چىن چۋانگو اۆتونوميالى رايوندىق ينتەرنەت ينفورماتسيا كەڭسەسىندە قىزمەت تەكسەردى

چىن چۋانگو اۆتونوميالى رايوندىق ينتەرنەت ينفورماتسيا كەڭسەسىندە قىزمەت تەكسەرگەندە

 ينتەرنەتتى جاقسى باسقارىپ جانە ودان ويداعىداي پايدالانىپ، ويداعىداي قۇرىپ، توراپ ينفورماتسيا قىزمەتىندە جاڭا جاعداي اشىپ، قوعام ورنىقتىلىعى مەن باياندى تىنىشتىق باس نىساناسىن قامتاماسىزداندىرۋدى باسا دارىپتەدى

    27 - قاراشا تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو اۆتونوميالى رايوندىق ينتەرنەت ينفورماتسيا كەڭسەسىندە قىزمەت تەكسەرگەندە مىنانى باسا دارىپتەدى: اناعۇرلىم تاسقىنداعان رۋحپەن ينتەرنەتتى باسقارۋ ورەسىن جوعارىلاتىپ، ينتەرنەتتەگى ۇنامدى ۇگىتتى كۇشەيتىپ، ينتەرنەت ينفورماتسياسى وزىق تەحنيكاسىنان پايدالانۋدى كۇشەيتىپ، تۇتاس اۆتونوميالى رايوننىڭ ينتەرنەت ينفورماتسيا قىزمەتى ورەسىن ۇزدىكسىز جوعارىلاتىپ، قوعام ورنىقتىلىعى مەن باياندى تىنىشتىق نەگىزىن بەكەمدەۋدى پارمەندى قامتاماسىزداندىرۋ كەرەك.

    اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن جانە اۆتونوميالى رايوننىڭ باسشىلارىنان تيان ۋىن، جۋ چاڭجيە، ليۋ جيانشين، ۋان حايچۋان قاتارلىلار قىزمەت تەكسەرۋدە بىرگە بولدى.

    اۆتونوميالى رايوندىق ينتەرنەت ينفورماتسيا كەڭسەسى قىزمەت تەكشەلەرىندە چىن چۋانگو قىزمەتكەرلەردەن شىنايى حال سۇراپ امانداستى، سونداي - اق كوپشىلىكپەن ىشكەرىلەي اڭگىمەلەسىپ، قىزمەتكەرلەردىڭ ساپاسى، الاتىن ەڭبەكاقىسى، قىزمەت ورىندارىنداعى جاۋاپكەرشىلىگى، قىزمەت بارىسى سياقتى جاعدايلاردى ەگجەي - تەگجەيلى ۇعىسىپ، اۆتونوميالى رايوننىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى مالىمەتتى مۇقيات تىڭدادى. ول مىنانى باسا دارىپتەدى: ينتەرنەت حاۋىپسىزدىگى مەن ينفورماتسيالاندىرۋ قىزمەتى پارتيا مەن مەملەكەتتىڭ ستراتەگيالىق جالپى جاعدايىمەن، مەملەكەتتىڭ حاۋىپسىزدىگىمەن، يدەولوگيا سالاسىنىڭ حاۋىپسىزدىگىمەن، قوعام ورنىقتىلىعىمەن، حالىقتىڭ باقىتىمەن قاتىستى، باس شۋجي شي جينپيڭنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، ينتەرنەت حاۋىپسىزدىگى مەن ينفورماتسيالاندىرۋ قىزمەتىنىڭ توتەنشە ماڭىزدىلىعىن جەتە تانىپ، بەلسەنە پايدالانۋدان، عىلمي دامىتۋدان، زاڭ بويىنشا باسقارۋدان، حاۋىپسىزدىگىنە شىنايى كەپىلدىك ەتۋدەن جازباي، اۆتونوميالى رايوننىڭ ينتەرنەت حاۋىپسىزدىگى مەن ينفورماتسيالاندىرۋ قىزمەتىندە قۇلشىنا جاڭا جاعداي اشۋ كەرەك.

    ءبىرىنشى، شەكسىز ادال بولۋعا شىنايى كەپىلدىك ەتۋ. دارىندىلار قوسىنى قۇرىلىسىن نىعايتىپ، ساياسي ساپاسى جوعارى، كاسىپتىك قابىلەتى كۇشتى ينتەرنەت دارىندىلار قوسىنىن قۇلشىنا قۇرىپ، «4 تانىمدى»، اسىرەسە، ۇيتقىلىق تانىم مەن ساپ تۇزەۋ تانىمىن ۇزدىكسىز كۇشەيتىپ، يدەيادا، ءىس - ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.

    ەكىنشى، بەتالىستىڭ دۇرىس بولۋىنا شىنايى كەپىلدىك ەتۋ. ىنتىماقتى، ورنىقتى، تەبىندى، ۇنامدى ۇگىتتى نەگىز ەتۋدەن جازباي، دۇرىس جاماعات پىكىرى بەتالىسىن مىقتى يگەرىپ، ينتەرنەتتەگى ۇنامدى ۇگىتتىڭ رولىن ويداعىداي ساۋلەلەندىرىپ، ينتەرنەتتەگى جاماعات پىكىرىنىڭ جەتەكشىلىك ەتۋ ورەسىن ۇزدىكسىز جوعارىلاتىپ، وڭ ەنەرگيانى تولىقتاۋ، نەگىزگى اۋەندى اسقاقتاتۋ كەرەك.

    ءۇشىنشى، بازانى بەكەمدەۋگە شىنايى كەپىلدىك ەتۋ. نەگىزگى سايت قۇرىلىسىن نىعايتىپ، ءداستۇرلى اقپارات قۇرالدارى مەن تىڭ اقپارات قۇرالدارىنىڭ توعىسىپ دامۋىن بارىنشا ىلگەرىلەتىپ، ينتەرنەت اقپارات قۇرالى، قول تەلەفون اقپارات قۇرالى سياقتىلاردى بارىنشا دامىتىپ، ءار الۋان جىلجىمالى تەرمينال قۇرىلىستارىن كۇشەيتىپ، ينتەرنەتتە جاماعات پىكىرى ارقىلى جەتەكشىلىك ەتۋ ۋاقىتىن، دەڭگەيىن، ونىمدىلىگىن مىقتى يگەرىپ، تارالۋىن، جالپىلىق سەنىمدىلىگىن جانە ىقپالىن كۇشەيتۋ كەرەك.

    ءتورتىنشى، حالىقتىڭ ريزا بولۋىنا شىنايى كەپىلدىك ەتۋ. حالىقتى وزەك ەتكەن دامۋ يدەياسىن دايەكتىلەندىرىپ، حالىقتىڭ كۇتكەن ءۇمىتى مەن تىلەگىنە ۇيلەسىپ، قىزمەت وتەۋدى جەدەل جالپىلاستىرىپ، قولدانىلۋ وزىندىك قۇنىن تومەندەتىپ، ينتەرنەت ينفورماتسيا ىستەرىنىڭ وتاننىڭ تۇتاستىعىن، قوعام ورنىقتىلىعىن، ۇلتتار ىنتىماعىن، ءدىن جاراسىمدىلىعىن قورعاۋ، حالىق تۇرمىسىن جاقسارتۋ، كەدەيلىكتەن قۇتىلدىرۋدان قامال الۋ سياقتى سان سالالى ىستەر ءۇشىن اناعۇرلىم جاقسى قىزمەت ەتۋىن جەبەپ، ءار ۇلت بۇقاراسىن ينتەرنەتتىڭ دامۋ جەتىستىكتەرىنەن بىرگە يگىلىكتەنۋ سەزىمىنە يە ەتۋ كەرەك.

    بەسىنشى، كەڭىستىكتىڭ اشىق بولۋىنا شىنايى كەپىلدىك ەتۋ. ينتەرنەت كەڭىستىگىن باسقارۋدى زاڭ بويىنشا كۇشەيتىپ، اقاۋسىز، العا باسقان ينتەرنەت مادەنيەتىن بارىنشا دامىتىپ، ينتەرنەتتەگى زاڭعا قايشى، ناشار ينفورماتسيالاردى اشكەرەلەۋ تەكشەسىن كەمەلدەندىرىپ، ينتەرنەت ينفورماتسياسىنىڭ تارالۋ ءتارتىبىن ارناعا ءتۇسىرىپ، ينتەرنەتتەن پايدالانىپ بولشەكتەۋ، كەۋلەپ كىرۋ، وتان تۇتاستىعىن ءبۇلدىرۋ، ۇلتتار ىنتىماعىنا زيان جەتكىزۋ، زورلىقتى كۇش لاڭكەستىك ارەكەتىن تۋدىرۋعا جەلىكتىرۋ سياقتى زاڭعا قايشى ارەكەتتەرگە قاتاڭ سوققى بەرىپ، سالتى تۋرا، ستيلى دۇرىس ينتەرنەت كەڭىستىگىن قالىپتاستىرۋ كەرەك.

    التىنشى، بۇكىلدەي حاۋىپسىز بولۋعا شىنايى كەپىلدىك ەتۋ. دۇرىس ينتەرنەت حاۋىپسىزدىگى كوزقاراسىن ورناتىپ، حاۋىپسىزدىك پەن دامۋدىڭ بايلانىسىن ويداعىداي ءبىر جايلى ەتىپ، سايكەستى، بىركەلكى، قاتار ىلگەرىلەتىپ، شەشۋشى ينفورماتسيا نەگىزدىك قۇرىلعىلارىنىڭ حاۋىپسىزدىگىن قامتاماسىزداندىرۋ جۇيەسىن جەدەل ورناتۋ، ينتەرنەت حاۋىپسىزدىگىن تولىق كۇندىك، جان - جاقتى اڭعارىپ وتىرۋ، ينتەرنەت حاۋىپسىزدىگىندەگى ساقتانۋ قابىلەتى مەن سەس كورسەتۋ قابىلەتىن كۇشەيتۋ كەرەك.

    جەتىنشى، ارنالاردىڭ ىركىلىسسىز بولۋىنا شىنايى كەپىلدىك ەتۋ. ينتەرنەتتىڭ جاماعات پىكىرىنە جەتەكشىلىك ەتۋ، حالىقتىڭ تىلەگىن اڭىس ەتۋ رولىن تولىق ساۋلەلەندىرۋ، ءار دارەجەلى پارتيا، ۇكىمەت ورگاندارى مەن باسشى كادرلار ينتەرنەت ارقىلى بۇقارالىق لۋشيانمەن ءجۇرۋدى يگەرىپ، ينتەرنەتتەن پايدالانىپ حالىقتىڭ تىلەگىن ۇعىسۋعا، قىزمەت ورىستەتۋگە جاتىلىپ، ينتەرنەتتى پارتيانىڭ ءۇمىتى مەن حالىقتىڭ تىلەگىن توعىستىراتىن ارناعا اينالدىرۋ كەرەك.

    سەگىزىنشى، پارمەندى قامتاماسىز ەتۋگە شىنايى كەپىلدىك ەتۋ. پارتيانىڭ ينتەرنەت ينفورماتسيا قىزمەتىنە بولعان باسشىلىعىن شىن مانىندە كۇشەيتىپ، تۇتاس رايونىمىزداعى سايتتاردا پارتيا قۇرىلىسى قىزمەتىن جالپىلاستىرۋ، ءار دارەجەلى پارتكومدار مەن حالىق ۇكىمەتتەرى ينتەرنەت حاۋىپسىزدىگى مەن ينفورماتسيالاندىرۋ قىزمەتىن ماڭىزدى كەڭەستىك كۇن تارتىپكە ەنگىزۋى، باسشى كادرلار ينتەرنەتتەن پايدالانۋ، ينتەرنەتتى باسقارۋ، ينتەرنەتتى دامىتۋ قابىلەتى مەن ورەسىن قۇلشىنا جوعارىلاتۋى، قاتىستى تاراۋلار ابزالدىلىقتارىن ساۋلەلەندىرىپ، تىعىز سەلبەسىپ، تۇتاس اۆتونوميالى رايوننىڭ ينتەرنەت ينفورماتسيا ءىسىنىڭ ۇزدىكسىز تىڭنان دامىپ، تىڭ ساتىعا كوتەرىلۋىن كۇش قوسا جەبەۋى كەرەك.

 

جاۋاپتى رەداكتور:سايراش تۇرارجان قىزى