاردى جاقسى وقىپ، دەنەسىن جاقسى شىنىقتىرىپ، ۇلكەيگەندە سوتسياليستىك شينجياڭدى گۇلدەندىرۋگە ۇلەس قوسۋعا شابىتتاندىردى؛ ول كوكتەم مەرەكەسى كونسەرتىنە دايىندالىپ جاتقان ارتيستەردى ۇلتتىق، حالىقتىق كوركەمونەردى ويداعىداي قورعاپ، وعان ويداعىداي مۇراگەرلىك ەتىپ، شينجياڭداعى ءار ۇلتتىڭ كوركەمونەر جاۋھارىنىڭ اناعۇرلىم جايناي تۇسۋىنە مۇمكىندىك جاساۋعا ىنتالاندىردى؛ ول قارتتار قور ۇيىرمەسىندەگىلەرگە جاڭا جىلدارىڭىز قۇتتى بولسىن، دەنساۋلىقتارىڭىز مىقتى بولسىن دەگەن تىلەك ايتتى. كوپشىلىكتىڭ ۇسىنىسىمەن چىن چۋانگو ولارمەن بىرگە «وتاندى جىرلايمىز» ءانىن اسقاقتا شىرقاپ، ۇلى وتاننىڭ جاڭا جىلدا ءتۇرلى ىستەرىنىڭ قارىشتاپ دامۋىن بىرگە تىلەدى.

    گۋاڭميڭ كوشەسى الەۋمەتتىك اۋماعىندا چىن چۋانگو نەگىزگى ساتى ۇيىمى قۇرىلىسىنىڭ، «ەكىنى ۇيرەنۋ، ءبىر بولۋ» ۇيرەنۋ - تاربيەسىنىڭ جانە «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ورىستەتىلۋ جاعدايىن دەن قويا ۇعىستى. چىن چۋانگو بىلاي دەپ اتاپ كورسەتتى: «ەكىنى ۇيرەنۋ، ءبىر بولۋ» ۇيرنۋ - تاربيەسىن ورىستەتۋدى وراي، قوزعاۋشى كۇش ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانى باسقارۋ، پارتيانى جونگە سالۋداعى تۇلعالىق جاۋاپكەرلىكتى جاپپاي تياناقتاندىرىپ، نەگىزگى ساتىنىڭ پارتيا قۇرىلىسىن جاپپاي كۇشەيتىپ، پارتيا مۇشەلەرى، بۇقارا قايدا بولسا، پارتيا قۇرىلىسى قىزمەتىن سول جەرگە جەتكىزۋ كەرەك. پارتيا تۋىن اسقاقتاتىپ، ساپاعا كەپىلدىك ەتۋ العى شارتىندا پارتيا مۇشەلەرى قوسىنىن بارىنشا دامىتىپ، زورايتىپ، پارتيا ۇيىمىن ءاربىر قوعامدىق باسقارۋ كلەتكالارىنا ءسىڭىرىپ، پارتيا قىزمەتىنىڭ جاپپاي قامتۋىن، بۇقارالىق قىزمەتتىڭ جاپپاي قامتۋىن، قوعامدىق باسقارۋدىڭ جاپپاي قامتۋىن جۇزەگە اسىرۋ كەرەك.

    چىن چۋانگو تاعى قورعاس قالاسىنىڭ باشىجيان فاڭزى شەكارالىق تەكسەرۋ پۋنكتىنە، اكىمشىلىك قىزمەت وتەۋ ورتالىعىنا جانە جۇڭگو - قازاقستان قورعاس حالىقارالىق شەكارا سەلبەستىك ورتالىعى مەن سەلبەستىك ورتالىعىنىڭ كەمەلدى رايونىنا بارىپ، شەكارا ساۋداسى، كەشەندى باجىسىز رايون قۇرىلىسى، كاسىپتەردى دامىتۋ سىندى جاعدايلاردى ەگجەي - تەگجەيلى تەكسەردى. چىن چۋانگو مىنالاردى باسا دارىپتەدى: وتكەلدى جاقسى قۇرىپ، ويداعىداي باسقارىپ، ودان ويداعىداي پايدالانىپ، جىبەك جولى ەكونوميكالىق بەلدەۋى وزەكتى رايونىنىڭ قۇرىلىسىنا پارمەندى تىرەك ازىرلەۋ كەرەك. باس شۋجي شي جينپيڭ العا قويعان «جاسىل جىبەك جولىن، اقاۋسىز جىبەك جولىن، زەردەلى جىبەك جولىن، بەيبىت جىبەك جولىن اشۋ» سىندى ماڭىزدى نۇسقاۋىن تىڭعىلىقتى دايەكتىلەندىرىپ، شەشۋشى بۋىندى مىقتى ۇستاپ، قىزمەتتەردى قاتاڭ تياناقتاندىرىپ، ءتۇيىندى نىسانداردىڭ تياناقتانۋىن ىلگەرىلەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، تىڭ ەكونوميكالىق ارتۋ ءتۇيىنىن جەتىلدىرۋ كەرەك.

    قىزمەت تەكسەرۋدە، چىن چۋانگو بيڭتۋان 4 - ديۆيزياسى 62 - پولك 3 - روتاسىنا بارىپ، بيڭتۋانداعى كادرلاردان جانە جۇمىسشى - قىزمەتكەرلەردەن شىنايى حال سۇرادى. چىن چۋانگو بىلاي دەپ اتاپ كورسەتتى: تىڭ يگەرىپ شەكارانى قورعاۋ − شەكارا ءوڭىردى اشۋدىڭ، شەكارا قورعانىسىن بەكەمدەۋدىڭ ماڭىزدى شاراسى. نەشە ونداعان جىلداردان بەرى، بيڭتۋانداعى قالىڭ كادرلار مەن جۇمىسشى - قىزمەتكەرلەر شينجياڭنىڭ دامۋىن ىلگەرىلەتۋ، ۇلتتار ىنتىماعىن جەبەۋ، قوعام ورنىقتىلىعىن قورعاۋ، مەملەكەتتىڭ شەكارا قورعانىس ىستەرىن بەكەمدەۋ جولىندا وشپەس ۇلەس قوستى. سوندىقتان بيڭتۋانعا ءمان بەرۋ، بيڭتۋاندى قولداۋ، بيڭتۋاننىڭ ورنىقتىرعىش، دومنا پەش، ۇلگى كورسەتۋ سىندى ماڭىزدى رولىن شىنايى ويداعىداي ساۋلەلەندىرۋ كەرەك.

    چىن چۋانگو تەكسەرۋدە بىلاي دەپ باسا دارىپتەدى: بيىل پارتيا 19 - قۇرىلتايى اشىلاتىن، قامداۋ جاعىنداعى قۇرىلىمدىق رەفورمانى تەرەڭدەتەتىن، «13 - بەسجىلدىق» جوبانى اتقاراتىن ماڭىزدى ءبىر جىل. رايونىمىزداعى ءار ۇلت كادرلارى مەن حالىق بۇقاراسى باس شۋجي شي جينپيڭنىڭ ۇندەۋىنە ءۇن قوسىپ، قىزمەتكە بىلەك سىبانا كىرىسىپ، ج ك پ اۆتونوميالى رايوندىق 9 - قۇرىلتايى مەن اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دەن قويا دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن اناعۇرلىم بەرىك ورناتىپ، قوعامنىڭ جاراسىمدىلىعى مەن ورنىقتىلىعىن جەبەپ، ەكونوميكانىڭ ورنىقتى، اقاۋسىز دامۋىن ىلگەرىلەتىپ، پارتيا 19 - قۇرىلتايىن تاماشا ناتيجەمەن قارسى الۋلارى كەرەك. ورنىقتىلىقتى قورعاۋدى ءبارىن باسىپ تۇسەتىن ساياسي مىندەت رەتىندە قاراپ، اركىم ءوز جاۋاپكەرشىلىگىن ءبىلۋى، اركىم ءوز جاۋاپكەرشىلىگىن ۇستىنە الۋى، اركىم ءوز جاۋاپكەرشىلىگىن ادا ەتۋى، مىقتاپ يگەرىپ، شىنايى ىستەپ، قۇر سوزبەن قۋىرداق قۋىرۋدان قاتاڭ ساقتانۋى، ورنىقتىلىقتى قورعاۋدىڭ ءتۇرلى شارالارىن ناقتاپ تياناقتاندىرىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىن قۇلشىنا ىسكە اسىرۋلارى كەرەك. ورنىقتىلىق بارىسىندا ىلگەرىلەۋ قىزمەتىنىڭ نەگىزگى ارقاۋىنان جازباي، جاڭا دامۋ كوزقاراسىن بەرىك ورناتۋى جانە ونى دايەكتى تياناقتاندىرۋى، ەكونوميكالىق دامۋدىڭ جاڭا قالىبىنا ۇيلەسۋى جانە ونى يگەرۋى، دامۋدىڭ ساپاسى مەن ونىمدىلىگىن جوعارىلاتۋدى وزەك ەتۋدەن جازباي، ەكونوميكانىڭ ورنىقتى، اقاۋسىز دامۋىن جەبەۋى كەرەك. كوكتەم مەرەكەسى تاياپ قالدى، حالىق جۇرتشىلىعى، وتە - موتە، ءال - اۋقاتى تومەن حالىقتى سۇيەمەلدەۋ قىزمەتىن تىڭعىلىقتى ىستەپ، مۇڭ - مۇقتاجىن ءبىلۋ، حال سۇراۋ، مەيىر باعىشتاۋ قيمىلىن كەڭ كولەمدە ورىستەتىپ، حالىقتىڭ ءوندىرىس، تۇرمىس بارىسىنداعى ناقتى قيىنشىلىقتارىن قۇلشىنا شەشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىن حالىق بۇقاراسىنىڭ كوكەيىنە ۇيالاتۋ كەرەك. قوعامدىق قامتاماسىزداندىرۋ، قوعامدىق قۇتقارۋ، كومەك بەرۋگە قاتىستى شارالاردى بۇلجىتپاي تياناقتاندىرىپ، ءال - اۋقاتى تومەن حالىقتىڭ تۇرمىسىن شىنايى قامتاماسىز ەتىپ، ءار ۇلت حالقىنىڭ مەرەكەنى كوڭىلدى وتكىزۋىنە، باقىتتى تۇرمىس كەشىرۋىنە مۇمكىندىك جاساۋ كەرەك.

جاۋاپتى رەداكتور:سايراش تۇرارجان قىزى